ໄຊຍະບູລີ ຈະເກັບກູ້ພືດລະດູແລ້ງໃຫ້ສຳເລັດທ້າຍເດືອນນີ້

  ປະຈຸບັນຊາວກະສິກອນ ແຂວງໄຊຍະບູລີ ພວມຂຸ້ນຂ້ຽວເກັບ ກູ້ຜົນຜະລິດລະດູແລ້ງເປັນຕົ້ນແມ່ນເຂົ້ານາແຊງໃນເນື້ອທີ່ 2 ພັນ ກວ່າເຮັກຕາ ແລະພືດລະດູແລ້ງ 21 ພັນກວ່າເຮັກຕາຊຶ່ງຄາດວ່າຈະໃຫ້ສຳເລັດພາຍໃນທ້າຍເດືອນພຶດສະພານີ້.

+ ທ່ານ ແສງອາທິດ ລາວເບຼຍ ຢາທໍ ຫົວໜ້າຂະແໜງປູກຝັງພະ ແນກ ກະສິກຳ ແລະປ່າໄມ້ແຂວງ ໄຊຍະບູລີ ໄດ້ເປີດເຜີຍວ່າ: ໃນສົກປີ 2018 ຜ່ານມາແຂວງໄຊຍະບູລີໄດ້ຮັບຜົນກະທົບຈາກໄພພິບັດທາງ ດ້ານທຳມະຊາດໜັກໜ່ວງສົມ ຄວນເຊັ່ນ: ເກີດໄພນ້ຳຖ້ວມ, ນ້ຳປ່າ ໄຫຼຊຸ, ການລະບາດຂອງເພ້ຍຈັກ ຈັ່ນຫຼັງຂາວ, ໜູຂີທຳລາຍເຂົ້າໄຮ່ ແລະບົ້ງຮຳໃບຫຼາຍພຶ້ນທີ່ທົ່ວ ແຂວງເຊິ່ງມີ 106 ບ້ານ, ມີ 6.200 ກ່ວາຄອບຄົວທີ່ໄດ້ຮັບຜົນກະທົບ, ມີເນື້ອທີ່ປູກເຂົ້ານາປີຖືກຜົນກະທົບ 582 ເຮັກຕາ, ເຂົ້າໄຮ່ເສຍຫາຍ 14 ເຮັກຕາ, ສ່ວນພຶດກະສິກຳ ເສຍຫາຍມີ 149 ເຮັກຕາ, ເພື່ອເປັນ ການທົດແທນຜົນເສຍຫາຍໃນລະດູຝົນປີຜ່ານມາ ແລະ ສາມາດຄ້ຳປະກັນສະບຽງອາຫານພາຍໃນແຂວງພ້ອມທັງມີສ່ວນແຮ່ໄວ້ ແລະ ຂາຍ ເປັນສິນຄ້າດັ່ງນັ້ນຂະແໜງກະສິກຳ ແລະ ປ່າໄມ້ ຈຶ່ງໄດ້ຄົ້ນຄ້ວາ ແລະ ເປັນເອກະພາບໃນການວາງຕົວ ເລກຄາດໝາຍສູ້ຊົນປູກເຂົ້ານາ ແຊງໃຫ້ໄດ້ 2.000 ເຮັກຕາ, ແຕ່ປະຕິບັດຕົວຈິງໄດ້ 2.213 ເຮັກ ຕາລື່ນຄາດໝາຍ, ສ່ວນການປູກພຶດລະດູງແລ້ງຕາມແຜນການວາງໄວ້ 14.000 ເຮັກຕາ, ປະຕິບັດຕົວຈິງໄດ້ 21.000 ກ່ວາເຮັກຕາ, ມາຮອດປະຈຸບັນເກັບກູ້ຜົນຜະລິດແມ່ນໃກ້ຈະສຳເລັດຄາດວ່າຈະສຳເລັດທ້າຍເດືອນພຶດສະພານີ້.

  ສ່ວນການຜະລິດລະດູຝົນປີນີ້ ແຂວງໄຊຍະບູລີວາງແຜນການປູກ ເຂົ້ານາປີໃຫ້ໄດ້ທັງໝົດ 34.287 ເຮັກຕາກ່ວາ, ຄາດວ່າໝົດແນວປູກທັງໝົດເກືອບ 2.363 ໂຕນ, ສະມັດຕະພາບສະເລ່ຍ 4,75 ໂຕນຕໍ່ເຮັກຕາ, ຄາດຄະເນຜົນຜະລິດທັງໝົດ 162.918 ໂຕນ, ໃນນີ້ປູກນາເຕັກນິກໃໝ່ມີ 1.801 ເຮັ ກຕາ, ໝົດແນວປູກ 83.800 ກິໂລ ສະມັດຕະພາບສະເລ່ຍ  5,12 ໂຕນຕໍ່ເຮັກຕາ, ຄາດຜົນຜະລິດທັງ ໝົດໄດ້ 9.227 ໂຕນ, ເຂົ້າໄຮ່ ຕາມແຜນປູກທັງໝົດ 10.480 ເຮັກຕາ ສະມັດຕະພາບ 2,19 ໂຕນ ຕໍ່ເຮັກຕາ, ຜົນຜະລິດທັງໝົດ 22.991 ໂຕນ, ນອກຈາກປູກເຂົ້າແລ້ວຍັງໄດ້ປູກສະບຽງອາຫານ ແລະ ພຶດເປັນສິນຄ້າມີທັງໝົດ 111.960 ເຮັກຕາ, ສະມັດຕະພາບ 11,66 ໂຕນຕໍ່ເຮັກຕາ, ຄາດຜົນ ຜະລິດທັງໝົດ 1,3 ລ້ານໂຕນເຊັ່ນ: ສາລີແຂງເນຶ້ອທີ 40.316 ເຮັກ ຕາ, ສະມັດຕະພາບ 5,40 ໂຕນຕໍ່ ເຮັກຕາ, ຜົນຜະລິດທັງໝົດ 217.731 ໂຕນ, ສາລີຫວານ 1.992 ເຮັກຕາ ສະມັດຕະພາບ 11,56 ໂຕນຕໍ່ເຮັກຕາ, ຜົນຜະລິດ 23.034 ໂຕນ, ມັນຕົ້ນມີເນື້ອທີ 27.464 ເຮັກຕາ ສະມັດຕະພາບ 32.76 ໂຕນຕໍ່ເຮັກຕາ, ຜົນຜະລິດທັງໝົດ

899.770 ໂຕນ, ໝາກເດືອຍມີເນື້ອທີ່ 24.870 ເຮັກຕາ ສະມັດຕະພາບ 3,11 ໂຕນຕໍ່ເຮັກຕາ, ຜົນຜະລິດທັງໝົດ 77.440 ໂຕນ, ໝາກງາມີເນຶ້ອທີ່ທັງໝົດ 2.300 ເຮັກຕາ, ສະມັດຕະພາບ 1,35 ໂຕນຕໍ່ເຮັກຕາ ຜົນ ຜະລິດທັງໝົດ 3.515 ໂຕນ, ຖົ່ວ ດິນ 4.190 ເຮັກຕາ ສະມັດຕະພາບ 2,37 ໂຕນຕໍ່ເຮັກຕາ, ຜົນຜະລິດທັງໝົດ 9.949 ໂຕນ ແລະຕະກຸນຖົ່ວອຶ່ນໆພ້ອມດ້ວຍພຶດຜັກຕ່າງໆຕື່ມອີກ.  

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ      

แชร์