ອີຊູຊຸ ນຳສະເໜີເຄື່ອງຈັກລຸ້ນໃໝ່ 1.9 ດີດີໄວ ບລູພາວເວີ

  ໃນວັນທີ 10 ພຶດສະພາ ຜ່ານມາທີ່ສູນການຄ້າວຽງຈັນເຊັນເຕີ ບໍລິສັດ ຕຣີເພັດ ອີຊູຊຸເຊວສ ຈໍາກັດ  ແລະຄະນະຜູ້ບໍລິຫານລະດັບສູງຈາກອີຊູຊຸປະເທດໄທ ໄດ້ຈັດພິທີເປີດໂຕເຄື່ອງຈັກໃໝ່ 1.9 ດີດີໄວ ບລູພາວ ທີ່ເປັນ ເຄື່ອງຈັກໃໝ່ຫຼ້າສຸດຂອງ ອີຊູຊຸດີແມັກ ແລະ ອີຊູຊຸ ມິວ-ເອັກ ທີ່ມາພ້ອມກັບຂຸມພະລັງໃໝ່ New Isuzu 1.9 Ddi Blue Power ຂີດສຸດແຫ່ງເທັກໂນໂລຍີ, ເຄື່ອງຈັກລໍ້າອະນາຄົດ ທີ່ໃຫ້ກໍາລັງເຄື່ອງຈັກສູງສຸດ, ຄ່າມົນລະພິດຕໍ່າສຸດ ແລະປະຢັດນໍ້າມັນສູງສຸດສູ່ຕະຫຼາດລົດຍົນໃນ ສປປ ລາວ ໂດຍການເປັນປະທານຂອງທ່ານ ໂທຊິອາກິ ມາເອຄາວະ ກໍາມະການຜູ້ຈັດການ ບໍລິສັດ ຕຣີເພັດ ອີຊູຊຸເຊວສ ຈໍາກັດ, ທ່ານ ແສງທອງ ນໍລະສິງ ປະທານບໍລິສັດ ອີຊູຊຸລາວ ວິເອັາເອ ຈໍາກັດ  ແລະຄະນະຜູ້ບໍລິຫານລະດັບສູງຈາກອີຊູຊຸປະເທດໄທເຂົ້າຮ່ວມ.

  ທ່ານ ໂທຊິອາກິ ມາເອຄາວະ ກ່າວວ່າ: ເຄື່ອງຈັກໃໝ່ 1.9 ດີດີໄວ ບລູພາວ ແມ່ນເປັນລົດອະເນກປະສົງທີໄດ້ຮັບການອອກແບບ ແລະພັດທະນາໃໝ່ໆທັງ ໝົດທີ່ຕອບສະໜອງທຸກຄວາມຕ້ອງການຂອງຜູ້ຊົມໃຊ້ ແລະໃຊ້ງານທີ່ມີຄວາມນຸ່ມນວນໃນການຂັບຂີ່ໂດຍສະເພາະແມ່ນການປັບປຸງເຄື່ອງຈັກພ້ອມສິ່ງອໍາ ນວຍຄວາມສະດວກສະບາຍໃຫ້ກັບຜູ້ຂັບຂີ່ຊຶ່ງລົດລຸ້ນໃໝ່ຫຼ້າສຸດທັງລົດກະບະອີຊູຊຸດີແມັກ ແລະລົດຶະເນກປະສົງອີຊູຊຸມິກ-ເອັກ ທີ່ໃຊ້ເຄື່ອງຈັກດີເຊວ 1.900 ຊີຊີທີ່ເປັນມາດຕະຖານໃໝ່ຂອງເຄື່ອງຈັກທີ່ດີເລີດໃນທຸກດ້ານຊຶ່ງໃຫ້ກໍາລັງເຄື່ອງຈັກສູງສຸດຄ່າມົນລະພິດຕໍ່າສຸດ ແລະປະຢັດນໍ້າມັນດີສຸດ.

  ສໍາລັບອີຊູຊຸດີແມັກ 1.9 ດີດີໄວ ບລູພາວເວີ ເປັນນະວັດຕະກໍາລົດກະບະລະດັບໂລກໂກ້ທັງພາຍນອກພາຍໃນດ້ວຍດີໄຊໃໝ່ສະຫງ່າເໜືອຊັ້ນຍິ່ງຂຶ້ນດ້ວຍໄຟໜ້າໃໝ່ແບບ Bi-LED ເທັກໂນໂລຢີສຸດລໍ້າທີ່ໃຫ້ພື້ນທີ່ຄວາມແຈ້ງຫຼາຍຂຶ້ນ, ໃຊ້ພະລັງງານໜ້ອຍລົງ, ພ້ອມຄິ້ວໂຄຣມຽມ (ສໍາລັບລຸ້ນແຄັບໄຟ) ແລະໃໝ່ລໍ້ອັນລອຍດີໄຊຫຼ້າສຸດຂະໜາດ 18 ນິ້ວສະຫງ່າ, ສະປອດ, ໂດດເດັ່ນມີລະດັບ ແລະ ມາພ້ອມຄວາມຄົມເຂັ້ມທຸກລະດົມດ້ວຍທຸກອະນູທີ່ແຝງຄວາມປອດໄພ ຕອບສະໜອງທຸກສະໄຕລ໌ການຂັບຂີ່ດ້ວຍຂຸມພະລັງ ອີຊູຊຸ ດີດີໄອ ບລູພາວເວີ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

ໝາຍເຫດ: ແຊຣໄດ້ ແຕ່ຫ້າມກັອບປີ້ຂ່າວ

แชร์