ນວ ກຽມປູກໄມ້ 1 ລ້ານກວ່າຕົ້ນສະຫຼອງວັນທີ 1 ມິຖຸນາ

  ເພື່ອສືບຕໍ່ຈັດຕັ້ງປະຕິບັດນະໂຍບາຍ 6 ສ ໂດຍສະເພາະແມ່ນ ສ ສີຂຽວ ແນໃສ່ເນື້ອທີ່ປົກຫຸ້ມຂອງປ່າໄມ້ຕິດພັນກັບຂະບວນການຮັກຊາດ ແລະ ການພັດ ທະນາປີນີ້ພະແນກກະສິກຳນະຄອນຫຼວງວຽງຈັນ ປຸກລະດົມຢ່າງກວ້າງຂວາງໃຫ້ຊາວນະຄອນຫຼວງກະກຽມ ແລະ ຜະລິດເບ້ຍໄມ້ປະຈຸບັນເກັບແກ່ນໄມ້ໄດ້ 1.003,2 ກິໂລ ແລະຜະລິດເບັ້ຍໄມ້ໄດ້ 1,31 ລ້ານເບ້ຍ ມີເນື້ອທີ່ຮອງຮັບປູກຕົນໄມ້ທັງໝົດ 300 ເຮັກຕາ.

  ເມື່ອບໍ່ດົນມານີ້ ທ່ານ ຫຼ້າສາຍ ນວນຫາສິງ ຫົວໜ້າພະແນກກະສິກຳ ແລະປ່າໄມ້ນະຄອນຫຼວງວຽງຈັນ ໃຫ້ສຳພາດຕໍ່ສື່ມວນຊົນວ່າ: ເນື່ອງໃນການກະກຽມສະເຫຼີມສະຫຼອງວັນປູກຕົ້ນໄມ້ແຫ່ງຊາດ 1 ມິຖຸນາ ຕິດພັນກັບວັນເດັກນ້ອຍສາກົນປະຈຳປີ 2019 ທຸກໆປີທາງພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ກໍປຸກລະດົມພະນັກງານລັດຖະກອນ, ນັກຮຽນຮູ້ປັນຍາຊົນພ້ອມກັນກ້າເບ້ຍໄມ້ມາປູກຂາຍຢ່າງເປັນຂະບວນຟົດຟື້ນເພື່ອສືບຕໍ່ແຜນພັດທະນາກະສິ ກຳ ແລະປ່າໄມ້ 5 ປີ 2016- 2020 ຂອງພະແນກໂດຍນະຄອນຫຼວງໄດ້ມີເນື້ອທີ່ທັງໝົດ 3,92 ແສນເຮັກຕາ, ໃນນັ້ນມີເນື້ອທີ່ປົກຫຸ້ມປ່າ ໄມ້ 1,22 ແສນເຮັກຕາເທົ່າກັບ 31,25% ແລະ ເນື້ອທີ່ປົກຫຸ້ມສີຂຽວ 2,26 ແສນເຮັກຕາ ເທົ່າກັບ 57,77%.

  ສຳລັບປີນີ້ພະແນກມີແຜນກະກຽມປູກໂດຍປະຈຸບັນເກັບແກ່ນໄມ້ໄດ້ 1.003,2 ກິໂລ ແລະຜະລິດເບ້ຍໄມ້ໄດ້ 1,31 ລ້ານເບ້ຍ ມີເນື້ອທີ່ຮອງຮັບປູກຕົ້ນ ໄມ້ທັງໝົດ 300 ເຮັກຕາ ຄືເມືອງສັງທອງ 120 ເຮັກຕາ, ໄຊທານີ 100 ເຮັກ ຕາ, ປາກງື່ມ 40 ເຮັກຕາ, ນາຊາຍທອງ 25 ເຮັກຕາ, ຫາດຊາຍຟອງ 5 ເຮັກຕາ, ສີໂຄດຕະບອງ 5 ເຮັກຕາ ແລະເມືອງໄຊ ເສດຖາ 5 ເຮັກຕາ.

 ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

ໝາຍເຫດ: ແຊຣໄດ້ ແຕ່ຫ້າມກັອບປີ້ຂ່າວ

แชร์