ເມືອງຊຳເໜືອ ຮັບຮອງບ້ານວັດທະນະທຳໃໝ່

   ພິທີປະກາດແລະຮັບຮອງບ້ານນາເມືອງ, ເມືອງຊຳເໜືອແຂວງຫົວພັນເປັນບ້ານວັດທະນະທຳໃໝ່ບ້ານທີ 58 ຂອງເມືອງໄດ້ຈັດຂຶ້ນໃນທ້າຍອາທິດຜ່ານມາພາຍຫຼັງໄດ້ຜ່ານ 5 ມາດຖານຂອງການສ້າງບຸກຄົນ, ຄອບຄົວແລະບ້ານວັດທະນະທຳທີ່ກະຊວງ ຖວທ ວາງອອກພ້ອມນັ້ນຍັງ ເຫັນວ່າປະຊາຊົນພາຍໃນບ້ານໄດ້ມີຄວາມກະຕືລືລົ້ນປະກອບສ່ວນເຂົ້າໃນການພັດທະນາຕົນເອງ, ຄອບຄົວ ແລະວຽກງານລວມຂອງບ້ານຕາມ ແນວທາງປ່ຽນແປງໃໝ່ຂອງພັກວາງອອກເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົົນຄ່ອຍໆ ດີຂຶ້ນ ແລະໄດ້ຮັບການພັດທະນາເປັນກ້າວໆ.

   ຈາກນັ້ນຍັງໄດ້ປະກາດຮັບຮອງເອົາບ້ານນາເມືອງເປັນບ້ານແບບຢ່າງປະຕິບັດກົດໝາຍ, ບ້ານປອດຢາເສບຕິດ, ປ້ອງກັນຄວາມສະຫງົບ, ສາທາ ລະນະສຸກແບຢາງ, ໜ່ວຍຊາວໜຸ່ມ 4 ບຸກ, ແມ່ ຍິງ 3 ດີ ແລະບ້ານພັດທະນາຕິດພັນກັບການປະ ຕິບັດສິດສະເໝີພາບຍິງ-ຊາຍປະສະຈາກການ ໃຊ້ຄວາມຮຸນແຮງຕໍ່ແມ່ຍິງແເດັກນ້ອຍ, ບ້ານສາມັກຄີແບບຢ່າງ. ບ້ານນາເມືອງຢູ່ຫ່າງຈາກເທສະບານເມືອງຊຳເໜືອ 21 ກີໂລແມັດປະກອບມີ 38 ຫຼັງຄາເຮືອນ, 45 ຄອບຄົວແລະມີພົນລະເມືອງ 218 ຄົນຍິງ 104 ຄົນນັບຖືສາສະໜາພຸດເຂົ້າຮ່ວມໃນພິທີເປີດປ້າຍແລະລັ່ນຄ້ອງ 9 ບາດເພຶ່ອເປັນສິລິມຸ່ງຄຸນໃນພິທີປະກາດຮັບຮອງເອົາບ້ານນາເມືອງເປັນບ້ານວັດທະນະທຳໃໝ່ຄັ້ງນີ້ແມ່ນທ່ານແສງຈັນລິນທະລາດຮອງເລຂາພັກ ເມຶອງ, ປະທານແນວລາວສ້າງຊາດເມືອງ, ມີ ແຂກຂັ້ນແຂວງ, ເມືອງຊຳເໜືອແລະບ້ານໃກ້ຄຽງຕະຫຼອດຮອດພໍ່ແມ່ປະຊາຊົນພາຍໃນບ້ານ ເຂົ້າຮ່ວມນຳ.

   ທ່ານຄຳເພົ້າລາດຊະວົງຮອງນາຍບ້ານກ່າວວ່າ: ກ່ອນໜ້ານີ້ຄວາມຮັບຮູ້ເຂົ້າໃຈຂອງປະຊາຊົນຕໍ່ແນວທາງນະໂຍບາຍຂອງພັກບໍ່ທັນເລິກເຊິ່ງ, ປະຊາຊົນຍັງຂາດຄວາມບຸກບືນເປັນເຈົ້າຕົນເອງ, ຂາດຄວາມກ້າຫານໃນການເຂົ້າຫາແຫຼ່ງທຶນ, ການພັດທະນາຄອບຄົວຍັງຊັກຊ້າ, ມີແນວ ຄິດຄັບແຄບ, ເອື້ອຍອີງ, ຄອງເດີມ ແລະປະກົດ ການຫຍໍ້ທໍ້ຍັງເກີດຂຶ້ນ. ພາຍຫຼັງທີ່ຮັບຮອງເອົາແຜນການດັ່ງກ່າວ, ອຳນາດການປົກຄອງບ້ານກໍ່ຄືພໍ່ແມ່ປະຊາຊົນໄດ້ເປັນເຈົ້າການຮ່ວມມືປະກອບສ່ວນເຂົ້າໃນທຸກຂະບວນການວຽກງານລວມຂອງບ້ານກໍ່ຄືການພັດທະນາເສດຖະກິດຄອບຄົວ, ອົບຮົມສອນລູກຫຼານຂອງຕົນໃຫ້ເປັນຄົນດີ, ອະນຸລັກສົ່ງເສີມສີລະປະວັດທະນະທຳທີ່ເປັນເອກະລັກ ຂອງເຜົ່າໃຫ້ຄົງຢູ່ຊົ່ວລູກຊົ່ວຫຼານສຶບຕໍ່ໄປ.

แชร์