ທະນາຄານທຸລະກິດທົ່ວແຂວງໄຊຍະບູລີ ລະດົມເງິນຝາກໄດ້ 1.200 ຕື້ກີບ

  ກອງປະຊຸມພົບປະລະຫວ່າງທະນາຄານທຸລະກິດກັບຜູ້ປະກອບການ, ທຸລະກິດຄັ້ງທີ I ໄດ້ຈັດ ຂຶ້ນໃນວັນທີ 2 ພຶດສະພາຜ່ານມາທີ່ສະໂມສອນຫ້ອງວ່າການແຂວງ ໄຊຍະບູລີ, ໃຫ້ກຽດເຂົ້າຮ່ວມເປັນ ປະທານຂອງທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ມີ ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ, ມີບັນດາທ່ານຜູ້ອໍານວຍການໃຫຍ່ທະນາຄານທຸລະກິດ, ມີຫົວໜ້າ-ຮອງຫົວໜ້າພະແນກການ, ກົມກອງອ້ອມຂ້າງແຂວງ, ມີເຈົ້າເມືອງ 11 ເມືອງ ຕະຫຼອດເຖິງສາຂາທະນາຄານທຸລະກິດ, ຜູ້ປະກອບການ-ພາກເອກະຊົນທົ່ວແຂວງເຂົ້າຮ່ວມຢ່າງພ້ອມພຽງ.

ໃນວາລະດໍາເນີນກອງປະຊຸມຜູ້ເຂົ້າຮ່ວມແມ່ນໄດ້ຮັບຟັງຮ່າງບົດສະຫຼຸບຕີລາຄາການຈັດຕັ້ງປະຕິບັດວຽກງານທະນາຄານທຸລະກິດປະຈໍາປີ 2018 ແລະທິດທາງແຜນການປີ 2019 ຊຶ່ງສະເໜີໂດຍ ທ່ານ ປີຊາ ພົມສີ ຕາງໜ້າໃຫ້ທະນາຄານກຸ່ມທຸລະກິດຂັ້ນແຂວງກ່າວວ່າ: ປະຈຸບັນແຂວງໄຊຍະບູລີມີທະນາຄານທຸລະກິ ດທັງໝົດ 3 ສາຂາ, ມີ  21 ໜ່ວຍບໍລິການຄື: ສາຂາທະນາຄານການຄ້າມະຫາຊົນມີ 4 ໜ່ວຍບໍລິການ, ສາຂາທະນາຄານພັດທະນາລາວມີ 5 ໜ່ວຍບໍລິ ການ,ສາຂາທະນາຄານສົ່ງເສີມກະສິກໍາມີ 8 ໜ່ວຍບໍລິການ ແລະໜ່ວຍບໍລິການທະນາຄານນະໂຍບາຍມີ 4 ແຫ່ງ, ໃນ 1 ປີຜ່ານມາບັນດາທະນາຄານທຸລະ ກິດທົ່ວແຂວງສາມາດລະດົມເງິນຝາກໄດ້ທັງໝົດ 1.200 ຕື້ກີບ, ໃນນີ້ສາຂາທະນາຄານການຄ້າມະຫາຊົນກວມ 52%, ສາຂາທະນາຄານພັດທະນາລາວ ກວມ 25%, ສາຂາທະນາຄານສົ່ງເສີມກະສິກໍາກວມ 23%, ອົງປະກອບເງິນຝາກມີ: ເງິນຝາກປະຈໍາ 554 ຕື້ກີບ, ກວມ 46%, ເງິນຝາກປະຢັດ 486 ຕື້ກີບ ກວມ 39%, ເງິນຝາກກະແສລາຍວັນ 159 ຕື້ກີບກວມ 13%, ເງິນຝາກຂອງສະຖາບັນການເງິນອື່ນ 14 ຕື້ກີບ ກວມ 1% ແລະເງິນຝາກຄໍ້າປະກັນ 4 ຕື້ກີບ ກວມ 0,3%.

  ພ້ອມດຽວກັນບັນດາທະນາຄານທຸລະກິດໃນທົ່ວແຂວງຍັງສາມາດປ່ອຍສິນເຊື່ອໄດ້ທັງໝົດ 595 ຕື້ກີບ, ກວມເອົາ 49% ຂອງ ຍອດເງິນຝາກ ໃນນີ້: ສາ ຂາທະນາຄານການຄ້າຕ່າງປະເທດລາວມະຫາຊົນປະຕິບັດໄດ້ 157 ຕື້ກີບ, ເທົ່າກັບ 27%, ສາຂາທະນາຄານພັດທະນາລາວປະຕິບັດໄດ້ 32 ຕື້ກີບ, ເທົ່າກັ ບ 5%, ສາຂາທະຂາ ຄານສົ່ງເສີມກະສິກໍາປະຕິບັດໄດ້ 193 ຕື້ກີບ, ເທົ່າກັບ 32%, ໜ່ວຍ ບໍລິການທະນາຄານນະໂຍບາຍ ປະຕິບັດໄດ້ 213 ຕື້ກີບ ເທົ່າ ກັບ 32%,ຂະແໜງການຄ້າລວມມູນຄ່າ 166 ຕື້ກີບ,ເທົ່າກັບ 28%, ຂະແໜງກະສິກໍາ-ປ່າໄມ້ລວມມູນຄ່າ 367 ຕື້ກີບ, ເທົ່າກັບ 62%, ຂະແໜງກໍາສ້າງມູນຄ່າ 13 ຕື້ກີບ, ເທົ່າກັບ 2% ແລະຂະແໜງບໍລິ ການ 49 ຕື້ກີບ, ເທົ່າກັບ 8%  ຂອງສິນເຊື່ອທັງໝົດ ແລະຂະແໜງການອື່ນໆອີກຈໍານວນໜຶ່ງ, ຈາກນັ້ນກອງປະຊຸມຍັງໄດ້ພ້ອມກັນປະກອບຄໍາຄິດ-ຄໍາເຫັນໃສ່ຮ່າງບົດສະຫຼຸບດັ່ງກ່າວ ແລະໄດ້ມີການແລກປ່ຽນບົດຮຽນລະຫວ່າງພາກເອກະຊົນ-ຜູ້ປະກອບການ, ບັນດາພະແນກການທີ່ກ່ຽວຂ້ອງ ແລະ ບັນດາທະນາຄານທຸລະກິດ, ແນໃສ່ເຮັດໃຫ້ການຈັດຕັ້ງ ແລະການເຄື່ອນໄຫວວຽກງານທະນາຄານທຸລະກິດໃຫ້ມີປະສິດທິຜົນສູງ.

5 ປີເມືອງສະໝ້ວຍ ມີ 103 ໂຄງການລົງທຶນ

ພ່ບຂ່າວ:

ໂດຍ: ໜັງສືພິມເສດຖະກິດ-ສັງຄົມ

แชร์