2 ພາກສ່ວນ ຮ່ວມສ້າງສະຕາດອັບສົ່ງເສີມເສດຖະກິດປະເທດ

  ວັນທີ 29 ເມສາ 2019 ລາວໂທລະຄົມໄດ້ຮ່ວມມືກັບກຸ່ມບໍລິສັດໂຕະລາວຈັດຖະແຫຼ່ງຂ່າວເປີດການແຂ່ງຂັນ Startup Weekend Vientiane ເພື່ອ ສ້າງລະບົບນິເວດສະຕາດອັບສົ່ງເສີມການດຳເນີນທຸລະກິດ ແລະນະວັດຕະກຳຄວາມຄິດໃໝ່ເພື່ອພັດທະນາເສດຖະກິດຂອງລາວໂດຍການເຂົ້າຮ່ວມທ່ານ ນາງ ສຸພາພອນ ສວນນະວົງ ຜູ້ສ້າງຕັ້ງ ແລະ ອຳນວຍການກຸ່ມບໍລິສັດໂຕະລາວ, ທ່ານ ປິຍະວັດ ຈະຣິຍະເສດຖະພົງ ຮອງຜູ້ອຳນວຍການໃຫຍ່ຂອງລາວໂທລະຄົມ ບັນດາແຂກພາກສ່ວນກ່ຽວຂ້ອງເຂົ້າຮ່ວມ.

  ທ່ານ ນາງ ສຸພາພອນ ສວນນະວົງ ໄດ້ກ່າວວ່າ: ນີ້ກໍ່ເປັນອີກບາດກ້າວໜຶ່ງທີ່ສຳຄັນຂອງການສ້າງສະຕາດອັບໃນລາວ ແລະມີຄວາມຕື່ນເຕັ້ນເປັນຢ່າງຍິ່ງທີ່ລັດວິສາຫະກິດລາວໂທລະຄົມຊຶ່ງເປັນຜູ້ໃຫ້ບໍລິການດ້ານໂທລະຄົມມະນາຄົມທີ່ໃຫຍ່ສຸດໃນລາວໄດ້ມາຮ່ວມມື ແລະສະໜັບສະໜູນວຽກງານສະຕາດອັບນຳພວ ກເຮົາຊຶ່ງບາດກ້າວນີ້ຈະຖືກຈາລຶກໄວ້ໃນປະຫວັດສາດຂອງວົງການສະຕາດອັບໃນລາວ ແລະ ແນ່ນອນວ່າຈະມີທຸລະກິດສະຕາດອັບທີ່ຈະມາປ່ຽນແປງເຮັດໃຫ້ສັງຄົມມີຜົນບວກຫຼາຍຂຶ້ນ ແລະຈະມີບັນດາບໍລິສັດໃຫຍ່ໆເຂົ້າມາເປັນສ່ວນໜຶ່ງໃນການພັດທະນາວົງການສະຕາດອັບຂອງເຮົາ.

  ທ່ານ ປິຍະວັດ ຈະຣິຍະເສດຖະພົງ ກ່າວຕື່ມອີກວ່າ: ການຮ່ວມມືແຂ່ງຂັນ Startup Weekend Vientiane ຄັ້ງນີ້ຈະເປັນບາດກ້າວສຳຄັນຂອງລະບົບ ນິເວດສະຕາດອັບສົ່ງເສີມການດຳເນີນທຸລະກິດໄອຊີທີ, ເຕັກໂນໂລຊີ ແລະນະວັດຕະກຳຄວາມຄິດປັດໄຈສຳຄັນເພື່ອພັດທະນາເສດຖະກິດຂອງລາວຊຶ່ງຈະເລີ່ມແຂ່ງຂັນວັນທີ 24-26 ພຶດສະພາ 2019 ພາຍຫຼັງຈົບການແຂ່ງຂັນແລ້ວຈະແຈ້ງໃຫ້ຮູ້ຜົນທັນທີວ່າທີມໃດມີຄຸນສົມບັດທີ່ເໝາະສົມໃນຈຳນວນ 5 ທີມ ພ້ອ ມນັ້ນຈະໄດ້ຮັບການຄັດເລືອກເພື່ອເຂົ້າຮ່ວມໂຄງການບົ່ມເພາະທຸລະກິດຂອງພວກເຮົາເປັນເວລາໜຶ່ງປີຜ່ານມາ ບໍລິສັດ ໂຕະລາວ ໄດ້ຈັດແຂ່ງຂັນ Startup Weekend ມາແລ້ວ 6 ຄັ້ງ, ມີຜູ້ເຂົ້າຮ່ວມແຂ່ງຂັນເກືອບ 700 ຄົນ ແລະມີທຸລະກິດເດັ່ນໆທີ່ເກີດຈາກການແຂ່ງຂັນເຊັ່ນ: Bizgital, Muan.la, Loc a , book delivery ແລະ ອື່ນໆທີ່ມີແນວຄິດທາງທຸລະກິດໄດ້ຖືກນຳໄປພັດທະນາໃຫ້ເປັນທຸລະກິດທີ່ແທ້ຈິງ.

ພາບຂ່າວ

ໂດຍ: ໜັງສືພິມເສດຖະກິດ-ສັງຄົມ

 

แชร์