ຄະດີທີ 4 ການສໍ້ລາດບັງຫຼວງໂຄງການເຂື່ອນໄຟຟ້າ (ລັດວິສາຫະກິດໄຟຟ້າລາວ - EDL)

ໃນຕອນເຊົ້າຂອງວັນທີ 01 ກໍລະກົດ 2026 ສານປະຊາຊົນນະຄອນຫຼວງວຽງຈັນ ໄດ້ນໍາເອົາຄະດີ ການສໍ້ລາດບັງຫຼວງໂຄງການເຂື່ອນໄຟຟ້າ (ລັດວິສາຫະກິດໄຟຟ້າລາວ - EDL) ອອກມາພິຈາລະນາ ໂດຍມີລາຍລະອຽດດັ່ງນີ້:
 
​ຈຳເລີຍ: ທ້າວ ອາພິຊາດ ວັນນະກຸນ (ນັກທຸລະກິດໄທ) ແລະ ອະດີດຜູ້ບໍລິຫານລະດັບສູງຂອງ EDL ອີກ 4 ຄົນ (ລວມມີ ທ້າວ ທອງເພັດ, ທ້າວ ພອນວິໄຊ, ທ້າວ ສາຍສະໜິດ, ທ້າວ ຄຳບົນ) ໃນຂໍ້ຫາ: ສໍ້ໂກງຊັບຂອງລັດ, ສວຍໃຊ້ຖານະຕຳແໜ່ງ, ໃຫ້ ແລະ ຮັບສິນບົນ.
 
​ຄຳຕັດສິນຈຳຄຸກ: ລົງໂທດຈຳຄຸກ ຕະຫຼອດຊີວິດ ທັງ 5 ຄົນ ແລະ ໄດ້ມີການຊົດໃຊ້: ນັກທຸລະກິດໄທ (ຈຳເລີຍ 1) ຕ້ອງໃຊ້ແທນຄ່າເສຍຫາຍລວມກວ່າ 24.8 ລ້ານໂດລາສະຫະລັດ ໃຫ້ແກ່ EDL.
 
​ການຢຶດ ແລະ ອາຍັດຊັບສິນ: ປະກາດຂາຍຊັບສິນ (ບັນຊີເງິນຝາກ 10 ບັນຊີ, ທີ່ດິນ 11 ຕອນ, ແລະ ລົດ) ຂອງນັກທຸລະກິດໄທ ແລະ ພັນລະຍາ ເພື່ອຊົດໃຊ້. ຖ້າມູນຄ່າບໍ່ພຽງພໍ ແມ່ນໃຫ້ອາຍັດຊັບສິນຂອງອະດີດພະນັກງານ EDL ທັງ 4 ຄົນມາຂາຍໃຊ້ແທນຕື່ມ. ພ້ອມທັງຮິບເງິນສິນບົນຫຼາຍກວ່າ 1 ລ້ານໂດລາສະຫະລັດ ເຂົ້າເປັນຂອງລັດ.

แชร์