ພົບກ້ອງ GoPro ໃນແມ່ນ້ຳຍັງບໍ່ເພ-ຮູບຢູ່ຄົບ

   ສາວທີ່ເຮັດກ້ອງ GoPro ຕົກນ້ຳຄິດວ່າເສຍແລ້ວແຕ່ໃຜຈະຄາດຄິດວ່າຈະມີຄົນເກັບໄດ້ແຖມຍັງຢູ່ໃນສະພາບດີຮູບຖ່າຍ 1.600 ຮູບຍັງຢູ່ຄົບແລະເຂົາກໍບໍ່ລໍຊ້າໃຊ້ພະລັງໂຊຊຽວເພື່ອຊອກຫາເຈົ້າຂອງທີ່ແທ້ຈິງ.

    ຢ້ອນກັບໄປເມື່ອອາທິດກ່ອນ ຄາບລາຍ ແລະລູກຊາຍຂອງເຂົາ ໄປພາຍເຮືອຫຼິ້ນຍາມເຊົ້າທີ່ແມ່ ນ້ຳສາຍໜຶ່ງໃນເມືອງຄາຣາເມນ ໂຕລັດແຄລິຟໍເນຍປະເທດອາເມລິ ກາໃນຂະນະທີ່ກຳລັງພາຍເຮືອຢູ່ນັ້ນຄານສັງເກດເຫັນວັດຖຸບາງຢ່າງຈົມຢູ່ໃນນ້ຳລະດັບຄວາມເລິກປະມານ 4 ຟຸຕ (ປະມານ 1,2 ແມັດ) ຕອນທຳອິດເຂົາຄິວ່າເປັນ ໂທລະສັບມືຖືຊຶ່ງເຂົາກໍບໍ່ຄິດວ່າຈະເກັບໄປຕາມຫາເຈົ້າຂອງເພາະມັນຄົງເພແລ້ວແລະເຂົາກໍບໍ່ຢາກລົງນ້ຳເພາະອຸນຫະພູມນ້ຳເຢັນແຕ່ເມື່ອສັງເກດດີໆອີກເທື່ອໜຶ່ງຄານກໍພົບວ່າມັນບໍ່ແມ່ນໂທລະສັບມືຖືແຕ່ເປັນກ້ອງ GoPro ຊຶ່ງແນ່ນອນມັນກັນນ້ຳໄດ້.

     ໂດຍຈາກການລາຍງານຂອງເວັບໄຊມິເຣີ ເມື່ອວັນທີ 17 ຕຸລາ 2017 ລະບຸວ່າເມື່ອຄານເຫັນວ່າວັດຖຸດັ່ງກ່າວຄືກ້ອງ GoPro ເຂົາກໍຄິດຂຶ້ນມາວ່າມັນອາດບໍ່ທັນເພກໍ ໄດ້ເຂົາຈຶ່ງລົງໄປໃນນ້ຳເກັບເອົາ ກ້ອງດັ່ງກ່າວຂຶ້ນມາແລະເອົາໄປເຮືອນໂດຍພົບວ່າກ້ອງຕົວນີ້ຍັງ ໃຊ້ງານໄດ້ຕາມປົກກະຕິມີຮູບຖ່າຍຢູ່ໃນນັ້ນປະມານ 1.600 ຮູບແລະທຸກຮູບຍັງຊັດເຈນບໍ່ມີຄວາມເສຍຫາຍເລີຍຄານຕັ້ງໃຈທີ່ຈະນຳມັນມາຄືນໃຫ້ເຈົ້າຂອງໂດຍເຂົາໄດ້ໂພສຂໍ້ຄວາມລົງໃນເຟສບຸກພ້ອມດ້ວຍພາບບາງສ່ວນຈາກກ້ອງ ແລະຂໍໃຫ້ຊາວໂຊຊຽວຊ່ວຍກັນແຊຣເພື່ອຕາມຫາເຈົ້າຂອງ.

   ໂພສດັ່ງກ່າວຖືກເຜີຍແພ່ເມື່ອ ວັນທີ 13 ຕຸລາ 2017 ແລະມັນ ກາຍເປັນເລື່ອງລາວໄວທີ່ຊາວເນັດ ຕ່າງພາກັນເວົ້າເຖິງມີຄົນກົດໄລໄປແລ້ວຫຼາຍກວ່າ 11.000  ຄັ້ງ ແລະມີຄົນກົດແຊຣໄປຫຼາຍກວ່າ 192.000 ຄັ້ງແລະດ້ວຍພະລັງໂຊຊຽວນີ້ເຈົ້າຂອງກ້ອງຕົວຈິງກໍຮັບຊາບຂ່າວໃນທີ່ສຸດເຈົ້າຂອງກ້ອງ GoPro ດັ່ງກ່າວຄືຊິນນາ ຟິລລິປນາງໄດ້ເຮັດກ້ອງຕົກນ້ຳຕັ້ງແຕ່ເດືອນມັງກອນທີ່ຜ່ານມາແລະກໍໝົດຄວາມຫວັງທີ່ຈະງົມມັນກັບຄືນມາເມື່ອນາງຮູ້ວ່າມີຄົນເກັບໄດ້ແລະຍັງໃຊ້ງານໄດ້ດີນາງກໍສຸດດີໃຈຫຼາຍທີ່ສຸດ.

แชร์