ຄວາມໝັ້ນຄົງ ແລະ ການຂະຫຍາຍຕົວຂອງເສດຖະກິດຈີນ ຍັງສືບຕໍ່ດຶງດູດທຶນຈາກຕ່າງປະເທດ

      ໃນຂະນະທີ່ການຂະຫຍາຍຕົວທາງດ້ານເສດຖະກິດໂລກຊ້າລົງ ແລະ ຕະຫຼາດທຶນມີຄວາມລະມັດລະວັງຕໍ່ຄວາມສ່ຽງເພີ່ມຂຶ້ນຢ່າງຕໍ່ເນື່ອງ, ຈີນ ຍັງສືບຕໍ່ເປັນຈຸດໝາຍປາຍທາງສຳຄັນທາງດ້ານການລົງທຶນ. ຢ່າງໃດກໍ່ຕາມ, ຄວາມຫນ້າສົນໃຈຕໍ່ຈີນບໍ່ໄດ້ມາຈາກການຜະລິດຕົ້ນທຶນຕໍ່າ ຫຼື ຂະໜາດຕະຫຼາດໃຫຍ່ຄືແຕ່ກ່ອນ. ແທນທີ່ຈະເປັນຄືແນວນັ້ນ, ເຊິ່ງເກີດຈາກການຍົກລະດັບອຸດສາ ຫະກໍາ, ການປ່ຽນແປງນະໂຍບາຍ, ການປັບປຸງໂຄງສ້າງຕ່ອງໂສ້ການສະໜອງຂອງໂລກ ແລະ ປັດໃຈສໍາຄັນທີ່ສ້າງທັງໂອກາດ ແລະ ຄວາມທ້າທາຍໃຫ້ແກ່ນັກລົງທຶນຈາກຕ່າງປະເທດ. 

     ໃນກອງປະຊຸມເວທີປຶກສາຫາລືຂັ້ນສູງການພັດທະນາຈີນ ປະ ຈຳປີ 2025 (China Development Forum (CDF) 2025 ທີ່ຈັດຂຶ້ນຢູ່ນະຄອນຫລວງປັກກິ່ງຂອງຈີນ ໃນລະຫວ່າງວັນທີ 23-24 ມີນາ 2025, ບັນດານັກຊ່ຽວຊານ ແລະ ຜູ້ບໍລິ ຫານຂອງບໍລິສັດຂະໜາດໃຫຍ່ຈາກຕ່າງປະເທດໄດ້ປຶກສາຫາລື ກັນກ່ຽວກັບຜົນໄດ້ຮັບຈາກການລົງທຶນຢູ່ປະເທດຈີນ, ຂໍ້ໄດ້ ປຽບດ້ານນະໂຍບາຍ, ແລະ ທ່າອ່ຽງລວມໃນໄລຍະຍາວ. ເຖິງວ່າຂໍ້ສົງໃຈອາດຈະຍັງຄົງມີຢູ່, ແຕ່ກະແສເງິນລົງທຶນທີ່ແທ້ຈິງໄດ້ສະແດງໃຫ້ເຫັນວ່າ: ທຸລະກິດລະດັບໂລກຍັງມີສ່ວນຮ່ວມຢ່າງເລິກເຊິ່ງຢູ່ຕະຫຼາດໃນປະເທດຈີນ.

      ຈາກ “ການດຶງດູດທຶນ” ສູ່ “ການຍົກລະດັບຄຸນນະພາບການ ລົງທຶນ”:  ບົດບາດຂອງວິສາຫະກິດຕ່າງປະເທດໃນປະເທດຈີນກຳລັງປ່ຽນຈາກການເປັນຖານການຜະ ລິດຕົ້ນທຶນຕໍ່າໄປສູ່ຜູ້ເຂົ້າຮ່ວມຕະຫຼາດທີ່ມີມູນຄ່າສູງ. ໃນຊຸມປີມໍ່ໆນີ້, ລັດຖະບານຈີນ ໄດ້ເລັ່ງປະຕິຮູບຕະຫຼາດ, ລວມເຖິງການຫຼຸດຂໍ້ຈຳ ກັດໃນການເຂົ້າເຖິງຕະຫຼາດສຳລັບບໍລິສັດຕ່າງປະເທດ ແລະ ເສີມສ້າງການປົກ ປ້ອງຊັບສິນທາງປັນຍາ ເພື່ອສ້າງເງື່ອນ ໄຂໃຫ້ແກ່ການລົງທຶນທີ່ສາມາດຄາດຄະເນໄດ້ຫຼາຍຂຶ້ນ ເຊິ່ງແຕກຕ່າງກັບການ “ລົງທຶນເພື່ອການຂະຫຍາຍຕົວ” ໃນຊຸມປີ 1990. ແນວທາງໃນປັດຈຸບັນ ແມ່ນໃຫ້ຄວາມສຳຄັນກັບຄຸນນະພາບການລົງທຶນຫຼາຍກວ່າດ້ານປະລິມານຢ່າງແທ້ຈິງ. 

 ທ່ານ Ian Goldin ຜູ້ກໍ່ຕັ້ງສະຖາບັນ Oxford Martin ຂອງມະຫາວິທະຍາໄລ Oxford ຊີ້ໃຫ້ເຫັນວ່າ: “ຈີນ ກໍາລັງປະສົມປະ ສານການຍົກລະດັບລະບົບຕ່ອງໂສ້ຄຸນ ຄ່າໄດ້ຢ່າງມີປະສິດທິ ພາບ. ຈີນ ເຄີຍເປັນໂຮງງານໂລກສຳລັບສິນຄ້າທີ່ຕ້ອງການທັກ ສະຕ່ຳ ແລະ ມີມູນຄ່າເພີ່ມຕ່ຳ”. ພ້ອມນີ້, ທ່ານຍັງໄດ້ກ່າວຕໍ່ເວັບໄຊເສດຖະກິດຂອງຈີນ (China Economic Net) ວ່າ: ການ ປ່ຽນແປງນີ້ມີຜົນກະທົບຢ່າງເລິກເຊິ່ງ. ບໍ ລິສັດຈາກຕ່າງປະເທດບໍ່ໄດ້ແຂ່ງຂັນດ້ານປະສິດທິພາບຂອງເງິນລົງທຶນພຽງຢ່າງດຽວອີກຕໍ່ໄປ, ແຕ່ຕ້ອງເຊື່ອມໂຍງໃຫ້ເຂົ້າກັບລະບົບນິເວດອຸດສາຫະ ກຳຈີນທີ່ກຳລັງພັດ ທະນາ. ປັດຈຸບັນ, ຈີນ ກຳລັງຫັນປ່ຽນໄປສູ່ອຸດສາຫະກຳທີ່ມີມູນຄ່າເພີ່ມສູງ, ປັນຍາປະດິດ ຫຼື AI, ແລະ ຂັບ ເຄື່ອນດ້ວຍເຕັກໂນໂລຊີຂໍ້ມູນຂ່າວສານ. ດ້ວຍເຫດນີ້ ຈີນ ຈະມີບົດບາດສຳຄັນຂຶ້ນເລື້ອຍໆ ໃນລະດັບມູນຄ່າທີ່ເພີ່ມສູງຂຶ້ນ ເຊິ່ງນີ້ຖືເປັນຜົນດີທັງຕໍ່ຈີນ ແລະ ໂລກ. 

      ຍ້ອນຫຍັງເງິນທຶນຍັງຄົງສືບຕໍ່ໄຫຼເຂົ້າຈີນ:  ເຖິງວ່າການຂະ ຫຍາຍຕົວຊ້າລົງໃນບາງຂະແໜງການ, ແຕ່ອຸດສາຫະກຳຕ່າງໆ ເຊັ່ນ: ພະລັງງານທົດແທນ, ການຜະລິດຂັ້ນສູງ ແລະ ເຕັກໂນໂລຊີດິຈິຕອນ ຍັງສືບຕໍ່ຂະຫຍາຍຕົວຢ່າງວ່ອງໄວ. ອີງຕາມບົດລາຍ ງານວຽກງານຂອງລັດຖະບານຈີນ ປະຈໍາປີ 2025, ໃນປີກາຍນີ້ ມູນຄ່າເພີ່ມຂອງອຸດສາຫະກຳການຜະລິດເຕັກໂນໂລຊີສູງ ແລະ ອຸດສາຫະ ກຳການຜະລິດອຸປະກອນ ໄດ້ເພີ່ມຂຶ້ນ 8.9% ແລະ 7.7% ຕາມລຳດັບ, ໃນຂະນະທີ່ຜົນຜະລິດລົດໄຟຟ້າໃໝ່ປະ ຈຳປີບັນລຸເກີນ 13 ລ້ານຄັນ. ບໍລິສັດຈາກຕ່າງປະເທດໃນຂະ ແໜງການ ເຊັ່ນ: ພະ ລັງງານສະອາດ ແລະ ການຜະລິດຂັ້ນສູງກຳລັງສ້າງສູນຄົ້ນຄວ້າ ແລະ ພັດທະນາ (R&D) ໃນປະເທດຈີນເພີ່ມຂຶ້ນ ແທນທີ່ຈະເປັນແຕ່ສູນຜະລິດພຽງຢ່າງດຽວ.

     ທ່ານ Jean-Pascal Tricoire ປະທານບໍລິສັດ Schneider Electric ກ່າວວ່າ:  ໄລຍະ 25 ປີຜ່ານມາ ຖືເປັນເວລາທີ່ໜ້າອັດສະຈັນໃນການເຕີບໂຕທາງເສດຖະກິດຂອງຈີນ ເຊັ່ນດຽວກັັບ Schneider Electric ເພາະບໍລິສັດມີລາຍຮັບເພີ່ມຂຶ້ນ 4 ເທົ່າໃນໄລຍະນີ້ ແລະ ຈີນ ມີບົດບາດສຳຄັນຫຼາຍໃນຄວາມສຳເລັດດັ່ງກ່າວ, ພ້ອມທັງເນັ້ນໜັກວ່າສູນກາງຂອງບໍລິສັດຢູ່ຈີນ ແມ່ນ 1 ໃນ 4 ສູນກາງຫຼັກໃນໂລກຂອງບໍລິ ສັດໃນປັດຈຸ ບັນນີ້. 

     ອຸດສາຫະກໍາເຫຼົ່ານີ້ຢູ່ຈີນ ບໍ່ພຽງແຕ່ໄດ້ຮັບການສະໜັບ ສະໜູນດ້ານນະໂຍບາຍທີ່ເຂັ້ມແຂງ ເທົ່ານັ້ນ, ແຕ່ຍັງໄດ້ຮັບການ ຮັບປະກັນຜົນປະໂຫຍດຈາກການປະຢັດຢ່າງຫລວງຫຼາຍ ເຮັດ ໃຫ້ອຸດສາຫະກໍາດັ່ງກ່າວໜ້າສົນໃຈຫຼາຍສໍາລັບນັກລົງທຶນຈາກຕ່າງປະເທດ.

     ທ່ານ ໄມ ເຮັນຣີ Mike Henry, ຫົວໜ້າຜູ້ບໍລິຫານບໍລິສັດ BHP ກ່າວວ່າ: ການປ່ຽນແປງຂອງຈີນນັບຕັ້ງແຕ່ປີ 2008 ເປັນເລື່ອງທີ່ຍິ່ງໃຫຍ່ ແລະ ກຳລັງເພີ່ມຂຶ້ນເລື້ອຍໆ ດ້ວຍການຂະຫຍາຍຕົວຂອງເມືອງໃໝ່, ການພັດທະນາສີຂຽວ, ແລະ ການ ປ່ຽນແປງທາງດ້ານດິຈິຕອນ. ການປ່ຽນແປງເຫຼົ່ານີ້ ກຳລັງເປີດໂອກາດໃໝ່ອັນກວ້າງຂວາງ, ບໍ່ພຽງແຕ່ໃນຈີນເທົ່ານັ້ນ, ແຕ່ຍັງລວມເຖິງເສດຖະກິດໂລກທັງໝົດ. ທັດສະນະຂອງລາວຖືກສະ ໜັບສະໜູນດ້ວຍຂໍ້ມູນຈິງ, ຈີນ ເປັນເສດຖະກິດໃຫຍ່ອັນ ດັບ 2 ຂອງໂລກ, ມີສ່ວນຮ່ວມປະມານ 30% ຂອງການຂະຫຍາຍຕົວເສດຖະກິດໂລກ ແລະ ເປັນຄູ່ຄ້າທີ່ໃຫຍ່ທີ່ສຸດຂອງຫຼາຍກວ່າ 150 ປະເທດ ແລະ ເຂດແຄ້ວນ.

        ທົບທວນບົດບາດຂອງວິສາຫະກິດຈາກຕ່າປະເທດ:  ຮູບແບບການພັດທະນາ “ການໝູນວຽນແບບຄູ່ວົງຈອນ” ຫຼື “dual circulation” ຂອງຈີນ ທີ່ມີຈຸດປະສົງເພື່ອຊຸກຍູ້ການບໍລິໂພກພາຍໃນ ແລະ ຮັກສາການເຊື່ອມໂຍງການຄ້າໂລກ. ບໍລິ ສັດຂ້າມຊາດຂະໜາດໃຫຍ່ຫຼາຍແຫ່ງເຄີຍເຫັນຈີນເປັນ “ສູນກາງການຜະລິດເພື່ອສົ່ງອອກ”, ແຕ່ຄວາມສຳຄັນທີ່ເພີ່ມຂຶ້ນຂອງການບໍລິໂພກພາຍໃນ ແລະ ຍົກລະດັບອຸດສາຫະກຳ ເຮັດໃຫ້ພວກເຂົາຕ້ອງທົບທວນແນວທາງ ຫຼື ທັດສະນະຂອງຕົນຄືນໃໝ່.

      ບໍລິສັດຈາກຕ່າງປະເທດຫຼາຍແຫ່ງເຄີຍເພິ່ງພາອາໄສຈີນເປັນແຫຼ່ງຜະລິດສຳລັບສົ່ງອອກ. ແຕ່ດຽວນີ້, ຈຸດໝາຍຕົ້ນຕໍຂອງພວກເຂົາຄືການ “ປັບຜະລິດຕະພັນໃຫ້ເໝາະສົມກັບຄວາມ ຕ້ອງການຜູ້ບໍລິໂພກພາຍໃນທ້ອງຖິ່ນ”. ການປ່ຽນແປງນີ້ບໍ່ພຽງສົ່ງຜົນຕໍ່ສິນຄ້າອຸປະໂພກ-ບໍລິໂພກ ເທົ່ານັ້ນ, ແຕ່ຍັງສົ່ງຜົນກະ ທົບຕໍ່ອຸດສາຫະ ກຳການຜະລິດລະດັບສູງ ແລະ ເຕັກໂນໂລຊີ ອີກດ້ວຍ. 

     ທ່ານ Ola Källenius, ປະທານຄະນະບໍລິຫານ Mercedes-Benz ກ່າວວ່າ: ການທີ່ Mercedes-Benz ປະສົບຄວາມສຳເລັດ ບໍ່ແມ່ນພຽງແຕ່ເນື່ອງຈາກຄວາມຕ້ອງການ, ແຕ່ຍ້ອນລະບົບນິເວດຕ່ອງໂສ້ການສະໜອງ ຂອງຈີນໄດ້ຮັບການພັດທະ ນາສູງ. “ພວກເຮົາຂັບເຄື່ອນດ້ວຍສູນວິໄຈ ແລະ ການພັດທະນາໃນປັກກິ່ງ ແລະ ຊຽງໄຮ້ ແລະ ຕ້ອງຂອບໃຈຄົນຊ່ຽວ ຊານ 2,000 ຄົນທີ່ດຳເນີນການຢູ່ສະເພາະທ້ອງຖິ່ນ. ພວກເຮົາໄດ້ຍົກລະດັບການພັດທະ ນາເຕັກໂນໂລຊີເຊື່ອມຕໍ່, ດິຈິຕອນ, ລະບົບຂັບເຄື່ອນອັດຕະໂນມັດ, ແລະ ການປ່ຽນແປງລົດໄຟຟ້າໃຫ້ກ້າວໜ້າ”.

 

     ທ່າອ່ຽງການລົງທຶນ ສະແດງຜົນຊັດເຈນກວ່າຄຳເວົ້າ:  ຈີນ ຍັງເປັນເສົາຄໍ້າຫຼັກທີ່ສຳຄັນຂອງການລົງທຶນໂລກ ເຊິ່ງບໍ່ພຽງແຕ່ເນື່ອງຈາກຂະໜາດຕະຫຼາດໃຫຍ່, ແຕ່ຍ້ອນການປະສົມປະສານລະຫວ່າງການຂະຫຍາຍຕົວຢ່າງຍືນຍົງ ແລະ ຄວາມສາມາດຄາດຄະເນທາງດ້ານເສດຖະກິດ. ໃນຍຸກທີ່ມີການປ່ຽນແປງຢ່າງວ່ອງໄວ, ນັກລົງທຶນບໍ່ພຽງຄົ້ນຫາຜົນຕອບແທນໃນໄລຍະສັ້ນ, ແຕ່ເນັ້ນຄວາມໝັ້ນຄົງໃນໄລຍະຍາວ ເຊິ່ງເປັນປັດໄຈສໍາຄັນທີ່ສະໜັບສະໜູນຄວາມໜ້າສົນໃຈຂອງຈີນ.

        ທ່ານ Ian Shih, ຮອງປະທານຝ່າຍພາກພື້ນຈີນໃຫຍ່ຂອງ Rockwell Automation ກ່າວວ່າ: ຫຼາຍກວ່າສາມທົດ ສະວັດຂອງການດຳເນີນທຸລະກິດໃນຈີນ, ພວກເຮົາໄດ້ພິສູດໃຫ້ເຫັນດ້ວຍຕົນເອງວ່າ ຄວາມມຸ້ງໝັ້ນຂອງຈີນຕໍ່ນະໂຍບາຍເປີດກວ້າງຍັງຄົງປົດລ໊ອກແຫຼ່ງນະວັດຕະກຳ. ພວກເຮົາໃຊ້ປະໂຫຍດຈາກຄວາມຊ່ຽວຊານລະດັບໂລກ ແລະ ການຮ່ວມມືກັບບໍລິສັດຈີນເພື່ອເລັ່ງການນຳໃຊ້ເຕັກໂນໂລຊີລຸ້ນໃໝ່ ເຊັ່ນ: ເທັກໂນໂລຊີຝາກຄູ່ດິຈິຕອນ (Digital Twins), ເຄືອຂ່າຍ 5G, ແລະ ປັນ ຍາປະດິດໃນລະບົບນິເວດອຸດສາຫະກຳ.

      ໂດຍບໍ່ຄິດເຖິງຄໍາເວົ້າໃດໆ ຈາກພາຍນອກ, ທຶນຮອນໃນທີ່ ສຸດກໍ່ຈະໄຫຼໄປຕາມໂອ ກາດໃນທີ່ສຸດ. ສຳລັບນັກລົງທຶນທີ່ສາ ມາດປັບຕົວໃຫ້ເຂົ້າກັບແນວທາງການປ່ຽນ ແປງຂອງຕະຫຼາດຂອງຈີນໄດ້, ຄວບຄຸມການປ່ຽນແປງທາງດ້ານອຸດສາຫະກໍາ ແລະ ສາມາດປັບຕົວໃຫ້ເຂົ້າກັບຕະຫຼາດທີ່ປ່ຽນແປງຂອງຈີນ ເຊິ່ງເປັນປະເທດອັນດັບໜຶ່ງໃນຈຸດໝາຍປາຍທາງຂອງການລົງທຶນທີ່ໜ້າສົນໃຈທີ່ສົນໃນທົ່ວໂລກ.

ຂ່າວ ບຸນຕຽງ

แชร์