ເອຊີລີດາ ເພີ່ມທຶນຂື້ນ 2 ເທົ່າ ເອົາໃຈທຸລະກິດເອສເອັມອີໃນລາວ

 ທະນາຄານ ເອຊີລີດາ ລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະມີວິໄສທັດເປັນຜູ້ນຳໃນດ້ານທະນາຄານເພື່ອທຸລະກິດຂະໜາດນ້ອຍ ແລະຂະໜາ ດກາງຢູ່ໃນ ສປປ ລາວ ໄດ້ເພີ່ມແຫຼ່ງເງິນທຶນ 74 ລ້ານໂດລາສະຫະລັດຈາກບັນດາປະເທດຕ່າງໆເຂົ້າສູ່ ສປປ ລາວ ເລີ່ມແຕ່ກາງປີຂອງ 2012 ຈົນ ເຖິງໄຕມາດທຳອິດຂອງປີ 2019.

 ນອກເໜືອຈາກທຶນຂອງທະນາຄານ ແລະການລະດົມທຶນຫຼາຍກວ່າ 100 ລ້ານໂດລາ ໂດຍສະເລ່ຍຕໍ່ປີເປົ້າໝາຍຂອງທະນາຄານເອຊີລີດາ ລາວຈຳກັດແມ່ນເພີ່ມຈຳນວນແຫຼ່ງເງິນທຶນໃຫ້ຫຼາຍກວ່າ 150 ລ້ານໂດລາ ຈາກບັນດາຮຸ້ນສ່ວນໃນປະເທດຕ່າງໆໃນແຜນການຢຸດທະສາດ 5 ປີ ຂ້າງໜ້າເພື່ອສະໜັບສະໜູ ນການຂະ ຫຍາຍຕົວຂອງສິນເຊື່ອ, ໂດຍສະເພາະແມ່ນການປ່ອຍສິນເຊື່ອຂະໜາດນ້ອຍທີ່ວ່ອງໄວຂຶ້ນ, ສິນເຊື່ອຂະໜາດກາງ ຫຼື ທຸລະກິດຂະໜາດໃຫຍ່ສາມາ ດກູ້ຢືມໄດ້ສູງເຖິງ 17 ຕື້ກີບ ຫຼື ທຽບເທົ່າ 2 ລ້ານໂດລາ ອີງຕາມພື໊ນຖານທຸລະກິດຂອງລູກຄ້າ.

  ທ່ານ ດຣ. ຮາຍ ສະວາຍ, ຜູ້ອຳນວຍການໃຫຍ່ທະນາຄານເອຊີລີດາ ລາວ ຈຳກັດ ໄດ້ກ່າວວ່າ: ເອຊີລີດາ ລາວ ຈຳກັດ ເປັນຜູ້ນຳໃນດ້ານທະນາຄານເພື່ອທຸ ລະກິດຂະໜາດນ້ອຍ ແລະຂະໜາດກາງ, ພວກເຮົາສາມາດເຕີບໃຫຍ່ໄປພ້ອມກັບລູກຄ້າໃນການປະຕິບັດພາລະບົດບາດທີ່ສຳຄັນໃນຖານະເປັນແກນຫຼັງຂອງເສດຖະກິດ. ທະນາຄານ ເອຊີລີດາ ລາວ ຈຳກັດ ໄດ້ນຳໃຊ້ທຶນຈາກຫຼາຍແຫຼ່ງລວມທັງທຶນຂອງທະນາຄານ,ຈາກການລະດົມທຶນ ແລະການກູ້ຢືມຈາກຮຸ້ນສ່ວນໃນຂົງເຂດພູມີພາກ ແລະ ລະຫວ່າງທະວີບເພື່ອຕອບສະໜອງຜະລິດຕະພັນສິນເຊື່ອຕາມຄວາມຕ້ອງການຂອງລູກຄ້າໃນທຸກຂະແໜງ, ໂດຍສະເພາະແມ່ນການປ່ອຍສິນເຊື່ອທີ່ວ່ອງໄວຂຶ້ນຢູ່ໃນ ສປປ ລາວ. ທະນາຄານຈະເພີ່ມທະວີການເຮັດວຽກຮ່ວມກັນທາງດ້ານການເງິນກັບຮຸ້ນສ່ວນທັງພາຍໃນ ແລະ ຕ່າງປະ ເທດເພື່ອເພີ່ມທະວີການລົງທຶນສອງ ຫຼື ສາມເທົ່າ, ໂດຍສະເພາະແມ່ນຕະຫຼາດລະຫວ່າງທະນາຄານ ແລະການໝຸນວຽນເງິນສົດທີ່ປະກອບສ່ວນເຂົ້າໃນ ສປປ ລາວ.

  ທ່ານ ອູໂຕ ແຊຈາວ, ຫົວໜ້າພະແນກບໍລິຫານທຶນໄດ້ກ່າວຕື່ມອີກວ່າ: ທະນາຄານ ເອຊີລີດາ ລາວ ຈຳກັດ ມີສະພາບຄ່ອງໃນການໃຫ້ບໍລິການຜະລິດຕະ ພັນສິນເຊື່ອທີ່ເໝາະສົມກັບລູກຄ້າທຸກລະດັບທີ່ມີຄວາມຕ້ອງການທຶນ ແລະຂະຫຍາຍທຸລະກິດຂອງຕົນເອງຕາມຄວາມເໝາະສົມ. ພວກເຮົາສະໜອງການບໍລິການດ້ານການເງິນທີ່ດີທີ່ສຸດໃຫ້ແກ່ຜູ້ຝາກເງິນ, ລູກຄ້າ ແລະເຮັດວຽກຢ່າງໃກ້ຊິດກັບຮຸ້ນສ່ວນໃນປະເທດ ແລະໃນທົ່ວໂລກເພື່ອຮັກສາສະຖຽນລະພາບຂອງແຫຼ່ງທຶນ ແລະ ຜົນປະໂຫຍດເຊິ່ງກັນ ແລະກັນ.

 ປະຈຸບັນ, ກຸ່ມຂອງເອຊີລີດາ ມີທະນາຄານ ເອຊີລີດາ ມະຫາຊົນຊຶ່ງເປັນບໍລິສັດແມ່ ແລະ ມີ 5 ບໍລິສັດລູກທີ່ປະຕິບັດງານຢູ່ກຳປູເຈຍ, ສປປ ລາວ ແລະມຽ ນມາ ແລະໃຫ້ບໍລິການໂອນເງິນໃນທົ່ວໂລກ. ກຸ່ມເອຊີລີດາມີຊັບສິນລວມທັງ ໝົດເກືອບ 6 ຕື້ໂດລາສະຫະລັດ ແລະມີ 310 ສາຂາ, ຕູ້ເອທີເອັມ 607 ຕູ້ ແລະ ໃຫ້ການບໍລິການລູກຄ້າຫຼາຍກວ່າ 2,6 ລ້ານຄົນ ທີ່ໃຊ້ບັນຊີທະນາຄານ, ການໂອນເງິນພາຍໃນ, ການໂອນເງິນຕ່າງປະເທດ, ຜະລິດຕະພັນ ແລະການບໍລິການຂອງທະນາຄານທຸລະກິດຕ່າງໆ. ຜະລິດຕະພັນ FinTech “ ເອຊີລີດາທັນໃຈ”, ທີ່ຊ່ວຍໃຫ້ທະນາຄານເອຊີລີດາລາວສາມາດເຂົ້າເຖິງລູກຄ້າທຸກພາກ ສ່ວນໄດ້ນຳໃຊ້ໃນການເຮັດທຸລະກຳໃນທຸກໆວັນທຸກເວລາທຸກສະຖານທີ່.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

ໝາຍເຫດ: ແຊຣໄດ້ ແຕ່ຫ້າມກັອບປີ້ຂ່າວ

แชร์