ງານວາງສະແດງຜະລິດຕະພັນລາວຈະຈັດຂື້ນເດືອນນີ້

  ວັນທີ 30 ເມສາ ທີ່ຜ່ານມາ ທີ່ສະພາການຄ້າ ແລະອຸດສາຫະກໍາແຫ່ງຊາດລາວໄດ້ຈັດພິທີຖະແຫຼງຂ່າວງານວາງສະແດງຜະລິດຕະພັນລາວ Made in Laos  ປະຈໍາປີ 2019 ໂດຍການເຂົ້າຮ່ວມຂອງ ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມກະຊວງອຸດສາຫະກໍາ ແລະການຄ້າ, ທ່ານ ສີບຸນທໍາ ສີບຸນມີ ຜູ້ອໍານວຍການໃຫຍ່ບໍລິສັດລາວເວີນມະຫາຊົນ, ມີຮອງປະທານສະພາການຄ້າ, ຕາງໜ້າບັນດາບໍລິສັດທີ່ໃຫ້ການສະໜັບສະໜູນ ແລະ ພາກສ່ວນທີ່ກ່ຽວຂ້ອ ງເຂົ້າຮ່ວມ.

  ທ່ານ ນາງ ຈັນທະຈອນ ວົງໄຊ  ຮອງປະທານສະພາການຄ້າ ແລະອຸດສາຫະ ກຳແຫ່ງຊາດລາວໃຫ້ຮູ້ວ່າ: ງານວາງສະແດງ Madein Laos ຈັດຂຶ້ນເປັນຄັ້ງທໍາອິດໃນປີ 2011 ສໍາລັບຄັ້ງນີ້ແມ່ນຈັດຂຶ້ນເປັນຄັ້ງທີ 6 ແລ້ວຊຶ່ງໄດ້ມີການລະດົມຂົນຂວາຍບັນດາຜູ້ປະກອບການ, ຜູ້ຜະລິດສິນຄ້າໃນທຸກຂະແໜງທົ່ວປະ ເທດລວມເຖິງທຸລະກິດທີ່ຢູ່ໃນເຂດເສດຖະກິດພິເສດເພື່ອນໍາເອົາຜະລິດຕະພັນເປັນເອກະລັກຂອງແຕ່ລະແຂວງມາວາງສະແດງ, ໂຄສະນາ ແລະຈໍາໜ່າຍຫຼາ ຍກວ່າ 250 ຫ້ອງວາງສະແດງເພື່ອແນໃສ່ຍົກລະດັບການຜະລິດ-ການຈໍາໜ່າຍພາຍໃນໃຫ້ນັບມື້ນັບຂະຫຍາຍຕົວ,ມີຄຸນນະພາບ,ໄດ້ມາດຕະຖານ ແລະກ້າວ ຂຶ້ນສູ້ລະດັບສາກົນພ້ອມທັງເປັນການສ້າງຄວາມພາກພູມໃຈຕໍ່ສິນຄ້າຜະລິດຕະພັນທີ່ຜະລິດພາຍໃນປະເທດລາວເຮົາພ້ອມດຽວກັນນັ້ນກໍ່ຍັງເປັນກິດຈະດໍາ ໜຶ່ງຂອງພາກທຸລະກິດເພື່ອສະໜັບສະໜູນການດຶງດູດນັກທ່ອງທ່ຽວ ແລະນັກລົງທຶນເຂົ້າມາລາວໃຫ້ນັບມື້ນັບຫຼາຍຂຶ້ນຊຶ່ງງານຄັ້ງນີ້ຈະມີຜູ້ປະກອບການໃນທົ່ວປະເທດນໍາສິນຄ້າມາວາງສະແດງຫຼາຍກ່ວາ 250 ຫ້ອງວາງສະແດງ, ພ້ອມຄາດຈະມີຜູ້ເຂົ້າຮ່ວມ 2.000 ເທື່ອຄົນ.

  ທ່ານ ໄຊສົມເພັດ ນໍລະສິງ ກ່າວວ່າ: ການຈັດງານໃນຄັ້ງນີ້ຖືວ່າເປັນໂອກາດໜຶ່ງທີ່ຜູ້ເຂົ້າຮ່ວມງານຈະໄດ້ເຫັນວິວັດທະນາການຂອງສິນຄ້າລາວວ່າມີການພັດ ທະນາມາຫຼາຍໜ້ອຍເທົ່າໃດກວ່າຈະມາເປັນຜະລິດຕະພັນທີ່ນໍາມາວາງຂາຍໃນຄັ້ງນີ້, ອີກທັງເປັນການເປີດໂອກາດໂຄສະນາສິນຄ້າຂອງຄົນລາວອອກສູ່ສາຍ ຕາມວນຊົນທັງພາຍໃນ ແລະຕ່າງປະເທດ.ນອກຈາກນີ້ຍັງເປັນການແລກປ່ຽນຄວາມຮູ້ຖອດຖອນບົດຮຽນຊຶ່ງກັນ ແລະກັນຂອງບັນດາຜູ້ເຂົ້າຮ່ວມງານສໍາມະນາ ແລະນັກທຸລະກິດທີ່ປະສົບຜົນສໍາເລັດແລ້ວເພື່ອເປັນການເຍືອງທາງໃຫ້ແກ່ຜູ້ປະກອບການໜ້າໃໝ່ທີ່ກໍາລັງຈະເກີດຂຶ້ນ, ພ້ອມດຽວກັນນັ້ນກໍ່ເປັນການສົ່ງເສີມຜະລິດຕະພັນຄົນລາວທີ່ຕິດພັນກັບການທ່ອງທ່ຽວໄປໃນໂຕ ແລະຍັງເປັນການກະຕຸ້ນໃຫ້ຄົນລາວນໍາໃຊ້ສິນຄ້າພາຍໃນຫຼາຍຂຶ້ນ, ງານວາງສະແດງດັ່ງກ່າວຈະດໍາເນີນໄປເປັນເວລາ 10 ວັນ ເລີ່ມແຕ່ວັນ ທີ 10-19 ພຶດສະພາ 2019 ແລະຈະມີພິທີເປີດລົງຢ່າງເປັນທາງການໃນວັນທີ 16 ເມສາ 2019.

ພາບຂ່າວ

ໂດຍ: ໜັງສືພິມເສດຖະກິດ-ສັງຄົມ

แชร์