ກັງວານການຄ້າ ຖືເອົາສິນຄ້າທີ່ມີຄຸນນະພາບຕອບສະໜອງສັງຄົມ

 ບໍລິສັດ ກັງວານການຄ້າ ຈຳກັດ ເປັນໜຶ່ງຜູ້ຈຳໜ່າຍສິນຄ້າທາງດ້ານເຄື່ອງຈັກອຸປະກອນນັບເງິນ, ກວດເງິນປອມ, ເຄື່ອງສະແກນບັນທຶກລາຍນິ້ວມື, ສະແກນບັດຜ່ານລະຫັດ ແລະເຄື່ອງສັ່ງພິມອື່ນໆທີ່ມີຄຸນນະພາບໂດຍເປັນຜະລິດຕະພັນສິນຄ້າທີ່ໄດ້ນຳເຂົ້າຈາກໂຮງງານຜະລິດໂດຍກົງ ແລະເປັນຫຍີ່ຫໍ້ຊື່ດັງທີ່ຕະຫຼາດຫຼາຍປະເທດໃຫ້ຄວາມນິຍົມສູງ.

 ທ່ານ ນາງ ພິມມະສອນ ລາວຖັງ ອຳນວຍການບໍລິສັດກັງວານການຄ້າຈຳກັດ ໃຫ້ສຳພາດວ່າ: ກ່ອນຈະມາເຮັດທຸລະກິດນີ້ຕົນເອງແມ່ນມັກໃນອາຊີບຄ້າຂາຍຢູ່ແລ້ວຈາກນັ້ນໄດ້ສຶກສາຄວາມຮູ້ຈົນໄດ້ເຫັນເຄື່ອງອຸປະກອນນັບເງິນ ແລະໄດ້ມີແຮງບັນດານໃຈເລີຍສ້າງຕັ້ງທຸລະກິດນີ້ຂຶ້ນມາເມື່ອກ່ອນເຮົາໄດ້ເປີດຮ້ານຂາຍທີ່ອາຊຽນມໍແຕ່ເມື່ອຄວາມຕອບສະໜອງຂອງສັງຄົມເພີ່ມຂຶ້ນຫຼາຍມາຮອດປີ 2017 ໄດ້ຂະຫຍາຍສ້າງຕັ້ງບໍລິສັດກັງວານການຄ້ານີ້ຂຶ້ນມາພ້ອມດຳເນີນທຸລະ ກິດເປັນລິຂະສິດຂອງຕົວເອງປະຈຸບັນບໍລິສັດກັງວານການຄ້າຖືວ່າເປັນໜຶ່ງໃນການຈຳໜ່າຍເຄື່ອງອຸປະກອນນັບເງິນ, ເຄື່ອງກວດເງິນ,ເຄື່ອງມັດເງິນ, ເຄື່ອງສະແກນບັນທຶກລາຍນິ້ວມື, ເຄື່ອງລ໋ອກປະຕູອັດໂນມັດ ແລະ ເຄື່ອງສັ່ງພິມອື່ນໆທີ່ມີຫຼາກຫຼາຍຂະໜາດ, ຫຼາຍປະເພດນອກນັ້ນຍັງຈຳໜ່າຍເຄື່ອງອຸປະກອນເຈ້ຍຕ່າງໆທີ່ໃຊ້ລະບົບ POS ທັງໝົດແມ່ນສິນຄ້ານຳມາຈາກໂຮງ ງານຜະລິດໂດຍກົງໃນປະເທດຈີນ.

ຈຸດເດັ່ນສິນຄ້າໃນບໍລິສັດເຮົາແມ່ນເປັນຜູ້ຈຳໜ່າຍສິນຄ້າທີ່ໄດ້ຄຸນນະພາບມາດຕະຖານທຸກປະເພດໂດຍສະເພາະກຸ່ມລູກຄ້າທີ່ໃຊ້ບໍລິການໃນປະຈຸບັນແມ່ນທະນາຄານ, ບັນດາບໍລິສັດ, ຫ້ອງການພາກສ່ວນລັດ, ເອກະຊົນ ແລະ ຮ້ານຄ້າຊຸບເປີມາເກັດພ້ອມນັ້ນຍັງຮັບຈຳໜ່າຍສົ່ງໃຫ້ຕ່າງແຂວງທົ່ວປະເທດພາຍຫຼັງການດຳເນີນທຸລະກິດຮອດປະຈຸບັນການໃຊ້ບໍລິການລູກຄ້າເຫັນວ່າໃຫ້ຮັບຄວາມສົນໃຈຈາກສັງຄົມເພີ່ມຂຶ້ນເລື້ອຍໆເພາະວ່າບໍລິສັດເຮົາເວລາລູກຄ້າສັ່ງຈອງຈະມີພະນັກງານທີ່ຊຳນານລົງຕິດຕັ້ງໃຫ້ເຖິງສະຖານທີ່ພ້ອມກັບຮັບປະກັນ 1-2 ປີ ນອກຈາກຈຳໜ່າຍເຄື່ອງຜະລິດຕະພັນນັບເງິນຍັງໄດ້ຈຳໜ່າຍເຄື່ອງອາໄຫຼ່ສ້ອມແປງອີກດ້ວຍຖືຄວາມສຳຄັນສຸດບໍລິສັດເຮົາດຳເນີນທຸລະກິດຖືກຕ້ອງຕາມກົດໝາຍບໍ່ວ່າຈະເປັນທາງດ້ານເອກະສານ, ການນຳເຂົ້າຂອງສິນຄ້າ ແລະທັງສະແດງຍຶດໝັ້ນການບໍລິການທີ່ຈິງໃຈ, ຊື່ສັດ ແລະສ້າງຄວາມເພິ່ງພໍໃຈໃຫ້ແກ່ລູກຄ້າ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

 

แชร์