ປີນີ້ ອ໋ອບໂປ້ ຈະຂະຫຍາຍບໍລິການໃຫ້ເຂົ້າເຖີງພື້ນທີ່ຂອງປະເທດ

  ອ໋ອບໂປ້ (OPPO) ເປັນແບນໂທລະສັບທີ່ມີຊື່ສຽງໂດ່ງດັງມາແລ້ວຫຼາຍປະເທດໃນທົ່ວໂລກ ແລະໄດ້ເຂົ້າມາສຶກສາຕະຫຼາດໂທລະສັບຂອງລາວເລີ່ມແຕ່ປີ 2014, ປະຈຸບັນແບນດັ່ງກ່າວສາມາດເຂົ້າເຖິງກຸ່ມລູກຄ້າທົ່ວປະເທດກວມເອົາ 90%, ໂດຍຜ່ານສາຂາຕ່າງໆທີ່ມີຢູ່ ແລະບັນດາຮ້ານຄ້າຕົວແທນຈຳໜ່າຍໃນຂອບເຂດທົ່ວປະເທດ, ພ້ອມນັ້ນ ປີ 2019 ນີ້, ອ໋ອບໂປຍັງມີແຜນຈະສືບຕໍ່ຂະຫຍາຍການບໍລິການໃຫ້ສາມາດເຂົ້າຮອດເຂົ້າເຖິງທຸກພື້ນທີ່ຂອງປະເທດ.

  ທ່ານ ນາງ ນະລຶມົນ ສິຣິໂສພານາ ຜູ້ຈັດການບໍລິສັດລິນໂກໂມບາຍ ຈຳກັດຜູ້ດຽວ (ແບນ OPPO) ສາຂາປະເທດລາວ ໃຫ້ສໍາພາດກັບທີມຂ່າວເສດຖະ ກິດ-ສັງຄົມ ເມື່ອບໍ່ດົນມານີ້ຮູ້ວ່າ: ບໍລິສັດ OPPO ເລີ່ມສ້າງຕັ້ງໃນປີ 2001, ໃນຮູບແບບການຜະລິດເຄື່ອງສຽງພາຍ ໃຕ້ແບນຂອງ OPPO, ພໍກ້າວເຂົ້າສູ່ປີ 2008-2009 ຈິ່ງຫັນມາຜະລິດໂທລະສັບສະມາດໂຟນຢ່າງເຕັມໂຕ ແລະກໍໄດ້ຮັບຄວາມສົນໃຈເປັນຢ່າງດີຈາກບັນດາຕະຫຼາດທົ່ວໂລກ, ຈົນມາເຖິງປີ 2014, OPPO ຈິ່ງເຂົ້າມາສຶກສາຕະຫຼາດໂທ ລະສັບໃນລາວ ເພື່ອສຶກສາເຖິງຄວາມ ຕ້ອງການໃນດ້ານຕ່າງໆເປັນຕົ້ນຮູບລັກສິນຄ້າແບບໃດ, ສີສັນແບບໃດ ຈິ່ງຈະ ສາມາດຕອບໂຈດກັບຄວາມຕ້ອງການ ຂອງລູກຄ້າ ແລະລວມໄປເຖິງຮູບແບບຂອງການບໍລິການທີ່ເຮັດລູກຄ້າເຂົ້າເຖິງການບໍລິການໄດ້ຫຼາຍເທົ່າທີ່ຈະຫຼາຍໄດ້, ມາຮອດທ້າຍປີ 2018 OPPO ຈິ່ງຮູ້ວ່າຕະຫຼາດໂທລະສັບໃນປະເທດລາວຍັງຂາດສິ່ງໃດແດ່, ບໍລິສັດຈະໄດ້ຜະລິດສິນຄ້າອອກມາໃຫ້ຖືກກັບກຸ່ມເປົ້າ ໝາຍຂອງລູກຄ້າ, ໂດຍຜ່ານການທົດລອງຕະຫຼາດໃນໄລຍະຜ່ານມາເຫັນໄດ້ວ່າແບນ OPPO ສາມາດຕອບໂຈດຄວາມຕ້ອງການຂອງລູກຄ້າໄດ້ດີສົມຄວນ ເມື່ອທຽບກັບແບນອື່ນໆ, ທັງນີ້ ກໍເພາະ OPPO ຢຶດໝັ້ນຄຳຂວັນ ໂປ່ງໃສ, ຊື່ສັດ ແລະຍຸຕິທຳໃນການໃຫ້ບໍລິການແກ່ລູກ ຄ້າມາໂດຍຕະຫຼອດນັບແຕ່ສ້າງ ຕັ້ງມາ, ເນື່ອງຈາກ ອ໋ອບໂປ້ ບໍ່ແມ່ນແບນທີ່ມີຈໍາ ໜ່າຍສະເພາະໃນລາວເທົ່ານັ້ນ, ແຕ່ມີສາ ຂາທົ່ວໂລກ ທັງຕະຫຼາດຢູໂຣບ, ອາຊີ, ຕະຫຼາດຈີນ ຫຼື ອາຊຽນ, ຊຶ່ງໄດ້ພິສູດໃຫ້ ເຫັນການເຕີບໂຕໄລຍະ 10 ປີກວ່າ ແລະ ຜະລິດສິນຄ້າອອກຫຼາຍລຸ້ນແລ້ວ, ທຸກ ລຸ້ນທີ່ຜະລິດອອກແມ່ນເນັ້ນຄຸນນະພາບ ເປັນຫຼັກ, ລວມທັງພາບລັກ ແລະສີສັນ ທີ່ສວຍງາມສະດຸດຕາ.

  ປະຈຸບັນ, ການບໍລິການຂອງ OPPO ສາມາດເຂົ້າເຖິງລູກຄ້າກວມເອົາ 90% ຂອງເນື້ອທີ່ທົ່ວປະເທດ, ສະເພາະນະຄອນຫຼວງວຽງຈັນ ມີສາຂາໃຫ້ບໍລິການ ແລ້ວ 100 ກວ່າສາຂາ, ຈາກພະນັກງານໃຫ້ບໍລິການຫຼາຍກວ່າ 400 ຄົນ ໃນທົ່ວປະເທດ ແລະ ໃນປີນີ້ບໍລິສັດຍັງມີແຜນໃນການພັດທະນາສິນຄ້າໃຫ້ຕອບໂຈດຄວາມຕ້ອງການໃຫ້ຫຼາຍຂຶ້ນ, ເພີ່ມການ ບໍລິການໃຫ້ມີຫຼາກຫຼາຍຊ່ອງທາງຂຶ້ນ ຕື່ມ ແລະມີການປັບປຸງຫຼາຍໆດ້ານເພື່ອໃຫ້ລູກຄ້າສະບາຍໃຈຍິ່ງຂຶ້ນເປັນຕົ້ນ ກໍລະນີລູກຄ້າຊື້ໄປແລ້ວມີບັນຫາ ບໍລິສັດ ໄດ້ປັບປຸງການບໍລິການ ເພື່ອໃຫ້ລູກຄ້າ ສາມາດໄດ້ໂທລະສັບພາຍໃນວັນດຽວ ຫຼື ກໍລະນີຮ້າຍແຮງແມ່ນປະມານ 3 ມື້ລູກຄ້າສາມາດໄດ້ໂທລະສັບຄືນ, ພ້ອມທັງເລັ່ງຂະຫຍາຍສາຂາໃຫ້ຫຼາຍຕື່ມເພື່ອອຳນວຍຄວາມສະດວກໃຫ້ກັບລູກຄ້າບໍ່ສະເພາະແຕ່ໃນເຂດຕົວເມືອງເທົ່ານັ້ນຍັງກວມເອົາເຂດຊານເມືອງ ແລະບັນດາແຂວງຕ່າງໆໃນຂອບເຂດທົ່ວປະເທດ,ຄວບຄູ່ກັບການສ້າງວຽກເຮັດງານທຳໃຫ້ກັບປະຊາຊົນໃນເຂດທ້ອງຖິ່ນນັ້ນອີກດ້ວຍ.

  ທ່ານ ນາງ ນະລຶມົນ ສິຣິໂສພານາ ຍັງໃຫ້ຮູ້ຕື່ມວ່າ: ນອກຈາກການພັດທະນາຜະລິດຕະພັນ, ເພີ່ມການບໍລິການໃຫ້ສາມາດຕອບໂຈດຄວາມຕ້ອງການຂອງ ລູກຄ້າແລ້ວ, OPPO ຍັງໃຫ້ຄວາມສຳ ຄັນໃນການຊ່ວຍເຫຼືອສັງຄົມ, ຊຶ່ງຖືເປັນ ວຽກໜຶ່ງທີ່ຂາດບໍ່ໄດ້ຄຽງຄູ່ກັບການ ພັດທະນາຂອງບໍລິສັດ, ໂດຍປີຜ່ານມາ ກໍເຫັນໄດ້ວ່າ ອ໋ອບໂປ້ ໄດ້ສົມທົບທຶນຊ່ວຍ ຜູ້ປະສົບໄພແຂວງອັດຕະປືເປັນວັດຖຸ ສິ່ງຂອງ ລວມມູນຄ່າ 400 ລ້ານກີບ ແລະໃນປີນີ້ ກິດຈະກຳຫຼ້າສຸດແມ່ນວັນ ເດັກທີ່ຈະມາເຖິງນີ້ OPPO ຈະຮ່ວມ ກັບໂຮງໜັງເມເຈີຈັດກິດຈະກໍາໃຫ້ເດັກ ດ້ອຍໂອກາດໄດ້ເບິ່ງຮູບເງົາຟີ, ພ້ອມກັບການລ້ຽງເຂົ້າສວຍ ແລະ ຫາກທ່ານໃດມີກິດຈະກຳດີໆແລ້ວຢາກໃຫ້ OPPO ມີສ່ວນຮ່ວມກໍສາມາດພົວພັນຫາພວກເຮົາໄດ້.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์