ປີຜ່ານມາ ມູນຄ່າການຄ້າ ລາວ-ອັງກິດ ບັນລຸ 38,272,000 ໂດລາສະຫະລັດ

ປີຜ່ານມາ ມູນຄ່າການຄ້າ ລາວ-ອັງກິດ ບັນລຸ 38,272,000 ໂດລາສະຫະລັດ

ອີງຕາມຂໍ້ມູນຈາກກອງປະຊຸມຝຶກອົບຮົມກ່ຽວກັບສິດທິພິເສດທາງການຄ້າຂອງສະຫະຣາຊະອານາຈັກອັງກິດ ແລະ ລະບົບການຄ້າສໍາລັບປະເທດກໍາລັງພັດທະນາຈັດຂຶ້ນຢູ່ກະຊວງອຸດສາຫະກໍາ ແລະ ການຄ້າ, ນະຄອນຫລວງວຽງຈັນໃນທ້າຍເດືອນກຸມພາຜ່ານມານີ້ ໃຫ້ຮູ້ວ່າ: ສປປ ລາວ ໄດ້ມີການຮ່ວມມືທາງການຄ້າກັບຫຼາຍກວ່າ 60 ປະເທດໃນທົ່ວໂລກ, ໃນນັ້ນໄດ້ຮັບສິດທິພິເສດທາງການຄ້າຈາກ 42 ປະ ເທດ, ເຊິ່ງລວມທັງຣາຊະອານາຈັກອັງກິດ.

ສປປ ລາວ ແລະ ອັງກິດ ໄດ້ມີການພົວພັນການຄ້າລະຫວ່າງສອງປະເທດຢ່າງຕໍ່ ເນື່ອງພາຍໃຕ້ສິດທິພິເສດທີ່ໄດ້ຮັບ, ໃນນັ້ນ ມູນຄ່າການຄ້າສອງຝ່າຍໃນປີ 2024 ສາ ມາດບັນລຸໄດ້ 38,272,000 ໂດລາສະຫະລັດ, ໃນນີ້ ມີມູນຄ່າການ ນໍາເຂົ້າຈາກອັງກິດ 20,426,000 ໂດລາສະຫະລັດ ແລະ ສົ່ງອອກໄປອັງກິດ 17,866,000 ໂດລາສະຫະ ລັດ. ສິນຄ້າຫຼັກທີ່ ສປປ ລາວ ສົ່ງອອກໄປອັງກິດ ລວມມີສິນຄ້າປະເພດ: ເກີບ, ເຄື່ອງນຸ່ງຫົ່ມ, ນໍ້າຕານ, ໝວກ ແລະ ອື່ນໆ.ສ່ວນສິນຄ້າຫຼັກກທີ່ ສປປ ລາວ ນໍາເຂົ້້າຈາກອັງກິດ ລວມມີສິນຄ້າປະເພດ: ເຫຼົ້າ, ວາຍ, ເບຍ, ພາຫະນະ ແລະ ອື່ນໆ.

ສໍາລັບການຝຶກອົບຮົມດັ່ງກ່າວ ມີຈຸດປະສົງ ເພື່ອສ້າງຄວາມເຂົ້າໃຈກ່ຽວກັບລະ ບົບການຄ້າສໍາລັບປະເທດກໍາລັງພັດທະນາຂອງອັງກີດ, ຂັ້ນຕອນການແຈ້ງພາສີ ແລະ ເຄື່ອງມືການອໍານວຍຄວາມສະດວກຕ່າງໆ ສຳລັບການຄ້າກັບສະຫະຣາຊະອາ ນາຈັກອັງກິດໃຫ້ແກ່ພາກລັດ ແລະ ພາກທຸລະກິດ, ພ້ອມທັງເປັນເວທີໃນການແລກປ່ຽນຄໍາຄິດເຫັນກ່ຽວກັບຂໍ້ສະດວກ, ຂໍ້ຫຍຸ້ງຍາກໃນການດຳເນີນທຸລະກິດລະຫວ່າງ ສປປ ລາວ ແລະ ສະຫະຣາຊະອານາຈັກອັງກິດ.

ຂ່າວ: ກົມເຈລະຈາການຄ້າ ແລະ ຮ່ວມມືເສດຖະກິດສາກົນ, ກະຊວງອຸດສາຫະກໍາ ແລະ ການຄ້າ

แชร์