ອົງການອາຫານໂລກ ມອບວຽກອາຫານທ່ຽງ ໃນໂຮງຮຽນໃຫ້ລັດຖະບານ

ໃນວັນທີ 15 ພຶດສະພາ 2019 ທີ່ໂຮງຮຽນປະຖົມສົມບູນ ບ້ານບໍ່ແຂວງອຸດົມໄຊອົງການອາຫານໂລກ (WFP) ໄດ້ຈັດພິທີ ມອບ-ຮັບວຽກງານອາຫານທ່ຽງ ໃນໂຮງຮຽນຫຼາຍກວ່າ 500 ໂຮງ ຮຽນໃຫ້ແກ່ລັດຖະບານລາວເພື່ອສືບຕໍ່ການຈັດຕັ້ງປະຕິບັດ ຊຶ່ງອົງການອາຫານໂລກໄດ້ສະໜອງອາຫານທ່ຽງໃຫ້ນັກຮຽນຈຳນວນ 200ກວ່າຄົນຈໍານວນ 40.000 ຄາບໃນທຸກໆປີ, ໂດຍເປັນກຽດເຂົ້າຮ່ວມຂອງທ່ານຄຳຜາຍສີສະຫວັນຮອງລັດຖະມົນຕີກະຊວງສຶກສາທິການ ແລະກີລາ, ທ່ານ ເດວິດເບສເລຜູ້ອຳນວຍການໃຫຍ່ອົງການອາຫານ ໂລກ, ມີທ່ານຮອງລັດຖະມົນຕີກະ ຊວງກະສິກໍາ ແລະປ່ານໄມ້, ຮອງເຈົ້າແຂວງອຸດົມໄຊ, ເຈົ້າເມືອງໄຊ, ຜູ້ອຳນວຍການໃຫຍ່ອົງການອາ ຫານ ແລະກະສິກຳ FAO ຜູ້ອຳນວຍການປະຈຳພາກພື້ນອົງການ ອີຟັດ IFAD ພ້ອມດ້ວຍຄູ-ອາຈານ ແລະນ້ອງນັກຮຽນເຂົ້າຮ່ວມ.

ການມອບ-ຮັບວຽກງານອາ ຫານທ່ຽງໃນໂຮງຮຽນຄັ້ງນີ້ເປັນນິ ມິດໝາຍອັນດີທີ່ສະແດງໃຫ້ເຫັນຜົນ ສຳລັດໃນການເຮັດວຽກຮ່ວມກັນ ເພື່ອເປັນການຊ່ວຍເຫຼືອນັກຮຽນໃຫ້ ມີໂພຊະນາການ, ສຸຂະພາບ ແລະ ການສຶກສາທີ່ດີ, ເປັນໜໍ່ແໜງທີ່ດີຂອງປະເທດຊາດໃນອະນາຄົດແລະເພື່ອເປັນການປັບດັດໃຫ້ແທດເໝາະກັບສະພາບຄວາມເປັນຈິງ ແລະນະ ໂຍບາຍສົ່ງເສີມອາຫານທ່ຽງໃນ ໂຮງຮຽນທີ່ໄດ້ຮັບອານຸມັດໃຊ້ໃນ ເດືອນພຶດສະພາ 2014, ອົງການ  ອາຫານໂລກໄດ້ຫັນປ່ຽນຈາກການ ຈັດຕັ້ງປະຕິບັດວຽກງານອາຫານ ທ່ຽງໃນໂຮງຮຽນມາເປັນການໃຫ້ ຄວາມຊ່ວຍເຫຼືອການສ້າງຂີດຄວາມສາມາດໃຫ້ແກ່ລັດຖະບານແລະຊຸມຊົນແທນ. ນອກນັ້ນອົງການອາຫານ ໂລກຈະສືບຕໍ່ໃຫ້ການຊ່ວຍເຫຼືອເພື່ອສ້າງຂີດຄວາມສາມາດ ແລະການ ເປັນເຈົ້າການໃຫ້ແກ່ລັດຖະບານເພື່ອການພັດທະນາແບບຢືນຢົງ. ຊຶ່ງປະກອບມີ: ການຕໍ່ນໍ້າເຂົ້າໃສ່ ໂຮງຮຽນ, ວຽກງານພື້ນຖານດ້ານສຸຂານາໄມ ແລະສຸຂະພິບານຂອງ ໂຮງຮຽນ, ສວນຄົວຂອງໂຮງຮຽນ, ສວນຄົວເຮືອນຮົ່ມຂອງຊຸມຊົນ, ໜອງປາ ແລະອື່ນໆ.

ນັບແຕ່ປີ 2002 ເປັນຕົ້ນມາ, ອົງການອາຫານໂລກໄດ້ເລີ່ມການສະໜັບສະໜູນອາຫານທ່ຽງທີ່ມີໂພຊະນາການໃຫ້ແກ່ນັກຮຽນຊຶ່ງສ່ວນຫຼາຍບໍ່ໄດ້ຮັບອາຫານທີ່ມີໂພຊະນາ ການຢ່າງພຽງພໍເວລາມາເຂົ້າຮຽນ. ໃນໄລຍະຕໍ່ມາ, ອົງການອາຫານໂລກໄດ້ຂະຫຍາຍການຈັດຕັ້ງປະຕິບັດວຽກງານອາຫານທ່ຽງໃນໂຮງ ຮຽນຫຼາຍຂຶ້ນຊຶ່ງກວມເອົານັກຮຽນຈຳນວນຫຼາຍກວ່າ 140,000 ຄົນໃນ 1450 ໂຮງຮຽນຂອບເຂດທົ່ວ ປະເທດ. 

ໂດຍ: ວົງມະນີີ

แชร์