ຊາວໜຸ່ມ ເມືອງໄຊຍະບູລີ ຈັດກອງປະຊຸມໃຫ່ຍ

ກອງປະຊຸມໃຫ່ຍຜູ້ແທນຄະ ນະບໍລິຫານງານຊາວໜຸ່ມຄັ້ງທີ VI ເມືອງໄຊຍະບູລີແຂວງໄຊຍະບູລີ ໄດ້ຈັດຂຶ້ນໃນລະຫ່ວາງວັນທີ  6-7 ພຶດສະພາ ຜ່ານມາ ທີ່ຫ້ອງປະຊຸມໃຫ່ຍຂອງເມືອງ. ພາຍໃຕ້ການເປັນປະ ທານຂອງທ່ານ ນາງ ບົວວົງ ສີຕັນຮັກສາການເລຂາຄະນະບໍລິຫານງານຊາວໜຸ່ມເມືອງໄຊຍະບູລີ, ທ່ານ  ຄໍາຜາຍ ແກ້ວບົວຮອງເລຂາພັກເມືອງປະທານແນວລາວສ້າງຊາດເມືອງຜູ້ຊີ້ນໍາວຽກງານການເມືອງ-ແນວຄິດ ແລະອົງການຈັດ ຕັ້ງມະຫາຊົນຂັ້ນເມືອງ, ທ່ານ ບຸນແທນທິແກ້ວຫົວໜ້າພະແນກການ ເງິນແຂວງ, ທ່ານ ໜູໄຊ ໜໍ່ກີຢາເລຂາຄະນະບໍລິຫານງານຊາວໜຸ່ມແຂວງ,ພ້ອມດ້ວຍຜູ້ແທນເລຂາຄະ ນະພັກຮາກຖານຊາວໜຸ່ມ, ໜ່ວຍຊາວໜຸ່ມອ້ອມຂ້າງເມືອງແລະບ້ານເຂົ້າຮ່ວມ.

ທ່ານ ນາງ ບົວວົງສີຕັນ ກ່າວວ່າ: ຕະຫຼອດໄລຍະ 5 ປີຜ່ານມາຄະນະບໍລິຫານງານຊາວໜຸ່ມໄດ້ເອົາ ໃຈໃສ່ສຶກສາອົບຮົມການເມືອງ-ແນວຄິດໃຫ້ຖັນແຖວຊາວໜຸ່ມ-ເຍົາ ວະຊົນໄດ້ຮັບຮູ້ເຂົ້າໃຈແນວທາງນະໂຍບາຍຂອງພັກ, ກົດລະບຽບຂອງລັດ, ມະຕິ, ຄໍາສັ່ງຕ່າງໆ, ຝຶກຝົນຫຼໍ່ຫຼອມທາງດ້ານຄຸນສົມບັດສິນ ທໍາປະຕິວັດ, ຮໍ່າຮຽນມູນເຊື້ອຂອງ ພັກ, ຂອງຊາດ,ຂອງຊາວໜຸ່ມດ້ວຍຫຼາຍຮູບການທີ່ສອດຄ່ອງກັບຈຸດພິເສດຂອງຊາວໜຸ່ມ-ເຍົາວະຊົນເປັນຕົ້ນແມ່ນຊຸກຍູ້ສ້າງເງື່ອນ ໄຂໃຫ້ພະນັກງານຊາວໜຸ່ມ ແລະສະມາຊິກຊາວໜຸ່ມໄດ້ຮໍ່າຮຽນຍົກລະ ດັບທິດສະດີການເມືອງ-ການປົກ ຄອງ, ວິຊາສະເພາະ, ເປັນເຈົ້າການ ຜັນຂະຫຍາຍຈັດຕັ້ງປະຕິບັດມະຕິ V ຂອງຜູ້ແທນຊາວໜຸ່ມທົ່ວເມືອງ ແລະແຜນພັດທະນາເສດຖະກິດ-ສັງຄົມຂອງເມືອງວາງອອກຕິດພັນກັບຂໍ້ແຂ່ງຂັນຮັກຊາດ ແລະພັດທະນາ ໂດຍສຸມໃສ່ປະຕິບັດຂໍ້ ແຂ່ງຂັນ 4ບຸກຂອງຊາວໜຸ່ມ ແລະ ຂໍ້ເແຂ່ງຂັນ 3 ດີ 4 ຮູ້ຂອງເຍົາວະ ຊົນເຮັດໃຫ້ເມືອງໄຊຍະບູລີ ມີສະ ຖຽນລະພາບທາງດ້ານການເມືອງ,ສັງຄົມມີຄວາມສະຫງົບ, ເສດຖະ ກິດ, ວັດທະນະທໍາ-ສັງຄົມ ໄດ້ມີ ການຂະຫຍາຍຢ່າງຕໍ່ເນື່ອງ. ຈາກ ນັ້ນຜູ້ເຂົ້າຮ່ວມແຕ່ລະເມືອງ ແລະ ແຕ່ລະຂົງເຂດ ກໍ່ໄດ້ປະກອບຄໍາເຫັນ ໂດຍຍົກໃຫ້ເຫັນເຖິງຜົນງານດ້ານດີ ທີ່ຈະຕ້ອງເສີມຂະຫຍາຍຈັດຕັ້ງປະຕິບັດ, ຈຸດອ່ອນ, ຂໍ້ຄົງຄ້າງທີ່ຈະຕ້ອງຊອກຫາວິທີແກ້ໄຂໃຫ້ດີຂຶ້ນເທື່ອລະກ້າວ.      

ໃນຕອນທ້າຍກອງປະຊຸມທ່ານໜູໄຊໜໍ່ກີຢາເລຂາຄະນະບໍລິຫານງານຊາວໜຸ່ມແຂວງ ແລະທ່ານຄໍາຜາຍແກ້ວບົວຮອງເລຂາພັກເມືອງປະທານແນວລາວສ້າງຊາດ ເມືອງກໍ່ໄດ້ໃຫ້ກຽດຜັດປ່ຽນການມີຄໍາເຫັນໂອ້ລົມຊຶ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ບັນດາສະຫາຍ ຄະນະບໍລິຫານງານຊາວໜຸ່ມແລະສະມາຊິກຊາວໜຸ່ມຍາດມາໄດ້ຕະຫຼອດໄລຍະຜ່ານມາແລະສະຫາຍ ຍັງໄດ້ຮຽກຮ້ອງໃຫ້ຄະນະບໍລິຫານງານຊາວໜຸ່ມຊຸດໃໝ່ ແລະສະມາຊິກຊາວໜຸ່ມທຸກສະຫາຍຈົ່ງເອົາໃຈໃສ່ເພີ່ມໃນການສຶກສາອົບຮົມການເມືອງ-ແນວຄິດໃຫ້ເລິກເຊິ່ງເຖິງຖົງ ໜັກແໜ້ນເຂັ້ມແຂງຂຶ້ນກ່ວາເກົ່າ, ສຸມທຸກສະຕິປັນຍາເຂົ້າໜ້າທີ່ວຽກງານວິຊາສະເພາະທີ່ໄດ້ຮັບການມອບໝາຍໃຫ້ໄດ້ຮັບຜົນສໍາເລັດສູງ ແລະບັນລຸຕາມລະດັບຄາດໝາຍ.

ຮຽບຮຽງໂດຍ: ບຸນຈັນ ທ່າວ

 

แชร์