ກະສິກໍາເປັນປັດໄຈສໍາຄັນຂອງການພັດທະນາເສດຖະກິດຄອບຄົວ

  ການປູກຝັງ-ລ້ຽງສັດເປັນກິດຈະກໍາໜຶ່ງທີ່ເປັນມູນເຊື້ອຂອງປະຊາຊົນບັນດາເຜົ່າມາຮອດປະຈຸບັນອາຊີບດັ່ງກ່າວກໍຍັງແມ່ນທາງເລືອກທີ່ດີສໍາລັບຊາວກະສິ ກອນກໍຄືພໍ່ແມ່ປະຊາຊົນໃນເຂດຊົນນະບົດຫ່າງໄກສອກຫຼີກເພື່ອສ້າງລາຍຮັບເຂົ້າຄອບຄົວ ແລະເຮັດໃຫ້ຊີວິດການເປັນຢູ່ດີຂຶ້ນຄອບຄົວຂອງທ່ານ ໄນຟິນ ແຊເຕີນອາຍຸ 42 ປີ ປະຈຸບັນຢູ່ບ້ານຜາຫຼວງ ເມືອງເຟືອງ ແຂວງວຽງຈັນ ກໍແມ່ນຄອບຄົວໜຶ່ງທີ່ມີຄວາມດຸໝັ່ນຂະຫຍັນພຽນໃນການເຮັດກະສິກໍາຂາຍເປັນສິນຄ້າ ແລະເປັນຕົວແບບທີ່ພົ້ນເດັ່ນຢູ່ພາຍໃນບ້ານ.

 ທ່ານໄດ້ກ່າວໃຫ້ຟັງວ່າ: ໃນຄອບຄົວມີສະມາຊິກທັງໝົດ 11 ຄົນ, ແຮງງານຕົ້ນຕໍມີ 6 ຄົນ, ອາຊີບໃນເມື່ອກ່ອນຖາງປ່າເຮັດໄຮ່, ປູກໝາກເດືອຍລາຍຮັບ 5-6 ລ້ານກີບຕໍ່ປີພໍແຕ່ກຸ້ມກິນ, ມາຮອດ ປີ 2004 ພັກ-ລັດຖະບານໄດ້ມີແນວທາງນະໂຍບາຍໃຫ້ພໍ່ແມ່ປະຊາຊົນຢຸດຕິຖ່າງປ່າເຮັດໄຮ່ສະນັ້ນ, ມາຮອດປີ 2008 ຈຶ່ງຕັດສິນໃຈຫັນມາລ້ຽງສັດປະສົມປະສານຂາຍເປັນສິນຄ້າກໍຄື: ລ້ຽງປາ, ໝູລາດ, ລ້ຽງໄກ່ພັນໄຂ່ ແລະລ້ຽງໄກ່ລາດ, ປະຈຸບັນ, ມີເນື້ອທີ່ໃນການຜະ ລິດທັງໝົດ 3 ເຮັກຕາມີໜອງປາ 3 ໜອງ, ແຕ່ລະປີປ່ອຍລູກປາປະມານ 4 ໝື່ນໂຕ, ໄດ້ປາປະມານ 5-6 ໂຕນຕໍ່ປີສາມາດສ້າງລາຍຮັບເຂົ້າຄອບຄົວຈາ ກການຂາຍປາປະມານ 50-60 ລ້ານຕໍ່ປີ.

  ສໍາລັບການລ້ຽງໄກ່ແມ່ນໄດ້ຊື້ແມ່ໄກ່ມາຈາກບໍລິສັດ 99 ຢູ່ ເມືອງໂພນໂຮງ ແຂວງວຽງຈັນ ຈໍານວນ 1 ພັນໂຕ, ໃນລາຄາ 40 ພັນກີບຕໍ່ໂຕ, ອາຍຸໄກ່ແຕ່ ລະປີບໍ່ ຄືກັນສ່ວນຫຼາຍ 18-22 ເດືອນໝົດໄຂ່, ຫຼັງຈາກໄກ່ຊຸດໄຂ່ແລ້ວເຮົາກໍເອົາໄກ່ໄປສົ່ງຢູ່ຕະຫຼາດຂາຍຄາລາ 30 ພັນກີບຕໍ່ໂຕ, ປະຈຸບັນ, ມີຟາມໄກ່ພັນໄຂ່ທັງໝົດ 4 ຟາມ ແລະຟາມໄກ່ລາດ 1 ຟາມ ສາມາດບັນຈຸໄກ່ໄດ້ 250 ໂຕ, ລ້ຽງປະສົມປະສານກັນປະຈຸບັນມີໄກ່ພັນໄຂ່ 3.300 ໂຕ ແຕ່ລະມື້ເກັບໄຂ່ໄດ້ 93 ແຕະ ຈະຂາຍເປັນລຸ້ນເບີ 1,2,3 ຄັນໄລ່ໄຂ່ລວມຂາຍລາຄາສົ່ງ 20 ພັນກີບຕໍ່ແຕະ, ສໍາລັບການຂາຍແມ່ນໄປຂາຍເອງໃຫ້ຂາປະຈໍາຢູ່ຕາມຮ້ານຄ້າຂາຍ ລາຄາ 23 ພັນກີບຕໍ່ແຕະ, ເພາະວ່າທຸກມື້ລູກຄ້າຫຼາຍໄຂ່ບໍ່ພໍສົ່ງຈໍາເປັນຕ້ອງໄດ້ເລາະສົ່ງເອງໃຫ້ແມ່ຄ້າຂາປະຈໍາລາຍຮັບຈາກການຂາຍໄຂ່ໄກ່ສາມາດສ້າງລາຍໄດ້ປະມານ 30 ລ້ານກີບຕໍ່ປີ, ສະເລ່ຍລວມແລ້ວຈາກການລ້ຽງສັດຂາຍເປັນສິນຄ້າສາມາດສ້າງລາຍຮັບເຂົ້າຄອບຄົວສູງເຖິງ 80-90 ລ້ານກີບຕໍ່ປີ.

  ຫຼັງຈາກໄດ້ຫັນມາເຮັດອາຊີບປູກຝັງ-ລ້ຽງສັດເຮັດໃຫ້ຊີວິດການເປັນຢູ່ຂອງຄອບຄົວດີຂຶ້ນກວ່າເກົ່າ,ຫຼຸດພົ້ນອອກຈາກຄວາມທຸກຍາກ,ອາຫານການກິນກຸ້ມຕົນເອງຫຼຸດຜ່ອນຄ່າໃຊ້ຈ່າຍອອກຕະຫຼາດແຕ່ລະມື້, ສາມາດສ້າງເຮືອນກໍ່ຊັ້ນໜຶ່ງສໍາເລັດ ແລະມີເງິນສົ່ງເສີມລູກຮຽນຄອບຄົວມີຄວາມຜາສຸກ.

 ແຜນການຕໍ່ໜ້າຈະຂະຫຍາຍຟາມຕື່ມອີກໃຫ້ໄດ້ປະມານ 3 ພັນໂຕ ເພີ່ມໃສ່ໃຫ້ເປັນ 6  ພັນໂຕ ກໍຍ້ອນໄດ້ຮັບແຮງຈູງໃຈຂັ້ນເທິງເພິ່ນໄດ້ລົງມາໃຫ້ທິດຊີ້ນໍາໃກ້ຊິດຕິດແທດແກ່ຄອບຄົວຂອງຂ້າພະເຈົ້າດັ່ງນັ້ນ, ຂ້າພະເຈົ້າຈະສູ້ຊົນຂະຫຍາຍພື້ນທີ່ໃຫ້ໄດ້ ແລະ ຈະນໍາພາຍາດຕິພີ່ນ້ອງຂະຫຍາຍໃຫ້ໄດ້ແຕ່ລະຄອບຄົວ ລວມທັງພໍ່ແມ່ປະຊາຊົນພາຍໃນບ້ານທີ່ມີຄວາມສົນໃຈ ຫຼື ຢາກມາຖອດຖອນບົດຮຽນນໍາຂ້າພະເຈົ້າກໍໄດ້.

  ທ່ານ ກິ່ງມະໂນ ສິນໂສດາ ຮອງຫົວໜ້າຫ້ອງການ-ການເງິນ ເມືອງເຟືອງ ໄດ້ກ່າວວ່າ: ບ້ານຜາຫຼວງກໍແມ່ນບ້ານໜຶ່ງທີ່ນອນຢູ່ໃນ 10 ບ້ານຈຸດສຸມພັດທະ ນາ, ປະຊາຊົນໄດ້ຢຶດຖືອາຊີບເຮັດການກະສິກໍາປູກຝັງ-ລ້ຽງສັດເປັນອາຊີບຫຼັກ, ປະຈຸບັນ, ມີຕົວແບບທັງໝົດ 7 ຄອບຄົວ, ສະເພາະການລ້ຽງໄກ່ພັນໄຂ່ມີ 4 ຄອບຄົວ ແລະຄອບຄົວທີ່ໂດດເດັ່ນກວ່າໝູ່ແມ່ນຄອບຄົວຂອງທ່ານ ໄນຟິນ ໃນນາມ ຕ່າງໜ້າອໍານາດການປົກຄອງຂອງບ້ານກໍຄືຂອງເມືືອງຂໍຢັ້ງຢືນວ່າຄອ ບຄົວຂອງເພິ່ນເປັນຄອບຄົວທີ່ດຸໝັ້ນ, ມີຄວາມຕັດສິນໃຈສູງຕໍ່ການສ້າງເສດຖະກິດຄອບຄົວດ້ວຍການລ້ຽງໄກ່ພັນໄຂ່ ແລະການລ້ຽງປາສາມາດສະໜອງໄຂ່ໄກ່ອອກສູ່ຕະຫຼາດຈຸດສຸມຖືວ່າພຽງພໍຕໍ່ການບໍລິໂພກແຕ່ຍັງບໍ່ທັນຕອບສະໜອງຕາມຄວາມຕ້ອງການພາຍໃນເມືອງໄດ້ສະນັ້ນ, ຂໍຮຽກຮ້ອງມາຍັງພໍ່ແມ່ປະ ຊາຊົນ ໂດຍສະເພາະພາຍໃນເມືອງຈຸດສຸມນີ້ຖ້າວ່າທ່ານໃດຍັງບໍ່ມີອາຊີບສາມາດມາແລກປ່ຽນບົດຮຽນນໍາຄອບຄົວຂອງເພິ່ນໄດ້ ຫຼື ຈະຍຶດຖືອາຊີບໃດກໍຕ້ອງເຮັດແທ້ທໍາຈິງໃຫ້ຕັດສິນໃຈສູງເພື່ອໃຫ້ສ້າງເສດຖະກິດຄອບຄົວໃຫ້ມັນດີຂຶ້ນເທື່ອລະກ້າວຖ້າຫາກວ່າຫຼາຍຄອບຄົວເຮັດໄດ້ແນວນີ້ກໍຈະເຮັດປະເທດຊາດບ້ານ ເມືອງໄດ້ຮັບການພັດທະນາຂຶ້ນເລື້ອຍໆ.

 ພາບ ແລະຂ່າວ

ໂດຍ: ໜັງສືພິມເສດຖະກິດ-ສັງຄົມ

แชร์