ເມືອງປາກແບງ ກາຍເປັນສະຖານທີ່ທ່ອງທ່ຽວໄດ້ຮັບຄວາມນິຍົມຈາກນັກທ່ອງທ່ຽວ

ເມືງປາກແບງເປັນເມືອງນ້ອຍແຕ່ເຕັມໄປດ້ວຍຊັບພະຍາກອນທຳມະຊາດ ແລະຊີວະນາໆພັນອັນອຸ ດົມສົມບູນໂດຍສະເພາະການຂີ່ເຮືອໄປມາຕາມແມ່ນໍ້າຂອງເພື່ອທ່ຽວ ຊົມທັດສະນີຍະພາບທໍາມະຊາດອັນ ສວຍສົດງົດງາມຂອງສອງຟາກຝັ່ງ ແມ່ນໍ້າຂອງ ແລະທ່ຽວຊົມທິວທັດຍາມຫັດສະດົງລົງແລງແສງແດດ ສອດສ່ອງລົງຕ້ອງໃສ່ສາຍນໍ້າແບງ ນໍ້າຂອງກໍຈະປະກາຍເປັນສີທອງ ເຫຼື້ອມລະຍິບລະຍັບອັນແສນງົດງາມ ທ່າມກາງຍາມລາຕີ.

ນອກຈາກຄວາມສວຍງາມຂອງ ທໍາມະຊາດແລ້ວ, ອາກາດກໍຍັງເປັນມິດກັບຜູ້ຄົນທີ່ໄປທ່ອງທ່ຽວ, ຍ້ອນວ່າອາກາດສົດຊື່ນເຢັນສະບາຍມີລົມພັດຜ່ານເປັນຮູດໆ, ເໝາະສຳລັບກັບຜູ້ຄົນທີ່ຢາກໄປພັກຜ່ອນນັ່ງລ່ອງ ເຮືອ, ສູບອາກາດສົດ, ຊົມວິວທິວ ທັດທຳມະຊາດທີ່ຫາບ່ອນອື່ນໃດມາປຽບໄດ້ຖ້າມີໂອກາດຢ່າລືມລອງໄປສໍາຜັດຮັບປະກັນວ່າທ່ານຈະເພີດ ເພີນຈົນລື່ມຄວາມອິດເມື່ອຍ ແລະ ຄວາມສັບສົນວຸ້ນວາຍໃນຕົວເມືອງໄປເລີຍ.

ເມືອງປາກແບງ ເປັນຊື່ທີ່ມາຈາກປາກຂອງແມ່ນໍ້າແບງຊຶ່ງຕັ້ງ ຢູ່ລະຫວ່າງແມ່ນໍ້າຂອງ ແລະແມ່ນໍ້າແບງທາງທິດຕາເວັນຕົກສ່ຽງໃຕ້ຂອງແຂວງອຸດົມໄຊ ເປັນເມືອງທີ່ອຸດົມສົມບູນໄປດ້ວຍວັດວາອາ ຮາມ ແລະປູລິຍະນິສະຖານອັນເກົ່າ ແກ່ ແລະສັກສິດຢູ່ຫຼາຍແຫ່ງອັນເປັນເອກະລັກງົດງາມຕາມແບບສະຖາປັດຕະຍະກໍາບູຮານລາວ ຈຶ່ງໄດ້ ເຮັດໃຫ້ບັນດານັກທ່ອງທ່ຽວ ແລະພຸດທະສາສະນິກະຊົນສາມາດເຂົ້າ ໄປທ່ຽວຊົມ, ບູຊາ, ກາບໄຫ້ວ ແລະຂໍພອນເພື່ອຄວາມເປັນສີລິມຸງຄຸນ ແກ່ຕົນເອງ ແລະຄອບຄົວ. ເມືອງດັ່ງກ່າງຕັ້ງຢູ່ຫ່າງຈາກທ່າເຮືອປະມານ 50 ແມັດ ປະຈຸບັນໄດ້ກາຍເເປັນສະ ຖານທີ່ທ່ອງທ່ຽວອີກແຫ່ງຂອງ ແຂວງອຸດົມໄຊ ທີ່ນັກທ່ອງທ່ຽວນິ ຍົມກັນມາທ່ຽວຊົມ ແລະມີຈຳນວນນັບມື້ນັບເພີ່ມຂຶ້ນໃນແຕ່ລະປີ.

 ໂດຍ: ວົງມະນີ

• 10/05/2019