ກອງປະຊຸມຫຸ້ນສ່ວນທົ່ວໂລກ FORLAND 2026 ໄດ້ເປີດຂຶ້ນຢ່າງຍິ່ງໃຫຍ່

ວັນທີ 12 ພະຈິກ 2025, ເວັບໄຊ Chinatruck.org ໄດ້ລາຍງານວ່າ FORLAND ໄດ້ຈັດກອງປະຊຸມຫຸ້ນສ່ວນທົ່ວໂລກ 2026 ຂອງຕົນຂຶ້ນຢູ່  ສປ.ຈີນ. ບໍລິສັດຄູ່ຮ່ວມຈາກຫ້າທະວີບໄດ້ມາຊຸມນຸມກັນເພື່ອປຶກສາຫາລືເຖິງອະນາຄົດຂອງອຸດສາຫະກໍາລົດທີ່ໃຊ້ເພື່ອການຄ້າ ແລະ ຊອກຫາໂອກາດຮ່ວມມື, ນະວັດຕະກໍາສີຂຽວ, ແລະ ການເຕີບໂຕແບບຍືນຍົງ.

ອຸດສາຫະກໍາລົດເພື່ອການຄ້າໂລກກ້າວສູ່ຍຸກສະໄຫມສີຂຽວ

ຕະຫຼາດລົດການຄ້າໂລກກໍາລັງມີການປ່ຽນແປງຄັ້ງໃຫຍ່ກ້າວສູ່ການເປັນເຕັກໂນໂລຊີຂົນສົ່ງທີ່ມີການປ່ອຍກາກບອນຕໍ່າ ແລະອັດສະລິຍະ. ອີງຕາມຂໍ້ມູນຈາກສະມາ ຄົມອຸດສາຫະກໍາລົດຍົນຈີນ (CAAM), ການສົ່ງອອກລົດເພື່ອການຄ້າຂອງຈີນຕິດໜຶ່ງໃນອັນດັບສູງສຸດຂອງໂລກຕິດຕໍ່ກັນເປັນເວລາຫ້າປີ, ແລະ ລົດທີ່ນຳໃຊ້ເພື່ອການຄ້າທີ່ໃຊ້ພະລັງງານໃໝ່ ໃນປັດຈຸບັນມີສ່ວນແບ່ງໃນຕະຫຼາດໂລກຫຼາຍກວ່າ 18% ໃນປີ 2025.

ທ່າມກາງການປ່ຽນແປງຂອງອຸດສາຫະກໍາລົດ, ບັນດາບໍລິສັດຜະລິດລົດຈີນໄດ້ເລັ່ງຍຸດທະສາດສາກົນຂອງຕົນ ແລະ FORLAND ກໍຢືນຢູ່ໃນແຖວຫນ້າຂອງຄວາມພະຍາຍາມຄັ້ງນີ້.

26 ປີ ແຫ່ງການເຕີບໃຫຍ່: ຈາກ “ຜະລິດໃນຈີນ” ສູ່ “ຜະລິດເພື່ອໂລກ”

ຈາກ 26 ປີແຫ່ງການພັດທະນາ, FORLAND ໄດ້ກາຍເປັນຍີ່ຫໍ້ທີ່ໄວ້ວາງໃຈໄດ້ຂອງໂລກ, ໃຫ້ບໍລິການຜູ້ໃຊ້ງານໄດ້ຫຼາຍກວ່າ 6.8 ລ້ານຄົນໃນທົ່ວໂລກ. ສ້າງຕັ້ງຂຶ້ນໃນປີ 1996, FORLAND ກາຍເປັນຍີ່ຫໍ້ທີ່ຂາຍດີທີ່ສຸດໃນປະເທດຈີນໄດ້ຢ່າງໄວວາ. ໃນປີ 2008, ບໍລິສັດໄດ້ກ້າວເຂົ້າສູ່ຕະຫຼາດລົດຕ່າງປະເທດເປັນຄັ້ງທໍາອິດ, ນໍາເອົາການຜະລິດລົດຂອງຈີນສູ່ຕະຫຼາດໂລກ. ປະຈຸບັນ, FORLAND ເປັນຜູ້ໃຫ້ບໍລິການລົດຫຼາກຫຼາຍປະເພດທັງລົດໄຟຟ້າ, ລົດໄຮບຣິດ, ແລະ ລົດທີ່ໃຊ້ພະລັງງານໄຮໂດຣເຈນ ເປັນການຫັນປ່ຽນຈາກເຕີບໃຫຍ່ທີ່ເນັ້ນປະລິມານ ສູ່ການເຕີບໃຫຍ່ ທີ່ຂັບເຄື່ອນດ້ວຍນະວັດຕະກໍາ.  

ໃນປີ 2024, FORLAND ໄດ້ສ້າງຕັ້ງພະແນກທຸລະກິດທົ່ວໂລກ ເປັນສ່ວນໜຶ່ງຂອງຍຸດທະສາດຕ່າງປະເທດທີ່ສຳຄັນ, ເລັ່ງການຫັນປ່ຽນຕົນເອງຈາກຜູ້ສົ່ງອອກລົດ ສູ່ການເປັນຜູ້ດໍາເນີນທຸລະກິດລະດັບໂລກ.

ຂັບເຄື່ອນການເຕີບໂຕທົ່ວໂລກ ດ້ວຍເຕັກໂນໂລຢີ ແລະ ຄວາມໜ້າເຊື່ອຖືໃນຍີ່ຫໍ້

ໃນປັດຈຸບັນ FORLAND ໄດ້ໃຫ້ບໍລິການລົດໃຊ້ເພື່ອການຄ້າແບບຄົບຊຸດໃນນີ້ລວມທັງລົດຕູ້ລົດບັນທຸກຂະໜາດນ້ອຍ,ລົດບັນທຸກຂະໜາດກາງ, ແລະພາຫະນະເພື່ອການກໍ່ສ້າງ-ທີ່ຖືກອອກແບບໂດຍສະເພາະເພື່ອຕອບສະຫນອງຄວາມຕ້ອງການດ້ານການຂົນສົ່ງທີ່ຫຼາກຫຼາຍ.

ບໍລິສັດຍັງລົງທຶນຢ່າງຫຼວງຫຼາຍໃສ່ເຕັກໂນໂລຢີພະລັງງານໃຫມ່, ການຂັບຂີ່ແບບໄຮ້ຄົນຂັບ, ແລະການຂົນສົ່ງຜ່ານໂດຣນ (ຍານພາຫະນະບໍ່ມີຄົນຂັບ), ພ້ອມທັງສ້າງລະບົບສະໜອງທົ່ວໂລກ ແລະລະບົບການຕະຫຼາດດິຈິຕອນ ເພື່ອຂະຫຍາຍບົດບາດໃນຕະຫຼາດສາກົນ.  

ເດີນຕາມແຜນຍຸດທະສາດຂອງບໍລິສັດ:

 2025–2027: ສ້າງຄວາມເຂັ້ມແຂງໃຫ້ກັບວຽກງານວິໄຈ ແລະການພັດທະນາລວມທັງບໍລິສັດທ້ອງຖິ່ນຢູ່ຕ່າງປະເທດ.

2028–2030: ພັດທະນາຕົນເອງໃຫ້ເປັນຍີ່ຫໍ້ລົດເພື່ອການຄ້າຂະໜາດເບົາຊັ້ນນໍາຂອງໂລກ, ໃຫ້ບໍລິການລູກຄ້າໃນຫຼາຍກວ່າ 150 ປະເທດ ແລະພາກພື້ນ, ມີຜູ້ຊົມໃຊ້ທົ່ວໂລກເພີ່ມຂຶ້ນ 10 ລ້ານຄົນ, ແລະສ້າງລາຍໄດ້ 40 ຕື້ຢວນຕໍ່ປີ.

ເພື່ອປະຕິບັດຕາມວິໄສທັດດັ່ງກ່າວ, FORLAND ໄດ້ສ້າງຄໍາຂວັນຍີ່ຫໍ້ໃຫມ່ — “Forland, For You!” (ຟໍແລນ, ເພື່ອທ່ານ!), ສະທ້ອນໃຫ້ເຫັນຄຸນຄ່າຫຼັກຫ້າປະການ: ໄວ (Fast), ຕະຫຼອດການ (Forever), ດີເລີດ (Fantastic), ອິດສະຫຼະ (Freedom), ແລະ ອະນາຄົດ (Future). ຫຼັກການເຫຼົ່ານີ້ ເນັ້ນໃຫ້ເຫັນຄວາມມຸ່ງຫວັງຂອງຍີ່ຫໍ້ ທີ່ຢາກພັດທະນາເລື່ອງຄວາມວ່ອງໄວ, ຄວາມໜ້າເຊື່ອຖື, ຄຸນນະພາບ, ງ່າຍຕໍ່ການນໍາໃຊ້, ແລະນະວັດຕະກໍາ.

ຍຸດທະສາດ 3 ຂັ້ນຕອນກ້າວສູ່ລະດັບໂລກ

ໃນກອງປະຊຸມ, ທ່ານ ຕົ້ງ ຢອງເຊິ່ງ (Dong Yongsheng), ຜູ້ຈັດການທົ່ວໄປ ພະແນກສາກົນ FORLAND, ໄດ້ແຈ້ງໃຫ້ຊາບກ່ຽວກັບຜົນສໍາເລັດຢູ່ຕະຫຼາດໂລກຂອງບໍລິສັດ ແລະ ອະທິບາຍແຜນຍຸດທະສາດ “3 ຂັ້ນຕອນ ກ້າວສູ່ລະດັບໂລກ” ຂອງບໍລິສັດ:

 ພື້ນຖານ: ສ້າງພື້ນຖານການຄ້າທີ່ເຂັ້ມແຂງຜ່ານການສົ່ງອອກຍານພາຫະນະ ແລະຊິ້ນສ່ວນ (CKD).

ຫັນເປັນທ້ອງຖິ່ນ: ສະຫນັບສະຫນູນການຜະລິດ ແລະການຕະຫຼາດທ້ອງຖິ່ນ ເພື່ອສ້າງຄວາມເຂັ້ມແຂງໃຫ້ກັບການດໍາເນີນທຸລະກິດໃນພາກພື້ນ.

 ລົງເລິກການເຊື່ອມໂຍງ: ສ້າງລະບົບວິໄຈ-ພັດທະນາ, ບໍລິການ, ການເງິນ, ແລະ ການຜະລິດທ້ອງຖິ່ນເພື່ອສ້າງລະບົບນິເວດຕ່າງປະເທດທີ່ສົມບູນ.

ເພື່ອສະຫນັບສະຫນູນຍຸດທະສາດນີ້, FORLAND ວາງແຜນທີ່ຈະເພີ່ມຈຳນວນຜະລິດຕະພັນຂອງຕົນ, ສົ່ງເສີມການວິໄຈ ແລະ ພັດທະນາ ກ່ຽວກັບ ລົດບັນທຸກຫນັກ, ການຂັບຂີ່ແບບບໍ່ມີຄົນຂັບ, ແລະ ການຂົນສົ່ງອັດສະລິຍະ, ລວມທັງ ສົ່ງເສີມການຮ່ວມມືໃນລະບົບສະໜອງທົ່ວໂລກຂອງຕົນ-ສົ່ງເສີມການເຕີບໃຫຍ່ຮ່ວມກັນກັບຄູ່ຮ່ວມງານທົ່ວໂລກ.

ຜະລິດຕະພັນໃຫມ່ ແລະ ການຮ່ວມມືທົ່ວໂລກ

ໃນລະຫວ່າງກອງປະຊຸມ, FORLAND ໄດ້ເປີດຕົວຜະລິດຕະພັນໃຫມ່ສອງລາຍການສໍາລັບຕະຫຼາດໂລກ-ລົດບັນທຸກເກຍອໍໂຕ L7 ແລະ ລຸ້ນ U7 ຊີຣີ້ - ແລະ ນຳສະເໜີເຕັກໂນໂລຢີການຂັບຂີ່ແບບອິສະລະຫຼ້າສຸດຂອງຕົນ.

L7, ທີ່ພັດທະນາຂຶ້ນຈາກການວິເຄາະຂໍ້ມູນເສັ້ນທາງໃນທົ່ວໂລກຫຼາຍລ້ານກິໂລແມັດ, ໄດ້ຮັບການປັບປຸງໃນ 7 ມິຕິ-ຄວາມອັດສະລິຍະ, ຄວາມແຮງ, ຄວາມປອດໄພ, ຄວາມປະຢັດນໍ້າມັນ, ຄວາມສະດວກສະບາຍ, ຄວາມສາມາດໃນການບັນທຸກ, ແລະການບໍລິການ-ສະໜອງທາງເລືອກດ້ານການຂົນສົ່ງທີ່ດີກວ່າສຳລັບຜູ້ປະກອບການການຂົນສົ່ງທົ່ວໂລກ.

 U7 ຊີຣີ້, ທີ່ພັດທະນາບົນພື້ນຖານຄັນຊີສະເກັດບອດທີ່ລໍ້າຫນ້າ, ແມ່ນລົດຕູ້ຮຸ່ນທໍາອິດຂອງວົງການ ເພື່ອນຳໃຊ້ເຕັກໂນໂລຢີ VICU, ລວມລະບົບການຈັດການພະລັງງານ ແລະ ຄວາມຮ້ອນ ເຂົ້າກັນເພື່ອໃຫ້ປະຢັດພະລັງງານ ແລະຄວາມຄ່ອງໂຕທີ່ດີກວ່າເກົ່າ.

FORLAND ຍັງໄດ້ປະກາດຍຸດທະສາດພະລັງງານໃຫມ່ຂອງຕົນ ແລະ ຍ້ອງຍໍຕົວແທນຈໍາຫນ່າຍຕ່າງປະເທດສໍາລັບຜົນງານການປະກອບສ່ວນທີ່ດີເດັ່ນຂອງເຂົາເຈົ້າ.

ຮ່ວມກັນສ້າງອະນາຄົດທີ່ຍືນຍົງ ແລະ ສີຂຽວກວ່າເກົ່າ

ຈາກ “ຜະລິດໃນຈີນ” ສູ່ “ການສ້າງຮ່ວມກັບໂລກ,” FORLAND ກໍາລັງຮ່ວມມືກັບຄູ່ຮ່ວມງານທົ່ວໂລກ ເພື່ອສ້າງລະບົບນິເວດການຂົນສົ່ງທີ່ສະອາດ, ອັດສະລິຍະ, ແລະ ເຊື່ອມໂຍງກວ່າເກົ່າ.

ດ້ວຍປະສົບການເກືອບສາມທົດສະວັດ ແລະ ວິໄສທັດສູ່ອະນາຄົດ, FORLAND ຍັງຄົງມຸ່ງຫມັ້ນທີ່ຈະສົ່ງເສີມການຂົນສົ່ງສີຂຽວ, ສ້າງຄວາມເຂັ້ມແຂງໃຫ້ແກ່ຄູ່ຮ່ວມ ງານຂອງຕົນ, ແລະຂັບເຄື່ອນການເຕີບໂຕທົ່ວໂລກທີ່ຍືນຍົງ - ນໍາເອົານະວັດຕະກຳ ແລະການຮ່ວມມືໄປສູ່ທຸກແຈມຸມຂອງໂລກ.

 

แชร์