ເມືອງດາກຈຶງ ຮັບຮອງບ້ານມັງ ຫາເປັນບ້ານວັດທະນະທຳໃໝ່

ພິທີປະກາດຮັບຮອງບ້ານມັງຫາ ເມືອງດາກຈຶງ ແຂວງເຊ ກອງ ເປັນບ້ານວັດທະນະທຳໃໝ່ໄດ້ຈັດຂຶ້ນວັນທີ 11 ພຶສະພາ 2019 ທີ່ເດີນໂຮງຮຽນບ້ານດັງກ່າວ, ໂດຍ ພາຍໃຕ້ການເປັນປະທານຂອງທ່ານ ເພັງນາ ຈັນທະພອນຜູ້ຊີ້ນຳວຽກ ງານຂົງເຂດພັກ-ພະນັກງານຂັ້ນ ເມືອງ, ມີທ່ານ ນາງ ວຽງສະໄໝວົງວິຈິດຮອງຫົວໜ້າພະແນກຖວທແຂວງເຊກອງ,ພ້ອມດ້ວຍແຂກຖືກເຊີນຈາກຫ້ອງການອ້ອມຂ້າງເມືອງຕະຫຼອດຮອດອຳນາດການປົກຄອງ ບ້ານ ແລະພໍ່ແມ່ປະຊາຊົນພາຍໃນບ້ານເຂົ້າຮ່ວມຢ່າງຫຼວງຫຼາຍ.

ທ່ານ ໄລສອນ ຮອງເລຂາພັກບ້ານບ້ານມັງຫາໄດ້ລາຍງານສະພາບລວມຂອງບ້ານໃຫ້ຮູ້ວ່າ:ບ້ານມັງຫາສ້າງຕັ້ງຂຶ້ນໃນປີ  2007 ຫ່າງຈາກເທສະບານສະເມືອງປະມານ 21 ກິໂລແມັດ, ປະກອບມີ 59 ຫຼັງຄາເຮືອນ, ມີ 69 ຄອບຄົວ, ມີພົນ ລະເມືອງທັງໝົດ 357 ຄົນ, ຍິງ182 ຄົນ, ມີ 1 ຊົນເຜົ່າຄື: ເຜົ່າ ແຢະ, ແຕ່ໃດໆມາປະຊາຊົນພາຍໃນ ບ້ານເຄີຍມີມູນເຊື້ອດຸໝັ່ນຂະຫຍັນພຽນອົດທົນ, ມີນໍ້າໃຈເດັດດ່ຽວອອກ ແຮງດ້ວຍຄວາຫ້າວຫັນ, ມີຄວາມ ສາມັກຄີຊ່ວຍເຫຼືອເຊິ່ງກັນ ແລະກັນຢ່າງໜັກແໜ້ນ ແລະຖືເອົາວຽກງານ ການເມືອງແນວຄິດເປັນກົກ, ເອົາໃຈ ໃສ່ສຶກສາອົບຮົມສະມາຊິກພັກ, ພໍ່ ແມ່ປະຊາຊົນ  ໂດຍແນ່ໃສ່ສ້າງຄວາມ ສາມັກຄີເປັນຈິດໜຶ່ງໃຈດຽວຕ້ານ ທຸກກົນອຸບາຍຂອງພວກກຸ່ມບໍ່ດີທີ່ ຫວັງທຳລາຍມ້າງເພຄວາມສາມັກ ຄີພາຍໃນບ້ານຢ່າງແຂງແຮງ,ວຽກງານປ້ອງກັນຊາດ-ປ້ອງກັນຄວາມ ສະຫງົບເຂົ້າໃນຊີວິດຕົວຈິງ, ຂອງພໍ່ ແມ່ປະຊາຊົນການເຄື່ອນໄຫວລາດ ຕະເວນຂອບເຂດຄຸ້ມຄອງຂອງ ບ້ານ, ກວດກາຄົນເຂົ້າ-ອອກເປັນປົກ ກະຕິເຮັດໃຫ້ບ້ານມີຄວາມສະຫງົບ ແລະມີຄວາມເປັນລະບຽບຮຽບ ຮ້ອຍດີພໍສົມຄວນ, ປະຊາຊົນສ່ວນ ໃຫຍ່ແມ່ນການເຮັດນາ ແລະສ່ວນກາເຟ, ສ່ວນການລ້ຽງສັດເປັນອາຊີບສຳຮອງ,ບ້ານມີເນື້ອທີ່ສ່ວນກາ ເຟທັງໝົດ134,5 ເຮັກຕາ, ຜົນຜະລິດໄດ້ສະມັດຖະພາບ 2,5 ໂຕນຕໍ່ ເຮັກຕາ, ເນື້ອທີ່ນາ 10 ເຮັກຕາ, ຜົນຜະລິດໄດ້ 1,5 ໂຕນຕໍ່ເຮັກຕາ,ນອກນີ້ກໍ່ໄດ້ລ້ຽງຄວາຍ 68 ໂຕ, ງົວ 11 ໂຕ, ໝູ 123 ໂຕ, ແບ້ 45 ແລະສັດປີກ 192  ໂຕ, ມີໜອງປາ 1ໜອງ, ປ່ອຍປາໃສ່ແລ້ວຈຳນວນ 2000 ໂຕ.ຊຶ່ງສາມາດສ້າງລາຍຮັບພາຍໃນບ້ານບັນລຸໄດ້ທັງໝົດ 3 ລ້ອຍລ້ານກ່ວາກີບສະເລ່ຍຜູ້ໜຶ່ງໄດ້ 10 ລ້ານກ່ວາ ກີບຕໍ່ຄົນຕໍ່ປີ.

ຕອນທ້າຍພິທີທ່ານ ນາງ ວຽງສະໄໝ ວົງວິຈິດ ຮອງຫົວໜ້າພະ ແນກ ຖວທ ແຂວງເຊກອງ ກໍ່ໄດ້ ໃຫ້ກຽດມອບໃບຢັ້ງຢືນບ້ານວັດທະນະທຳໃໝ່ໃຫ້ແກ່ບ້ານມັງຫາ ແລະລັ່ນຄ້ອງ 9 ບາດ ພ້ອມເປີດ ປ້າຍບ້ານວັດທະນະທຳໃໝ່ຢ່າງ ເປັນທາງການ.

ຮຽບຮຽງໂດຍ: ສີສັກດາ

แชร์