ບໍລິຄຳໄຊ ເປີດເຜີຍສາເຫດນໍ້າເປື້ອນຈາກໂຮງງານແຮ່ມ ຍ້ອນບໍລິສັດລະເມີດສັນຍາ

  ການປ່ອຍສິ່ງເສດເຫຼືອຈາກໂຮງງານແຮ່ມພາໃຫ້ເກີດນ້ຳເປີເປື້ອນ, ດັ່ງທີ່ເປັນຂ່າວຮືຮ່າໃນສັງຄົມອອນລາຍ ແລະວິ້ງວອນໃຫ້ໜ່ວຍງານທີ່ກ່ຽວຂ້ອງເຂົ້າກວ ດສອບຫາສາເຫດເພື່ອແກ້ໄຂ ໂດຍດ່ວນ, ທັງນີ້ ກໍເພາະສັງຄົມຕ່າງກໍໃຫ້ຄວາມເປັນຫ່ວງເພາະສານດັ່ງກ່າວອາດເປັນອັນຕະລາຍ ແລະກໍ່ໃຫ້ເກີດມົນລະພິດທາງອາກາດ, ສິ່ງແວດລ້ອມ ແລະ ຮ້າຍແຮງອາດເຖິງຂັ້ນເສຍຊີວິດໄດ້, ຕໍ່ກັບບັນຫາດັ່ງກ່າວທາງພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງບໍລິຄຳໄຊ ກໍໄດ້ລົງຕິດຕາມສະພາບຕົວຈິງຈຶ່ງຮູ້ວ່າເປັນເພາະໂຮງງານບໍ່ຂຸດຂຸມຝັງ, ປະຈຸບັນພ້ອມພວມຫາລືກັບຝ່າຍໂຮງງານເພື່ອອອກມາດຕະການແກ້ໄຂຢ່າງລະອຽດ.

  ທ່ານ ສົມສະຫງວນ ສຸວັນນະລາດ ຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມໃຫ້ສຳພາດຜ່ານທາງໂທະລະສັບກັບທີມຂ່າວເສດຖະກິດ-ສັງຄົມໃນວັນທີ 20 ພຶດສະພາ 2019 ວ່າ: ຕໍ່ກັບປະເດັນຮ້ອນທີ່ກຳລັງເປັນຂ່າວຮືຮ່າໃນສັງຄົມອອນລາຍກ່ຽວກັບການປ່ອຍນ້ຳເປື້ອນອອກຈາກໂຮງງານ ແຮ່ມຢູ່ບ້ານທ່າສີ ເມືອງບໍລິຄັນ ແຂວງບໍລິຄຳໄຊນັ້ນ, ທາງອຳນາດການປົກຄອງຂັ້ນແຂວງສົມທົບກັບພະແນກຊັບພະຍາກອນທຳມະຊາດ ແລະສິ່ງແວດລ້ອ ມກໍໄດ້ລົງເກັບກຳ ແລະຕິດຕາມສະພາບຕົວຈິງແລ້ວແມ່ນເປັນຕາມຄວາມຈິງທີ່ໄດ້ອອກຂ່າວແທ້ ແລະກໍໄດ້ມີການເກັບເອົາຕົວຢ່າງໄປພິສູດ, ແຕ່ຜົນຍັງບໍ່ທັນອອກມາເທື່ອວ່າໃນນ້ຳນັ້ນມີສານປົນເປື້ອນຫຼາຍປານໃດ, ແຕ່ທັງນີ້

  ເປັນເພາະໂຮງງານດັ່ງກ່າວຕັ້ງຢູ່ເຂດເນີນສູງ ແລະບໍ່ເກັບມ້ຽນຂີ້ເຫຍື້ອກ່ອນຈະເຖິງໄລຍະປິດໂຮງງານ (ໄລຍະປິດໂຮງງານແມ່ນວັນທີ 31 ພຶດສະພາ), ພາ ຍຫຼັງປີໃໝ່ລາວຜ່ານມາກໍໄດ້ມີຝົນຕົກຕໍ່ເນື່ອງມາເລື້ອຍໆເລີຍເຮັດໃຫ້ປະລິມານແຮ່ມທີ່ສະກັດເອົານ້ຳມັນແລ້ວນັ້ນຖືກນ້ຳຝົນໄຫຼຊູລົງມາໃສ່ໜອງນ້ຳຂະໜາ ດເຄິ່ງໄລ່ຕິດກັບໂຮງງານ ແລະພໍຝົນແຮງຈຶ່ງພາໃຫ້ຄູໜອງເຈື່ອແລ້ວສານດັ່ງກ່າວຈຶ່ງໄຫຼລົງສູ່ແມ່ນ້ຳນ້ອຍ (ບໍ່ແມ່ສາຍນ້ຳຫຼັກທີ່ປະຊາຊົນຊົມໃຊ້), ສານດັ່ງ ກ່າວກ່ອນຈະມາຮອດແມ່ນ້ຳກໍ່ຖືກທຳມະຊາດບຳບັດໄປແລ້ວຈຳນວນໜຶ່ງ.

  ທ່ານ ຍັງໃຫ້ຮູ້ຕື່ມວ່າ: ສຳລັບສານດັ່ງກ່າວຫາກຄົນ, ສັດໄດ້ຮັບໃນປະລິມານບໍ່ຫຼາຍກໍອາດສົ່ງຜົນໃຫ້ຖອກທ້ອງ, ແຕ່ໃນກໍລະນີໄດ້ຮັບສານດັ່ງກ່າວໃນປະລິ ມານຫຼາຍກໍອາດເຖິງຂັ້ນເສຍຊີວິດໄດ້, ດັ່ງນັ້ນໃນປະຈຸບັນເພື່ອເປັນການເລັ່ງໃສ່ແກ້ໄຂບັນຫາໃຫ້ໄວທີ່ສຸດ ແລະເປັນການຢັບຢັ້ງການເພີ່ມສານດັ່ງກ່າວນີ້ແມ່ນໄດ້ສັ່ງໃຫ້ໂຮງງານແຮ່ມໂຈະການຜະລິດແລ້ວ, ພ້ອມດຽວກັນນັ້ນໃນວັນທີ 20 ພຶດສະພານີ້,ທາງພະແນກໄດ້ມີກອງປະຊຸມປຶກສາຫາລືເພື່ອແກ້ໄຂບັນຫານີ້ກັບລັດຖະບານໂດຍສະເພາະແມ່ນການອອກມາດຕະການຄັກແນ່ເພື່ອໃຫ້ໂຮງງານດັ່ງກ່າວຈັດຕັ້ງປະຕິບັດຕົ້ນຕໍແມ່ນການອະນາໄມທຳຄວາມສະອາດເກັບມ້ຽນສິ່ງເສດເຫຼືອດັ່ງກ່າວຊຶ່ງບັນຫານີ້ກໍຈະໄດ້ຫາລືກັບບໍລິສັດໃນຕອນບ່າຍຂອງວັນທີ 20 ພຶດສະພາ ແລະຄາດມື້ນີ້ຈະໄດ້ຄຳຕອບຊຶ່ງການກະທຳຂອງໂຮງງານດັ່ງກ່າວ (ການບໍ່ເກັບມ້ຽນສິ່ງເສດເຫຼືອ ຫຼື ຂີ້ເຫຍື້ອ) ຖືວ່າບໍ່ປະຕິບັດຕາມກົດໝາຍສິ່ງແວດລ້ອມ, ດັ່ງນັ້ນຈຶ່ງຈະຕ້ອງໄດ້ມີການປັບໄໝ ຫຼື ຕັກເຕືອນຕາມຄວາມຜິດຢູ່, ແຕ່ທັງນີ້ທັງນັ້ນແມ່ນພວກເຮົາພວມເລັ່ງໃສ່ການແກ້ໄຂສະເພາະໜ້າອັນເປັນບັນຫາຮີບດ່ວນກ່ອນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์