ໂຄສົກທ່ານນີ້ກ່າວຕື່ມວ່າ: ຮົງກົງປະຕິບັດຕາມຫຼັກການປະເທດດຽວສອງລະບອບ ຊຶ່ງໄດ້ຮັບການຄ້ຳຊູຂອງປະເທດຊາດ ແລະ ເຊື່ອມໂຍງກັບໂລກ, ມີການທະນາຄານ, ການຂົນສົ່ງທາງທະເລ, ການຄ້າ ແລະ ການບໍລິການມືອາຊີບທີ່ເຊື່ອມຕໍ່ກັບມາດຕະຖານສູງສຸດຂອງສາກົນ, ທັງມີໂຄງສ້າງຈັດຕັ້ງອົງການປົກຄອງທີ່ມີປະສິດທິພາບສູງ, ຖັນແຖວລັດຖະກອນທີ່ສຸຈະຫຼິດ ແລະ ເປັນມືອາຊີບ. ນັບແຕ່ປີນີ້ເປັນຕົ້ນມາ, ຮົງກົງໄດ້ສ້າງຜົນງານດີເດັ່ນໃນການລຽງລໍາດັບກຳລັງແຂ່ງຂັນສາກົນຫຼາຍປະການ ຊຶ່ງໄດ້ສະແດງໃຫ້ເຫັນເຖິງທ່າແຮງແກນກາງຂອງຮົງກົງ ແລະ ຄວາມພະຍາຍາມຂອງອົງການປົກຄອງຮົງກົງໃນການຊຸກຍູ້ການພັດທະນາໃນຄຸນນະພາບສູງ ໄດ້ຮັບຄວາມຮັບຮູ້ຢ່າງກວ້າງຂວາງຈາກປະຊາຄົມໂລກ