ຮັນກາອິນ-ຢອນຈອງຮຸນຕ້ອນຮັບລູກຄົນທີ່ 2 ສູ່ຄອບຄົວ

ໃນທີ່ສຸດກໍໄດ້ກາຍເປັນພໍ່ ແມ່ລູກສອງຢ່າງເຕັມຕົວແລ້ວສຳລັບຄູ່ຮັກນັກສະແດງຊື່ດັງຂອງ ສ ເກົາຫຼີຮັນການອິນແລະຢອນຈອງຮຸນທີ່ຫຼ້າສຸດໃນວັນທີ 13  ພຶດສະພາທີ່ຜ່ານມາ ທາງຕົ້ນສັງ ກັດຂອງຮັນກາອິນ ໄດ້ອອກຖະແຫຼງການຢ່າງເປັນທາງການເພື່ອແຈ້ງຂ່າວດີໃຫ້ແຟນໆຮູບເງົາຂອງຮັນກາອິນໄດ້ຮູ້ທົ່ວເຖິງກັນວ່ານັກ ສະແດງສາວຮັນກາອິນ ໄດ້ຕ້ອນຮັບສະມາຊິກຄົນໃໝ່ສູ່ຄອບຄົວ ຂອງລາວ.

ໃນເວລາ 14:00 ໂມງ ຂອງ ວັນທີ 13 ພຶດສະພາຕາມເວລາ ຂອງ ສ ເກົາຫຼີ ຮັນກາອິນ ໄດ້ໃຫ້ ກຳເນີດລູກຊາຍຢູ່ທີ່ໂຮງໝໍໃນນະຄອນຫຼວງເຊອູນ ໂດຍທັງແມ່  ແລະລູກນ້ອຍມີສຸຂະພາບແຂງ ແຮງດີ ແລະຂະນະນີ້ກຳລັງຢູ່ລະຫວ່າງການພັກຟື້ນຮ່າງກາຍຢູ່, ຮັນກາອິນ ແລະຢອນຈອງຮຸນເຂົ້າພິທີແຕ່ງດອງໃນປີ 2005 ໂດຍໃຫ້ກຳເນີດລູກສາວໃນເດືອນເມສາ  ປີ 2016 ຊຶ່ງການຖືພາລູກຄົນທີ່ສອງຂອງຮັນກາອິນໄດ້ຮັບຄວາມ ສົນໃຈຈາກແຟນໆເປັນຈຳນວນ ຫຼາຍເນື່ອງຈາກສາມີຂອງລາວໄດ້ແຈ້ງຂ່າວດີເຖິງການຖືພາຂອງຮັນ ກາອິນ ລະຫວ່າງຂຶ້ນຮັບລາງວັນ ທ້າຍປີ 2018 MBC Drama Awards.   

ຮັນກາອິນ ເຂົ້າວົງການບັນ ເທີງຈາກການຖ່າຍທຳໂຄສະນາ ສາຍການບິນ Asiana Airlines ໃນປີ 2002 ກ່ອນຈະໄດ້ຮັບ ງານສະແດງທີ່ໂດ່ງດັງເຊັ່ນຮູບເງົາ ເລື່ອງ  Witch Yoo Hee  (SBS, 2007), Architecture 101 (2012) ແລະThe Moon thatEmbraces the Sun (MBC, 2013), ສ່ວນຢອນຈອງຮຸນເຂົ້າວົງການບັນເທິງຕັ້ງແຕ່ປີ 1999 ແລະມີຜົນງານການສະແດງຫຼວງ ຫຼາຍເຊັ່ນ: East of Eden  (MBC,2008), Jejungwon (SBS, 2009) ແລະMask (SBS, 2015).

 

แชร์