ລາວຟອດຊີຕີນຳສະເໜີລົດໃໝ່

  ທ້າຍອາທິດຜ່ານມາ ລາວຟອດ ຊີຕີໄດ້ຈັດງານນຳສະເໜີລົດຟອດທຣານສິດໃໝ່ທີ່ສວຍງາມຫຼູຫຼາໂດດເດັ່ນມີເຄື່ອງຈັກຂະໜາດ 2,2 ລິດ 6 ສະປີດຊຶ່ງລົດ ດັ່ງກ່າວເໝາະແກ້ຫຼາຍກຸ່ມລູກຄ້າໂດຍສະເພາະໂຮງແຮມ ແລະບໍລິສັດທ່ອງທ່ຽວ.

  ທ່ານ ໄຊສະຫວັນ ສີຫາກຸນ ທີ່ປຶກສາທາງດ້ານການຂາຍຂອງບໍລິສັດລາວຟອດຊີຕີເປັນຜູ້ຂຶ້ນນຳສະເໜີສຳລັບລົດຟອດທຣານສິດຈະມີຮູບຮ່າງທີ່ສວຍງາມຫຼູຫຼາໂດດເດັ່ນມີເຄື່ອງຈັກຂະໜາດ 2,2 ລິດ 6 ສະປີດຮອງຮັບຜູ້ໂດຍສານໄດ້ 15 ບ່ອນນັ່ງ Ford Transit ຊຶ່ງຄວາມໂດດເດັ່ນຂອງລົດຄັນນີ້ແມ່ນສາ ມາດບັນຈຸຜູ້ໂດຍສານໄດ້ ເຖິງ 15 ຄົນ ແລະມີຄວາມສູງແບບພິເສດເຖິງ 1 ແມັດ 950 ເຊັນໂດຍບໍ່ຕ້ອງ ກົ້ມຫົວລົງຕໍ່າໃນເວລາຂຶ້ນລົງລົດ ແລະ ມີບ່ອນວາງຂາໃນເວລານັ່ງກວ້າງເຖິງ 610 ເຊັນ, ພ້ອມມີບ່ອນເກັບເຄື່ອງທີ່ສະດວກ ແລະປອດໄພບໍ່ເກະກະໃນເວລາເດີນທາງ  Ford Transit ຍັງໄດ້ຮັບລາງວັນຄວາມປອດໄພເຖິງລະດັບ 5 ດາວ ເພາະພວກເຮົາໃສ່ໃຈເພື່ອໃຫ້ຜູ້ໂດຍສານຮູ້ສຶກໝັ້ນໃຈໃນເວລາຂັບຂີ່ຫຼາຍຂຶ້ນ.

  ລົດຟອດທຣານສິດຈະເໝາະກັບລູກຄ້າຫຼາຍກຸ່ມເຊັ່ນ:  ລູກຄ້າທີ່ເຮັດທຸລະກິດໂຮງແຮມທີ່ຕ້ອງໄດ້ນຳໃຊ້ລົດໃນການຮັບສົ່ງຜູ້ໂດຍສານໄປມາລະຫວ່າງໂຮງແຮມ ແລະສະໜາມບິນ, ຄິວລົດ.

 ກຸ່ມທີສອງກໍຄື: ລູກຄ້າທີ່ເຮັດທຸລະກິດນຳທ່ຽວເພາະດ້ວຍຄວາມສູງຂອງຕົວລົດເຮັດໃຫ້ບໍ່ໄດ້ກົ້ມໃນເວລາຂຶ້ນລົງລົດ ແລະຊ່ອງວ່າງລະຫວ່າງເບາະໜ້າແລະຫຼັງທີ່ກວ້າງເຮັດໃຫ້ນັກທ່ອງທ່ຽວສະດວກສະບາຍໃນການນັ່ງລົດດົນໆໂດຍບໍ່ປວດເມື່ອຍ.

 ກຸ່ມທີສາມກໍຄື: ລູກຄ້າທີ່ເຮັດທຸລະກິດໂຮງຮຽນດ້ວຍຄວາມສາມາດບັນຈຸຜູ້ໂດຍສານໄດ້ຫຼາຍເຖິງ 15 ບ່ອນນັ່ງ ແລະມີຄວາມປອດໄພສູງຈິ່ງເໝາະແກ່ການນຳໃຊ້ເປັນລົດຮັບສົ່ງນັກຮຽນທີ່ສຸດ.

  ມີກ້ອງຫຼັງສະດວກສະບາຍໃນເວລາຈະຖອຍຫຼືຈອດນອກນັ້ນກຸ່ມລູກຄ້າອື່ນໆກໍສາມາດນຳໃຊ້ໄດ້ເຊັນກັນຕາມຄວາມຕ້ອງການ ແລະ ຕາມຄວາມເໝາະສົມ ຂອງລູກຄ້າແຕ່ລະຄົນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์