ລາວ ແລະອາເມລິກາຮ່ວມມືປັບປຸງການເປັນຢູ່ຄົນພິການ

  ລັດຖະບານລາວ ແລະອົງການເວີລດ໌ເອດຢູເຄຊັນ ປະຈຳລາວ ໄດ້ລົງນາມເຊັນບົດບັນທຶກໂຄງການຄວາມເຂົ້າໃຈ MOU ເພື່ອປັບປຸງການເປັນຢູ່ທີ່ດີຂອງຄົນພິການຢູ່ໃນລາວໂດຍຜ່ານໂຄງການ USAID Okard ເຊິ່ງເປັນໂຄງການໄລຍະ 5 ປີທີ່ໄດ້ຮັບທຶນຊ່ວຍເຫຼືອສະໜັບສະໜູນຈາກລັດຖະບານສະຫະລັດອາເມລິກາ ຜ່ານອົງການ USAID  ແລະ ຈັດຕັ້ງປະຕິບັດໂດຍອົງການເວີລດ໌ເອດຢູເຄຊັນ.

  ພິທີໄດ້ເຊັນບົດບັນທຶກໄດ້ຈັດຂຶ້ນວັນທີ 16 ພຶດສະພາ 2019 ທີ່ນະຄອນຫຼວງວຽງຈັນ ຊຶ່ງໃຫ້ກຽດຕາງໜ້າລົງນາມເຊັນໂດຍລະຫວ່າງທ່ານ ຄຳປິງ ແສງ ຕານນະລາດຫົວໜ້າກົມນະໂຍບາຍ ແລະຜູ້ສູງອາຍຸ, ກະຊວງແຮງງານ ແລະ ສະຫວັດດີການສັງຄົມ, ທ່ານ ນາງ ຊາຣ່າ ບຣູນາກີ ຫົວໜ້າອົງການເວີລດ໌ເອດ ຢູເຄຊັນປະຈຳລາວ ແລະ ໃຫ້ກຽດເຂົ້າຮ່ວມເປັນສັກຂີພິຍານໂດຍທ່ານ ນາງ ຄຳໃບ ຂັດທິຍະ ຮອງລັດຖະມົນຕີກະຊວງແຮງງານ ແລະສະຫວັດດີການສັງຄົມ, ທ່ານ ນາງ ຣີນາ ບິດເຕີ ເອກອັກຄະລັດຖະທູດສະຫະລັດອາເມລິກາປະຈຳລາວບັນດາທ່ານພາກສ່ວນກ່ຽວຂ້ອງເຂົ້າຮ່ວມ.

  ອົງການ USAID ເຮັດວຽກຮ່ວມກັບລັດຖະບານລາວ, ອົງການເວີລດ໌ເອດຢູເຄຊັນ, ອົງການມະນຸດສະທຳ ແລະ ການມີສ່ວນຮ່ວມ ແລະອົງການຈັດຕັ້ງ ທາງສັງຄົມເພື່ອພັດທະນາຈັດຕັ້ງປະຕິບັດບັນດານະໂຍບາຍການມີສ່ວນຮ່ວມຂອງຄົນພິການເພື່ອຮັບປະກັນວ່າບໍ່ມີໃຜປະຖີ້ມໄວ້ຢູ່ເບື້ອງຫຼັງໂຄງການ USA ID Okard ມີເປົ້າໝາຍໃນການປັບປຸງການເຂົ້າເຖິງການບໍລິການທີ່ມີດ້ານສຸຂະພາບ ແລະ ການຟື້ນຟູໜ້າທີ່ການຄຸນນະພາບ, ເພີ່ມໂອກາດດ້ານມີວຽກເຮັດງານທຳໃຫ້ແກ່ຄົນພິການ ແລະເສີມສ້າງຄວາມເຂັ້ມແຂງດ້ານສຸຂະພາບ ແລະເສດຖະກິດໂດຍຜ່ານມີສ່ວນຮ່ວມຂອງພາກທີ່ກ່ຽວຂ້ອງ.

  ການເຊັນບົດບັນທຶກຄວາມເຂົ້າໃຈຄັ້ງນີເປັນຂີດໝາຍສຳຄັນການຮ່ວມມືລະຫວ່າງສອງປະເທດໂດຍແນ່ໃສ່ສົ່ງເສີມຄົນພິການສາມາດຊ່ວຍຕົວເອງໄດ້ ແລະ ມີຄວາມສາມາດຂອງພວກເຂົາໂດຍການເຂົ້າເຖິງການບໍລິການທາງດ້ານສຸຂະພາບ ແລະ ສັງຄົມຢ່າງທຽບເທົ່າກັນຢູ່ໃນ ສປປ ລາວ ສະຫະລັດອາເມລິກາມີຄວາມມຸ່ງໝັ້ນທີ່ຈະໃຫ້ການສະໜັບສະໜູນລັດຖະບານລາວເພື່ອຊ່ວຍໃຫ້ຄົນພິການມີຄວາມສາມາດດຳລົງຊີວິດໄດ້ຢ່າງເຕັມທີ່ ແລະ ມີປະສິດຕິຜົນ.

ໂດຍ: ໜັງສືພິມເສດຖະກິດ-ສັງຄົມ

ໝາຍເຫດ: ແຊຣໄດ້ແຕ່ຫ້າມກັອບປີ້ຂ່າວ

แชร์