ດອກໝາກນອຍ ຊ່ວຍບັນເທົາອາການເຈັບຄໍ

ເຄືອໝາກນອຍ ເປັນພັນໄມ້ລົ້ມລຸກດອກມີລົດຊຸ່ມເຢັນແລະຂົມເລັກໜ້ອຍໃຊ້ຮັກສາອາການໄອ, ອາການເຈັບຄໍ ແລະຫອບ ໂດຍນໍາເອົາດອກມາຕາກໃຫ້ແຫ້ງ ປະມານ  6-10  ກຣາມ ມາປະສົມກັບນ້ຳເຜີ້ງແລ້ວຕົ້ມ ກິນເປັນຢາ ຫຼື ຈະໃຊ້ນ້ຳຈາກເຄືອປະສົມກັບນ້ຳຕານຊາຍກິນພໍປະມານກໍ່ເປັນຢາແກ້ໄອ, ແກ້ອາການເຈັບຄໍໄດ້ ເຊັ່ນກັນ, ໝາກ ແລະເມັດໃຊ້ເປັນຢາຂັບປັດສະວະ (ໝາກອ່ອນນຳໄປຕົ້ມກັບນ້ຳ ໂດຍໃສ່ນ້ຳພໍຖ້ວມແລ້ວຕົ້ມຈົນຟົດໃຊ້ນ້ຳທີ່ໄດ້ນຳມາດື່ມວັນລະ 2 ຈອກ ເຊົ້າ ແລະແລງ).ເຄືອ ແລະເມັດໃຊ້ເປັນຢາຖ່າຍພະຍາດໂຕກົມໂດຍນຳເມັດແກ່ມາກິນຕ້ອນທ້ອງວ່າງເມັດຈະມີລົດຫວານມັນ ແລະຮາກໃຊ້ເປັນຢາບັນເທົາອາການເຈັບຄໍ ໂດຍນໍາເອົາຮາກມາຕົ້ມກັບນ້ຳດື່ມ ຫຼື ຈະນຳຮາກມາແຊ່ນ້ຳກິນກໍ່ໄດ້.ໃບຊ່ວຍຮັກສາລິດສີດວງທະວານດ້ວຍການ ນຳໃບມາຕຳໂພະໃສ່ ຫຼື ຈະບົດໃຫ້ເປັນຜົງໃຊ້ເປັນຢາທາ ກໍ່ໄດ້.

ສ່ວນຜູ້ໃຫຍ່ໃຫ້ກິນປະມານ 40-50 ເມັດຕິດຕໍ່ກັນ 2 ວັນ ຫຼື ຈະນຳມາບົດໃຫ້ລະອຽດໃສ່ແຄັບຊູນກິນວັນລະຄັ້ງ ແຕ່ຖ້າເປັນເດັກໃຫ້ກິນຄັ້ງລະປະມານ 30 ເມັດ.

ຮຽບຮຽງໂດຍ: ຟ້າ

แชร์