ລາວ-ສ.ເກົາຫຼີແລກປ່ຽນຂໍ້ມູນເຕັກໂນໂລຊີທັນສະໄໝ

  ວັນທີ 16 ພຶດສະພາ 2019 ທີ່ນະຄອນຫຼວງວຽງຈັນ KOTRA ວຽງຈັນ ໄດ້ຈັດງານ Korea-Laos Technol ogy Road Show ຊຶ່ງເປັນເວທີພົບ ປະລະຫວ່າງນັກທຸລະກິດລາວ ແລະ ສ.ເກົາຫຼີ ເພື່ອເປັນການແລກປ່ຽນຂໍ້ມູນທຸລະກິດ ແລະຈັບຄູ່ທຸລະກິດໃນການລົງທຶນຮ່ວມກັນໂດຍການເຂົ້າຮ່ວມຂອງ ທ່ານ ປາກ ຊາງ ອຶນ ຜູ້ອໍານວຍການ KOTRA VientianeF, ມີບັນດາຜູ້ຕາງໜ້າຈາກຜູ້ປະກອບການ ລາວ-ສ.ເກົາຫຼີ ເຂົ້າຮ່ວມ.

  ທ່ານ ປາກ ຊາງ ອຶນ ກ່າວວ່າ: ການຈັດງານຄັ້ງນີ້ເພື່ອເປັນເວທີໃນການແລກປ່ຽນຂໍ້ມູນດ້ານເຕັກໂນໂລຊີທີ່ທັນສະໄໝດ້ານການກໍ່ສ້າງ, ການປັບປຸງພື້ນ ຖານໂຄງລ່າງ, ລວມທັງເຕັກໂນໂລຊີກ່ຽວກັບອາຄານ, ສະຖານທີ່ຕ່າງໆລະຫວ່າງຜູ້ປະກອບການກໍ່ຄືເຈົ້າຂອງໂຮງງານຜູ້ຜະລິດຈາກ ສ.ເກົາຫຼີ ເພື່ອມາແນະ ນໍາແລກປ່ຽນໃຫ້ພາກລັດ ແລະຜູ້ປະກອບການຂອງລາວໄດ້ຮູ້ຈັກເພື່ອເປັນການຕໍ່ຍອດໃນການເປັນຄູ່ຄ້າຮ່ວມກັນໃນຕໍ່ໜ້າ.

  ງານດັ່ງກ່າວປະກອບດ້ວຍ 8 ບໍລິສັດ ທີ່ຈໍາໜ່າຍອຸປະກອນກໍ່ສ້າງ ແລະເຕັກໂນໂລຊີເປັນຕົ້ນເຮືອນເຄື່ອນທີ່ສໍາເລັດຮູບ, ຝາ ແລະເພດານທີ່ກັນສຽງ ແລະ ຄວາມຮ້ອນ, ລະບົບກັນເຈື່ອນແບບທັນສະໄໝເໝາະແກ່ການນໍາໃຊ້ເຮັດອຸມົງ ຫຼື ໃຕ້ດິນ, SMART CITY ໂດຍນໍາໃຊ້ລະບົບ ITS ແລະລະບົບ 3DPlatf orm-Smart City  ລະບົບ ແລະອຸປະກອນການເຕືອນໄພພິບັດທີ່ທັນສະໄໝ ແລະຖືກຕ້ອງອຸປະກອນເຕັກໂນໂລຊີເພື່ອກໍ່ສ້າງ ແລະປັບປຸງເສັ້ນທາງ, ປ່ອ ງອ້ຽມທີ່ນໍາໃຊ້ເຕັກໂນໂລຊີໃໝ່ທີ່ສາມາດກັນຄວາມຮ້ອນ, ກັນສຽງ ແລະກັນຝົນງ່າຍຕໍ່ການອະນາໄມວັດສະດຸໃໝ່ Eco Friendly ທີ່ສາມາດຈອດເຄືອບ ຫຼື ພື້ນແຕກ ແລະອື່ນໆ.

  ສໍາລັບພາກລັດ ແລະຜູ້ປະກອບການລາວທີ່ເຂົ້າຮ່ວມໃນຄັ້ງນີ້ມີຫຼາຍກວ່າ 50 ພາກສ່ວນຊຶ່ງຈະເປັນເວທີສົນທະນາແລກປ່ຽນຕະຫຼອດທັງວັນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์