ລນລ ເລືອກເລຂາຊາວໜຸ່ມຊຸດໃໝ່

  ໃນວັນທີ 29 ເມາສາ 2019 ທີ່ນະຄອນຫຼວງວຽງຈັນ ລັດວິສາຫະກິດນໍ້າມັນເຊື້ອໄຟລາວ (ລນລ) ໄດ້ຈັດກອງປະຊຸມໃຫຍ່ໜ່ວຍຊາວໜຸ່ມຮາກຖານຄັ້ງທີ VII ໂດຍການເປັນປະທານຂອງທ່ານ ອະນຸສິນ ພົນເສນາ ຮອງອໍານວຍການ-ຜູ້ປະຈໍາການ ຮອງເລຂາຄະນະພັກ ທ່ານ ບຸນເພັງ ສີບຸນເຮືອງ ຮອງເລຂາຄະ ນະບໍລິຫານງານຊາວໜຸ່ມກະຊວງອຸດສາຫະກໍາ ແລະການຄ້າ, ທ່ານ ອາລຸນຍະແສງ ດໍາລົງ ເລຂາຊາວໜຸ່ມ ລນລ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ຜ່ານການຈັດຕັ້ງປະຕິບັດໃນໄລຍະຜ່ານມາໜ່ວຍຊາວໜຸ່ມຮາກຖານ ລນລ ໄດ້ເອົາໃຈໃສ່ຕັ້ງໜ້າປະຕິບັດວຽກງານໃນການນໍາເຂົ້ານໍ້າມັນເຊື້ອໄຟ,ອາຍແກ໊ສ ແລະອຸປະກອນເຕັກນິກເຂົ້າມາສະໜອງໄດ້ກັບຄວາມຕ້ອງການຂອງສັງຄົມ, ໄດ້ເອົາໃຈໃສ່ໃນການຂາຍຕາມຄວາມຮຽກຮອງຕ້ອງການຂອງລູກຄ້າກໍ່ຄືສັງຄົມໄດ້ຢ່າງສະໝໍ່າສະເໝີ ແລະເອົາໃຈໃສ່ຄຸ້ມຄອງຮັກສາທາງດ້ານລາຍຮັບ-ລາຍຈ່າຍໃຫ້ມີຄວາມປອດໄພບໍ່ມີການຕົກເຮ່ຍເສຍຫາຍ ແລະພຽງພໍໃນການສະໜອ ງໃຫ້ການດໍາເນີນທຸລະກິດໄດ້ຢ່າງເປັນປົກກະຕິ, ມີການຕິດຕາມທວງທາວໜີ້ສິນທີ່ແກ່ຍາວທວງຍາກໃຫ້ຫຼຸດລົງເທື່ອກ້າວ ແລະ ໄດ້ເອົາໃຈໃສ່ໃນການຄຸ້ມຄອງປົກປັກຮັກສານໍ້າມັນໃຫ້ມີຄວາມປອດໄພທາງດ້ານຄຸນນະພາບ ແລະປະລິມານບໍ່ໃຫ້ຕົກເຮ່ຍເສຍຫາຍ. ນອກນັ້ນສະມາຊິກຊາວໜຸ່ມຮາກຖານ ລນລ ໃນທຸກຂະແໜງການຍັງໄດ້ມີຄວາມບຸກບືນຫ້າວຫັນໃນການຊອກຮູ້ຮໍ່າຮຽນເພື່ອຍົກລະດັບຄວາມຮູ້ຄວາມສາມາດຂອງຕົນເອງເພື່ອປະກອບເຂົ້າໃນໜ້າທີ່ວຽກງານໃນຂອບເຂດຄວາມຮັບຜິດຊອບຂອງຄົນເອງ.

  ໃນກອງປະຊຸມດັ່ງກ່າວຍັງໄດ້ມີການປ່ອນບັດຄັດເລືອກເອົາເລຂາຊາວໜຸ່ມຊຸດໃໝ່ຂອງສໍານັກງານໃຫຍ່ລັດວິສາຫະກິດນໍ້າມັນເຊື້ອໄຟລາວເພື່ອສືບຕໍ່ຊື້ນໍາ-ນໍາພາວຽກງານໃນຕໍ່ໜ້າເຊິ່ງໄດ້ເລືອກເອົາທ່ານນາງ ສົມພິດ ສຸກໄສ ເປັນເລຂາ, ທ່ານ ສຸລິຍະເດດ ຄຳສີວໍລະວົງ ເປັນຮອງເລຂາ, ທ່ານ ທອງດຳ ໄຊຍະລາດ ເປັນຮອງເລຂາ (ກວດກາ), ທ່ານ ອາລຸນຍະແສງ ດໍາລົງ ເປັນຄະນະ ແລະທ່ານ ເພັດວິໄລ ຈັນທະວີໄຊ ເປັນຄະນະ.

ພາບຂ່າວ:

ໂດຍ: ໜັງສືພິມເສດຖະກິດ-ສັງຄົມ

• 02/05/2019