ອັດຕະປື ສ້າງກຳມະກອນອາຊີບໄດ້ 1,8 ພັນຄົນ

 ປະຈຸບັນໃນທົ່ວແຂວງອັດຕະປື ມີກໍາມະກອນຜູ້ອອກແຮງງານທັງໝົດ 11,7 ພັນຄົນ, ຍິງ 4,3 ພັນຄົນ, ໃນນັ້ນເປັນກໍາມະກອນອາຊີບມີ 1.838 ຄົນ, ຍິງ 381 ຄົນ, ກໍາມະກອນຜູ້ອອກແຮງງານນອກລະບົບມີ 9,9 ພັນຄົນ, ຍິງ 3,1 ພັນຄົນ, ແຮງງານເຄື່ອນຍ້າຍມີ 1 ພັນກວ່າຄົນ, ຍິງ 400 ກວ່າຄົນ, ເຄິ່ງສະໄໝຜ່ານມາອອກທະບຽນໃຫ້ກໍາມະກອນລາວໄດ້ທັງໝົດ 1,2 ພັນຄົນ, ຍິງ 187 ຄົນ .

  ທ່ານ ນາງ ມີນາພອນ ໄຊສົມພູ ຫົວໜ້າຄະນະຈັດຕັ້ງແຂວງອັດຕະປື ຜູ້ຊີ້ນໍາວຽກງານອົງການຈັດຕັ້ງມະຫານຊົນຂັ້ນແຂວງໄດ້ກ່າວໃນໂອກາດທີ່ແຂວງອັດ ຕະປືຫວນຄືນວັນກໍາມະກອນສາກົນເມື່ອບໍ່ດົນຜ່ານມານີ້ວ່າ: ແຂວງອັດຕະປືໄດ້ຖືສໍາຄັນຕໍ່ວຽກງານປົກປ້ອງແຮງງານເປັນວຽກໃຈກາງຂອງວຽກງານກໍາມະບານຊຶ່ງຕະຫຼອດໄລຍະຜ່ານມາຄະນະພັກອໍານາດການປົກຄອງແຂວງກໍ່ຄືພາກສ່ວນທີ່ກ່ຽວຂ້ອງໄດ້ເຄື່ອນໄຫວປົກປ້ອງສິດ ແລະຜົນປະໂຫຍດອັນຊອບທໍາໃຫ້ແກ່ສະມາຊິກກໍາມະບານ,ກໍາມະກອນ ແລະຊາວຜູ້ອອກແຮງງານດ້ວຍການເຂົ້າຮ່ວມປະກອບຄໍາຄິດຄໍາເຫັນຕໍ່ບັນດານິຕິກໍາຕ່າງໆທີ່ພົວພັນເຖິງສິດ ແລະຜົນປະໂຫຍດຂອງຜູ້ອອກແຮງງານ, ໄດ້ລົງເຄື່ອນໄຫວຕິດຕາມກວດກາ ເກັບກໍາສະຖິຕິຈໍານວນກໍາມະກອນຢູ່ຕາມຫົວໜ່ວຍແຮງງານຕ່າງໆໃນທົ່ວແຂວງຊຶ່ງທົ່ວແຂວງມີຫົວໜ່ວຍແຮງງານທັງໝົດ 110 ແຫ່ງ, ຫົວໜ່ວຍແຮງງານຂະໜາດໃຫຍ່ມີ 3 ແຫ່ງ, ຂະໜາດກາງ 5 ແຫ່ງ, ຂະໜາດນ້ອຍ 39 ແຫ່ງ ແລະແຮງງານທີ່ເປັນຫົວໜ່ວຍຄອບຄົວມີ 63 ແຫ່ງ .

 ນອກນັ້ນຍັງໄດ້ເອົາໃຈໃສ່ເກັບກໍາຈໍານວນສະຖິຕິກໍາມະກອນຜູ້ອອກແຮງງານເພື່ອສ້າງໃຫ້ກາຍເປັນກໍາມະກອນອາຊີບ, ມີລະບຽບວິໄນໃນການອອກແຮງງານມີຄວາມຮູ້ຄວາມສາມາດໃນການອອກແຮງງານຊຶ່ງໃນທົ່ວແຂວງມີກໍາມະກອນຜູ້ອອກແຮງງານທັງໝົດ 11,7 ພັນຄົນ, ຍິງ 4,3 ພັນຄົນ,ໃນນັ້ນເປັນກໍາ ມະກອນອາຊີບມີ 1,8 ພັນຄົນ, ຍິງ 381 ຄົນ, ກໍາມະກອນຜູ້ອອກແຮງງານນອກລະບົບມີ 9,9 ພັນຄົນ,ຍິງ 3,1 ພັນຄົນ,ແຮງງານເຄື່ອນຍ້າຍມີ 1 ພັນກວ່າຄົນ, ຍິງ 400 ກວ່າຄົນ, ເຄິ່ງສະໄໝຜ່ານມາອອກທະບຽນໃຫ້ກໍາມະກອນລາວໄດ້ທັງໝົດ 1,2 ພັນຄົນ, ຍິງ 187 ຄົນ.

 ນອກນັ້ນຍັງໄດ້ເຊັນສັນຍາແຮງງານລວມໝູ່ຢູ່ບັນດາຫົວໜ່ວຍລັດວິສາຫະກິດ, ວິສະຫະກິດເອກະຊົນໄດ້ທັງໝົດ 9 ຫົວໜ່ວຍ,ໄດ້ແຕ່ງຕັ້ງຕາງໜ້າຜູ້ອອກແຮງງານໄດ້ 19 ແຫ່ງ, ມີຜູ້ຕາງໜ້າແຮງງານລາວ 45 ຄົນ, ໄດ້ແກ້ໄຂຂໍ້ຂັດແຍ່ງດ້ານແຮງງານລະຫວ່າງຜູ້ໃຊ້ແຮງງານກັບກໍາມະກອນຜູ້ອອກແຮງງານເພື່ອທວງເອົາເງິນນໍານາຍໜ້າມາໃຫ້ກໍາມະກອນເປັນຈໍານວນເງິນ 400 ກວ່າລ້ານກີບ.

ພາບຂ່າວ

ໂດຍ: ໜັງສືພິມເສດຖະກິດ-ສັງຄົມ

 

แชร์