ມວສ ຍ່າງເພື່ອສຸຂະພາບສະຫຼອງ ຄົບຮອບ 60 ປີ

    ວັນທີ 22 ທັນວາຜ່ານມາທີ່ນະຄອນຫຼວງວຽງຈັນມະຫາວິທະຍາໄລວິທະຍາສາດສຸຂະພາບໄດ້ຈັດພີທີຍ່າງເພື່ອສຸຂະພາບເພື່ອສະເຫຼີມສະຫຼອງວັນສ້າງຕັ້ງມະຫາ ວິທະຍາໄລວິທະຍາສາດສຸຂະພາບ (ມວສ)  ຄົບຮອບ  60  ປີ (1958 - 2018) ໂດຍເລີ່ມແຕ່ປະຕູໄຊຫາຫໍຄໍາແລ້ວກັບຄືນສູ່ປະຕູໄຊໂດຍການເຂົ້າຮ່ວມຂອງທ່ານ  ຄໍາພອນພຸດທະວົງຮອງລັດຖະມົນຕີກະຊວງສາທາລະນະສຸກ, ພ້ອມດ້ວຍຄະນະນໍາກະຊວງ, ຄະນະນໍາອະທິການບໍດີສູນສະຖາບັນໂຮງໝໍໂຮງຮຽນຈາກພາກສ່ວນກ່ຽວຂ້ອງພ້້ອມດ້ວຍມວນຊົນໃນນະຄອນຫຼວງວຽງຈັນເຂົ້າຮ່ວມຢ່າງຟົດຟື້ນ.

    ມວສ ມີຫຼັກສູດທີ່ສ້າງບຸກຄະລາ ກອນແພດທັງໝົດ 59 ຫຼັກສູດແລະແຕ່ຮຸ້ນທໍາອິດຮອດປະຈຸບັນສາມາດສ້າງບຸກຄະລາກອນທາງການແພດໄດ້ທັງໝົດ19.194 ຄົນ, ໃນນັ້ນຊັ້ນກາງມີ 14 ຫຼັກສູດ ຄື: ທັນຕະແພດ, ເພສັຊສາດ, ວິ ເຄາະການແພດ, ກາຍະບໍາບັດ, ເຕັກນິກລັງສີຮູບພາບ, ແພດທົ່ວ ໄປ, ພະຍາບານ, ພະດຸງຄັນ, ພະດຸງຄັນຊຸມຊົນ, ຄຸ້ມຄອງອະນາໄມ, ພະຍາບານເຕັກນິກ, ພະຍາບານເຕັກນິກຕໍ່ເນື່ອງແລະຊ່າງອົງຄະທຽມ ລວມຈໍານວນສ້າງທັງໝົດໄດ້ 6.947 ຄົນ, ອານຸປະລິນຍາ(ຊັ້ນສູງ) ມີ 13 ຫຼັກສູດຄື: ພະຍາບານ, ພະຍາບານຕໍ່ເນື່ອງ, ສາທາລະນະສຸກສາດ, ສາທາລະນະສຸກສາດ ຕໍ່ເນື່ອງ, ພະດຸງຄັນສາຍກົງ, ພະດຸງຄັນຕໍ່ເນື່ອງ, ກາຍະບໍາບັດສາຍ ກົງ, ກາຍະບໍາບັດຕໍ່ເນື່ອງ, ເຕັກນິກ ລັງສີຮູບພາບ, ອົງຄະທຽມ, ວິເຄາະການແພດສາຍກົງແລະວິເຄາະການແພດຕໍ່ເນື່ອງສ້າງໄດ້ທັງໝົດ 2.167 ຄົນ, ປະລິນຍາຕີມີ 10 ຫຼັກສູດຄື: ການແພດ, ເພສັຊສາດ, ທັນຕະແພດສາດ, ວິເຄາະການແພດສາຍກົງ, ວິເຄາະການແພດຕໍ່ເນື່ອງ, ກາຍະບໍາບັດສາຍກົງ, ພະຍາບານສາຍກົງ, ພະຍາບານຕໍ່ເນື່ອງ, ພະຍາບານສາດວາງຢາສະຫຼົບຟື້ນຟູຊີບຕໍ່ເນື່ອງແລະພະດຸງຄັນສາຍກົງສາມາດສ້າງໄດ້ທັງໝົດ 8.593 ຄົນ (ແພດ 4.816  ຄົນ, ການຢາ 1.878  ຄົນແລະທັນຕະແພດ 968 ຄົນ). ສໍາລັບປະລິນຍາໂທ ມີ 9 ຫຼັກ ສູດຄື: ທັນຕະແພດສາດ, ບໍລິຫານສາທາລະນະສຸກສາດແລະບໍລິຫານສາທາລະນະສຸກສາດນອກໂມງ ການສາມາດສ້າງໄດ້ 226 ຄົນ. ຊ່ຽວຊານຂັ້ນ 1 ມີ 13 ຫຼັກສູດ ຄື: ສັນລະຍາສາດ, ອາຍຸລະສາດ, ກຸມານເວດສາດ, ສຸຕິນາລີເວດສາດ, ເວດສາດຄອບຄົວ, ວາງຢາສະຫຼົບຟື້ນຟູຊີບ, ປະສາດວິທະຍາ, ຈັກຂຸວິທະຍາ, ລັງສີແລະຮູບພາບແລະຊີວະວິທະຍາການແພດສາມາດສ້າງໄດ້ທັງໝົດ 1.460 ຄົນແລະຊ່ຽວຊານຂັ້ນ 2 ມີ 9 ຫຼັກສູດ ຄື: ຫົວໃຈເສັ້ນ ເລືອດ, ກະເພາະລໍາໄສ້, ປະດົງຄໍ່, ພະຍາດເລືອດ, ຕ່ອມຂັບຍ່ອຍ ໃນ, ຊຶມເຊື້ອເດັກແລະພະຍາດເລືອດໃນເດັກສາມາດສ້າງໄດ້ທັງໝົດ 27 ຄົນ.

 

แชร์