ກຸ່ມທຸລະກິດໂຮງແຮມ ສະຫຼຸບວຽກປະຈຳປີ

ວັນທີ 14 ພຶດສະພາ 2019 ທີ່ສູນຝຶກອົບຮົມພະແນກຖະແຫຼງ ຂ່າວ, ວັດທະນະທໍາແລະທ່ອງທ່ຽວແຂວງຫຼວງນໍ້າທາ ໄດ້ຈັດກອງປະຊຸມສະຫຼຸບວຽກງານຂອງກຸ່ມທຸລະ ກິດໂຮງແຮມ, ຣິສອດ, ເຮືອນພັກ ແລະກຸ່ມທຸລະກິດບໍລິການອາຫານ, ເຄື່ອງດື່ມ, ການບັນເທີງ ໂດຍການ ເປັນປະທານຂອງທ່ານ ວຽງຄຳ ໄຊຍະວົງ ຮອງຫົວໜ້າພະແນກຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ທ່ານ ບຸນສົງ ແກ້ວມະນີວົງປະທານສະພາການ ຄ້າແລະອຸດສາຫະກຳແຂວງ, ທ່ານ ສຸກສັນ ພະກາສີຫົວໜ້າຫ້ອງການຖວທເມືອງຫຼວງນໍ້າທາ, ມີຫົວໜ້າຂະແໜງ-ຮອງຂະແໜງທ່ອງທ່ຽວ, ກຸ່ມທຸລະກິດໂຮງແຮມ, ຣິສອດ, ເຮືອນພັກແລະກຸ່ມທຸລະກິດບໍລິການອາຫານ, ເຄື່ອງດື່ມ, ການບັນເທີງ, ຕະຫຼອດຮອດພະນັກງານທີ່ ກ່ຽວຂ້ອງເຂົ້າຮ່ວມ.

ທ່ານ ນາງ ພິລາວັນ ອັນລາວັນ ປະທານກຸ່ມທຸລະກິດໂຮງແຮມຣິ ສອດ, ເຮືອນພັກໃຫ້ຮູ້ວ່າ: ໄລຍະຜ່ານມາຄະນະກຸ່ມທຸລະກິດໂຮງ ແຮມ, ຣິສອດ, ເຮືອນພັກໄດ້ສຶກ ສາອົບຮົມການເມືອງແນວຄິດໃຫ້ຜູ້ ປະກອບການໃຫ້ມີຄວາມສະຫງົບ, ສາມາດກຳແໜ້ນ ແລະປະຕິບັດ ຕາມແນວທາງຂອງພັກ, ນະໂຍບາຍຂອງລັດ ແລະບັນດານິຕິກຳ ຕ່າງໆໃຫ້ເຂັ້ມງວດບົນພື້ນຖານ ການຈັດຕັ້ງເຜີຍແຜ່ ແລະຄົ້ນຄວ້າ ຮໍ່າຮຽນແນວທາງນະໂຍບາຍຂອງ ພັກ, ລະບຽບກົດໝາຍຂອງລັດ, ແຜນພັດທະນາເສດຖະກິດສັງຄົມ ຂອງແຂວງ. ໄລຍະຜ່ານມາໃນປີ 2018 ທົ່ວແຂວງມີໂຮງແຮມ, ຣິ ສອດ 11 ຫົວໜ່ວຍ, ເຮືອນພັກ 98 ຫົວໜ່ວຍ ແລະໄດ້ແບ່ງອອກເປັນ 2 ກຸ່ມຄື: ກຸ່ມທຸລະກິດໂຮງແຮມ, ຣິສອດ, ເຮືອນພັກມີສາມະຊິກທັງ ໝົດ 109 ທ່ານ ແລະກຸ່ມທຸລະກິດ ບໍລິການອາຫານ, ເຄື່ອງດື່ມ, ການບັນເທີງມີສະມາຊິກທັງໝົດ 220 ທ່ານແຕ່ລະກຸ່ມໄດ້ມີການພັດທະນາແລະປັບປຸງທຸລະກິດຂອງຕົນຢ່າງ ຕັ້ງໜ້າ, ໄດ້ເຂົ້າຮ່ວມການຈັດຕັ້ງ ເຜີຍແຜ່ລະບຽບກົດໝາຍ ແລະນິຕິ ກຳຕ່າງໆ. ຈາກພາກສ່ວນກ່ຽວຂ້ອງ ຂອງລັດ, ໂດຍສະເພາະແມ່ນພະ ແນກຖະແຫຼງຂ່າວ, ວັດທະນະທຳແລະທ່ອງທ່ຽວແຂວງ, ຫ້ອງການ ຖວທ ເມືອງໃຫ້ສະມາຊິກຮັບຮູ້-ເຂົ້າໃຈຢ່າງທົ່ວເຖິງ, ເຄົາລົບກົດລະ ບຽບການທີກ່ຽວຂ້ອງ ແລະລະບຽບ ຂອງກຸ່ມຢ່າງເຂັ້ມງວດ.

ໃນກອງປະຊຸມຍັງໄດ້ປ່ອນບັດເລືອກຕັ້ງເອົາຄະນະກຸ່ມທຸລະກິດ ໂຮງແຮມ, ຣິສອດ, ເຮືອນພັກ ແລະ ກຸ່ມທຸລະກິດບໍລິການອາຫານ, ເຄື່ອງ ດື່ມ, ການບັນເທີງຊຸດໃໝ່ສຳລັບກຸ່ມທຸລະກິດໂຮງແຮມ, ຣິສອດ, ເຮືອນພັກມີຜູ້ສະໝັກ 7 ທ່ານ,  ເລືອກເອົາ 5 ທ່ານ, ຜ່ານການປ່ອນ ບັດຄັດເລືອກກອງປະຊຸມໄດ້ເປັນ ເອກະສັນເລືອກໄດ້ທ່ານນາງ ຄຳ ຕານ ເປັນປະທານ, ນາງມະນີລາເປັນຮອງປະທານ ແລະຄະນະອີກ3 ທ່ານ, ສຳລັບກຸ່ມທຸລະກິດບໍລິການອາຫານ, ເຄື່ອງດື່ມ, ການບັນເທີງແມ່ນທ່ານພູທອນເປັນປະທານ, ທ່ານ ນາງ ຄຳພອນເປັນຮອງປະທານພ້ອມດ້ວຍຄະນະ ອີກ 3 ທ່ານ.

ໂດຍ: ມຸນຕີ

 

แชร์