ເຊກອງ ຈະປູກໄມ້ໃຫ້ໄດ້ 883 ເຮັກຕາ

  ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະວັນເດັກນ້ອຍສາກົນວັນທີ 1 ມິຖຸນາປີນີ້, ພະແນກກະສິກຳ ແລະປ່າໄມ້ແຂວງເຊກອງ ກໍຄືຂະແໜງປ່າໄມ້ແຂວງໄດ້ວາງຄາດໝາຍປູກໄມ້ໃນທົ່ວແຂວງໃຫ້ໄດ້ 883 ເຮັກຕາ, ຊຶ່ງແຜນການປູກໄມ້ແມ່ນຈະໄດ້ດຳເນີນຮອດເດືອນກັນຍາ 2019.

  ທ່ານ ເພັດສະໝອນ ໄຊຍະວົງ ຮອງຫົວໜ້າຂະແໜງປ່າໄມ້ແຂວງເຊກອງ ໃຫ້ຮູ້ວ່າ: ປະຈຸບັນແມ່ນໄດ້ຊຸກຍູ້ໃຫ້ບັນດາຜູ້ປະກອບການ, ພາກລັດ, ປະຊາຊົນກະກຽມພື້ນທີ່ປູກໄມ້ໄດ້ແລ້ວ 483 ເຮັກຕາ, ໃນນີ້ເມືອງລະມາມໄດ້ 245 ເຮັກຕາ (ໃນນັ້ນ ລັດ 13 ເຮັກຕາ, ປະຊາຊົນ 18 ເຮັກຕາ ແລະ ບໍລິສັດ 215 ເຮັກຕາ), ເມືອງດາກຈຶງ 233 ເຮັກຕາ (ລັດປູກ 3 ເຮັກຕາ, ໂຄງການອະນຸລັກຊີວະນາໆພັນຕາມ ແລວເຊື່ອມຕໍ່ຊາຍແດນ ຫຼື BCC-FIP 23 ເຮັກຕາ, ໂຄງການ IFAD 200 ເຮັກຕາ, ແລະ ປະຊາຊົນ 5 ເຮັດຕາ), ເມືອງທ່າແຕງ 2 ເຮັກຕາ (ພາກລັດປູກ), ເມືອງກະລຶມ 3 ເຮັກຕາ (ພາກລັດປູກ); ສໍາລັບໃນວັນທີ 1 ເດືອນມິຖຸນາ 2019 ນີ້ ກະກຽມປູກໄມ້ໄດ້ 21 ເຮັກຕາ, ຊຶ່ງເມືອງລະມາມ 13 ເຮັກຕາ, ທ່າແຕງ 2 ເຮັກຕາ, ກະລຶມ 3 ເຮັກຕາ

ແລະດາກຈຶງ 3 ເຮັກຕາ, ຊຶ່ງເບ້ຍ ໄມ້ທີ່ຈະນໍາມາປູກໃນຄັ້ງນີ້ໄດ້ແກ່ ປະເພດໄມ້ປະດັບ ແລະໄມ້ພື້ນເມືອງ ເຊັ່ນ: ໄມ້ດອກຝາງແດງ, ສໍາສາ, ຫວາຍ, ດອກຈໍາປາ, ໄມ້ດູ່, ໄມ້ແຄນ, ໄມ້ຂະຍູງ, ໄມ້ຈໍາປາປ່າ, ໄມ້ສັກ, ໄມ້ແຕ້ຂ່າ, ໄມ້ບາກ ແລະ ອື່ນໆ; ເຊິ່ງປີນີ້ໄດ້ມີແຜນການຜະລິດເບ້ຍໄມ້ຈໍານວນ 1 ລ້ານກວ່າເບ້ຍເພື່ອສະໜອງໃຫ້ແກ່ການປູກຕົ້ນໄມ້ໃນລະດູການປູກໄມ້ປີນີ້. ປະຈຸບັນໄດ້ສະໜອງເບ້ຍໄມ້ເພື່ອນໍາໄປປູກໄດ້ແລ້ວ 3 ແສນກວ່າເບ້ຍ, ໃນນີ້ຂະແໜງປ່າໄມ້ຜະລິດເບ້ຍໄມ້ໄດ້ 21 ພັນກວ່າເບ້ຍ, ເມືອງລະມາມຜະລິດໄດ້ 39 ພັນກວ່າເບ້ຍ (ລັດ 1 ພັນກວ່າເບ້ຍ, ບໍລິສັດ 20 ພັນກວ່າເບ້ຍ, ປະຊາຊົນ 18 ພັນກວ່າເບ້ຍ ), ທ່າແຕງຜະລິດໄດ້ 2 ພັນກວ່າເບ້ຍ, ກະລຶມຜະລິດໄດ້ 1 ພັນກວ່າເບ້ຍ, ດາກຈຶງຜະລິດໄດ້ 2 ແສນກວ່າເບ້ຍ (ລັດ 1 ພັນກວ່າເບ້ຍ, ໂຄງ ການ BCC-FIP 27 ພັນກວ່າເບ້ຍ, ໂຄງການ IFAD 2 ແສນກວ່າເບ້ຍ, ປະຊາຊົນ 2 ພັນກວ່າເບ້ຍ ).

 ຮອງຂະແໜງປ່າໄມ້ໃຫ້ຮູ້ອີກວ່າ: ການປູກໄມ້ໃນໄລຍະຜ່ານມາສັງເກດເຫັນວ່າການຈະເລີນເຕີບໂຕ ແລະ ອັດຕາລອດຕາຍມີຄວາມແຕກຕ່າງກັນ, ຊຶ່ງການປູກໄມ້ຂອງລັດ ແລະ ປະຊາຊົນມີອັດຕາລອດຕາຍໜ້ອຍເນື່ອງຈາກຂາດງົບປະມານໃນການບົວລະບັດຮັກສາເປັນຕົ້ນການອະນາໄມພື້ນທີ່ປູກ, ການໃສ່ຝຸ່ນ ແລະ ເຮັດຮົ້ວປ້ອງກັນສັດ, ສ່ວນການປູກໄມ້ຂອງບໍລິສັດ ແລະ ໂຄງການແມ່ນມີອັດຕາລອດຕາຍສູງເຖິງ 70- 80% ຍ້ອນມີຕົ້ນທຶນໃນການບົວລະບັດຮັກ

ສາ, ແຕ່ເຖິງຢ່າງໃດກໍ່ຕາມຂະແໜງປ່າໄມ້ແຂວງເຊກອງຢາກຂໍຮຽກຮ້ອງເຊີນຊວນຜູ້ປະກອບການລວມເຖິງພາກລັດ ແລະ ປະຊາຊົນຕັ້ງໜ້າປະກອບສ່ວນ ແລະໃຫ້ຄວາມຮ່ວມໄມ້ຮ່ວມມືໃນການປູກໄມ້ໃນຄັ້ງນີ້ຢ່າງເປັນຂະບວນຟົດຟື້ນ, ຖ້າມີຄວາມຕ້ອງການເບ້ຍໄມ້ໃຫ້ສະເໜີຫາຂະແໜງປ່າໄມ້ແຂວງພວກເຮົາ ຍິນດີສະໜອງເບ້ຍໄມ້ໃຫ້ຟີທັງນີ້ເພື່ອເຮັດໃຫ້ຂະບວນການປູກຕົ້ນໄມ້ປີນີ້ມີບັນຍາກາດຟົດຟື້ນບັນລຸຕາມລະດັບຄາດໝາຍທີ່ວາງໄວ້.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์