ກອງຫົດ

ກອງຫົດແມ່ນມີຄວາມໝາຍວ່າການຫົດນ້ຳ, ມີພິທີກັມໂດຍການທີ່ຊາວບ້ານຈັດຫາຜ້າ ໄຕຣຈີວອນ ແລະເຄື່ອງອັດຖະບໍຣິຂານປ່ຽນຜ້າໃຫ້ພຣະສົງຄືກາເຮັດພິທີທີ່ປະຕິບັດກັບພຣະພຸດທະຮູບໃນປະເພນີສົງການ (ຫົດສົງນ້ຳ ພຣະພຸດທະຮູບຕາມເຮືອນ ຫຼື ວັດວາອາຮາມຕ່າງໆ). 

ອີງຕາມຂໍ້ມູນຈາກປື້ມວັດທະນະ ແລະປະເພນີລາວໃຫ້ຮູ້ວ່າ:ກອງຫົດນິຍົມເຮັດໃນເດືອນເມສາຜູ້ໄປຮ່ວມງານຈະໄປສົງນ້ຳພຣະນັ້ນຕ້ອງສົງນ້ຳຜ່ານຮາງລິນ ຊຶ່ງໃຫ້ນ້ຳໄຫຼ ໄປຕາມຮາງທີ່ເຮັດເປັນຮູບພຣະຍານາກແລ້ວໄຫຼໄປຫົດພຣະສົງຫຼັງຈາກນັ້ນກໍ່ຈະປ່ຽນເອົາຜ້າຈີວອນເກົ່າອອກປ່ຽນຜ້າໃໝ່ແທນຜ້າເກົ່າຖວາຍເຄື່ອງອັດຖະບໍລິຂານ ແລ້ວຂໍຮັບສິນຮັບພອນຈາກພຣະອົງທີ່ຫົດນັ້ນຈຶ່ງຈະຖືວ່າຜ່ານການ ຫົດແລ້ວ. ກອງຫົດຈະປະກອບມີຜ້າໄຕຈີວອນ, ມີດແຖ, ເຂັມ ແລະດ້າຍ, ມີດຕັດເລັບ, ກົດ, ຜ້າຄາດແອວ, ຜ້າຫົ່ມ, ເກີບ, ໄມ້ຄ້ອນເທົ້າ,ຄັນຕາລະບັດ, ມີດ (ໜິບເປືອກ ຫາດ), ງ້ຽງ, ຂັ້ນໝາກ, ຫຼາບ ເງິນ, ເຄື່ອງຍົດ, ທຽນກິ່ງ (ເຮັດ ຄືກັບຫອກສາມຫງ່າມສຳລັບໄຕ້ຕິດ ກອງຫົດ) ທຽນນ້ອຍ (ສຳລັບໄຕ້ ຖວາຍພຣະຕອນມາຫົດບາສີ1ຄູ່ແລະທຽນເຫຼັ້ມບາດ 2 ຄູ່) ນ້ຳ ຫອມ 3 ໄຫ.

ການຫົດໃຫ້ເຮັດນ້ຳອົບນ້ຳ ຫອມໃສ່ໄວ້ໄຫແລ້ວເອົາຮາງຫົດມາຕັ້ງໄວ້ເອົາຕົ້ນກ້ວຍເປັນເສົາເອົາໃບຕອງກ້ວຍ ແລະຫຍ້າແພກມາຮອງຖ້າສູງຈົນຍ່ອນຂາໄດ້ເອີ້ນວ່າບັນລັງສີລາອາດຖ້າຕໍ່າກວ່ານັ້ນເອີ້ນວ່າຫິນສີລາອາດຕັ້ງໄວ້ໃສ່ໄວ້ກ້ອງປ່ອງນ້ຳຫົດສົງເວລາເທນ້ຳໃສ່ໂຮງຫົດນ້ຳຈະໄຫຼມາຫົດຜູ້ຮັບການຫົດສົງພໍດີ.

ການຫົດຈະເຮັດຕ່າງຫາກກໍ່ໄດ້ ຫຼື ຈະຮ່ວມກັບບຸນອື່ນໆກໍ່ໄດ້ພຣະເຖຣະຜູ້ໃຫຍ່ຈະນຳພາໃນການປະກອບພິທີໃຫ້ພຣະຫົດສົງນ້ຳກ່ອນຫຼັງຈາກນັ້ນຜູ້ເຖົ້າຜູ້ແກ່ຈະຫົດຕາມລຳດັບຈົນໄປຮອດຊາວບ້ານທົ່ວໄປ, ພິທີຫົດນີ້ສໍາຄັນຫຼາຍເພາະເປັນພິ ທີກັມການສະຖາປະນາໃຫ້ຜູ້ໄດ້ຮັບຈາກການຫົດສົງນ້ຳນີ້ປ່ຽນຊື່ເປັນ ຜູ້ມີຍົດທາງສັງຄົມໄດ້ເມື່ອຫົດສົງ ແລ້ວກໍ່ຈະມີການຖວາຍຜ້າໄຕຈີວອນພຣະອົງທີ່ໄດ້ຮັບຜ້າໄຕຈີວອນກໍ່ປ່ຽນຜ້າເກົ່າໃສ່ຜ້າໃໝ່ອະທິຖານຜ້າ ແລະຄອງຜ້າປ່ຽນຜ້າທີ່ປຽກອອກແລ້ວຊາວບ້ານຈະເອົາຄ້ອງມາຕີມັດກະທາຍົກຈະຫິ້ວເຊື້ອກ ຄ້ອງໄວ້ (ຫາກຄ້ອງໃຫຍ່ໃຫ້ຈັບເຊື້ອກທີ່ຫ້ອຍແທນ)ພຣະທີ່ໄດ້ຮັບການຫົດສົງຈະເອົາກໍ່າປັ້ນຕີຈູມ ຄ້ອງ 3 ຄັ້ງ ແຕ່ລະຄັ້ງທີ່ຕີໃຫ້ບໍລິ ກັມວ່າ“ສີຫະທານັງນະທັນເຕເຕປະຣິສາສຸ ວິສາຣະທາ” ຈາກນັ້ນກໍ່ໄປ ຮັບສິນແລະຮັບການຖວາຍກອງ ຫົດທັງໝົດຈາກຍາດໂຍມ ແລະໃຫ້ ພອນເປັນອັນຈົບພິທີ .

ພາບຂ່າວ

ໂດຍ: ໜັງສືພິມເສດຖະກິດ-ສັງຄົມ

แชร์