ອັດຕະປື ສະຫຼຸບວຽກອຸດສາຫະກຳ ແລະການຄ້າ

ກອງປະຊຸມສະຫຼຸບການຈັດ ຕັ້ງປະຕິບັດວຽກງານອຸດສາຫະ ກຳແລະການຄ້າທົ່ວແຂວງອັດຕະປື ປະຈໍາປີ 2018 ແລະວາງທິດ ທາງແຜນການປີ 2019 ໄດ້ໄຂຂຶ້ນ ໃນ ວັນທີ 30 ເມສາ 2019 ທີ່ຫ້ອງ ປະຊຸມສະພາປະຊາຊົນແຂວງອັດ ຕະປື, ໂດຍການເປັນປະທ່ານ ຄຳ ຫວັນ ຈັນທະໂຄດ ຫົວໜ້າພະແນກ ອຸດສາຫະກຳ ແລະ ການຄ້າແຂວງ ອັດຕະປື, ໃຫ້ກຽດເຂົ້າຮ່ວມມີທ່ານ ເລັດ ໄຊຍະພອນ ເຈົ້າແຂວງອັດຕະ ປື, ມີຫົວໜ້າຫ້ອງການອຸດສາຫະ ກໍາ ແລະການຄ້າເມືອງ, ບັນດາ ແຂກຖືກເຊີນ ແລະພາກສ່ວນກ່ຽວ ຂ້ອງເຂົ້າຮ່ວມ .

ທ່ານ ຄຳຫວັນ ຈັນທະໂຄດ ຫົວໜ້າພະແນກອຸດສາຫະກຳ ແລະ ການຄ້າແຂວງອັດຕະປື ໄດ້ຜ່ານ ບົດສະຫຼຸບການຈັດຕັ້ງປະຕິບັດ ແຜນພັດທະນາອຸດສາຫະກຳປຸງ ແຕ່ງ ແລະ ການຄ້າ ແລະ ທິດທາງ ແຜນການປີ 2019 ອັນທີ່ພົ້ນເດັ່ນໃນການປະຕິບັດຕົວເລກຄາດໝາຍສູ້ຊົນຕົ້ນຕໍປະຈໍາປີ 2018 ກໍ່ຄື ຄາດ ໝາຍສູ້ຊົນດ້ານອຸດສາຫະກຳປຸງ ແຕ່ງ ແລະ ຫັດຖະກຳ, ມູນຄ່າລວມ ການຜະລິດອຸດສາຫະກຳປຸງແຕ່ງ ແລະຫັດຖະກຳ ໃນປີ 2018 ປະຕິ ບັດໄດ້ 385 ຕື້ກວ່າກີບ, ທຽບໃສ່ ແຜນປີແມ່ນລື່ນແຜນ 23% ແລະ ທຽບໃສ່ໄລຍະດຽວກັນຂອງປີຜ່ານ ມາຂະຫຍາຍຕົວເພີ່ມຂຶ້ນ 36%, ໃນນັ້ນ ໝວດການຜະລິດທີ່ພາໃຫ້ ມູນຄ່າອຸດສາຫະກຳເພີ່ມຂຶ້ນໄດ້ ແກ່ຜະລິດຕະພັນອຸດສາຫະກຳໄມ້ ສຳເລັດຮູບ ແລະເຄິ່ງສຳເລັດຮູບ, ນໍ້າຕານອ້ອຍ, ນໍ້າຕານຊາຍ ແລະ ກາກ ນໍ້າຕານ, ຄາດໝາຍສູ້ຊົນດ້ານ ການຄ້າພາຍໃນບໍລິມາດຈໍລະຈອນ ສີນຄ້າພາຍໃນການຄ້າຂາຍຍົກ-ຂາຍຍ່ອຍ ແລະການບໍລິການທົ່ວ ແຂວງປີ 2018 ແມ່ນ 7, 83 ພັນ ຕື້ກີບ ທຽບໃສ່ແຜນການປີປະຕິບັດ ໄດ້ລື່ນຄາດໝາຍ 44,24%, ທຽບ ໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 36,24%, ໃນນັ້ນໝວດສິນ ຄ້າທີ່ປະຕິບັດໄດ້ລື່ນແຜນໄດ້ແກ່  ສີນຄ້າວັດຖຸມີຄ່າ ແລະ ເຄື່ອງປະ ດັບ, ນໍ້າມັນເຊື້ອໄຟ ແລະອາຍແກັດ, ໝວດສິນຄ້າສະບຽງອາຫານ, ອຸປະກອນການແພດ, ໝວດພາ ຫະນະ ແລະອຸປະກອນອາໄຫລ່.

ສ່ວນຄາດໝາຍສູ້ຊົນດ້ານການ ຄ້າກັບຕ່າງປະເທດ ການນໍາເຂົ້າ ແລະ ສົ່ງອອກສິນຄ້າທັງໝົດໃນປີ 2018 ແມ່ນມີບັນຍາກາດຟົດຟື້ນ ແລະ ທ່າອ່ຽງດີຂຶ້ນ ໂດຍສະເພາະ ແມ່ນການຜະລິດ ແລະປຸງແຕ່ງຜະ ລິດຕະພັນກະສິກຳເພື່ອສົ່ງອອກ, ໃນປີ 2018 ການນໍາເຂົ້າ ແລະສົ່ງ ອອກສິນຄ້າສາມາດປະຕິບັດໄດ້ 100 ລ້ານກວ່າໂດລາ, ທຽບໃສ່ ແຜນປະຕິບັດໄດ້ລື່ນແຜນ 34% ທຽບໃສ່ໄລຍະດຽວກັນຂອງປີຜ່ານ ມາເຫັນວ່າເພີ່ມຂຶ້ນ 49,16%, ການສົ່ງອອກສິນຄ້າໃນປີ 2018 ປະຕິບັດໄດ້ 100 ລ້ານກວ່າໂດລາ ປະຕິບັດໄດ້ລື່ນແຜນ 36,22%, ທຽບໃສ່ໄລຍະດຽວກັນຂອງປີ ຜ່ານມາເພີ່ມຂຶ້ນ 59,4%, ສີນຄ້າ ທີ່ສົ່ງອອກຕົ້ນຕໍແມ່ນພະລັງງານ ໄຟຟ້າ, ຢາງພາລາແຫ້ງ, ນໍ້າຕານ ຊາຍ, ກາກນໍ້າຕານໝາກກ້ວຍ, ໝາກແກ້ວມັງກອນ, ງົວພັນຊີ້ນ ແລະ ອື່ນໆ, ຕົວເລກການນໍາເຂົ້າ ສີນຄ້າປີ 2018 ປະຕິບັດໄດ້ 4 ລ້ານກວ່າໂດລາ ປະຕິບັດໄດ້ລື່ນ ແຜນ 2,6% ທຽບໃສ່ໄລຍະດຽວກັນ ຂອງປີຜ່ານມາລຸດລົງ 38,34%, ສີນຄ້າທີ່ນໍາເຂົ້າຕົ້ນຕໍແມ່ນ ເຄື່ອງ ກົນຈັກ, ວັດຖຸອຸປະກອນ  ແລະ ພາ ຫະນະຮັບໃຊ້ການຜະລິດທາງກົງມາຮັບໃຊ້ໃນບັນດາໂຄງການລົງ ທຶນຕ່າງໆກວມເອົາ 99,78% ສ່ວນການນຳເຂົ້າເພື່ອອຸປະໂພກ ແລະບໍລິໂພກກວມພຽງແຕ່ 0,22% ຂອງການນໍາເຂົ້າທັງໝົດໂອກາດດັ່ງກ່າວຜູ້ເຂົ້າຮ່ວມຍັງໄດ້ ຮັບຟັງການລາຍງານວຽກງານ ຕ່າງໆທີ່ກ່ຽວຂ້ອງ ແລະ ພ້ອມກັນປະກອບຄຳເຫັນຢ່າງກົົົົົງໄປກົງມາ ເພື່ອພ້ອມກັນຈັດຕັ້ງປະຕິບັດວຽກງານອຸດສາຫະກໍາ ແລະການຄ້າ ພາຍໃນແຂວງອັດຕະປື ໃນຕໍ່ໜ້າ ໃຫ້ມີຜົນສຳເລັດໃໝ່ກວ່າເກົ່າ.ທະນາຄານທຸລະກິດທົ່ວແຂວງໄຊຍະບູລີ.

ພ່ບຂ່າວ:

ໂດຍ: ໜັງສືພິມເສດຖະກິດ-ສັງຄົມ

แชร์