ສກຂ ຊຽງຂວາງ ພົບປະເຮັດວຽກນໍາມະຫາວິທະຍາໄລ ຫວຽດບັກ ແລະວິທະຍາໄລເສດຖະກິດທ້າຍຫວງຽນ

ພາຍຫຼັງທີ່ທ່ານ ບົວລີພັນ ນາວົງ ຫົວໜ້າພະແນກສຶກສາທິ ການ ແລະກີລາແຂວງ (ສກຂ) ຊຽງຂວາງສໍາເລັດພາລະກິດໃນ ການເຄື່ອນໄຫວເຮັດວຽກຢູ່ແຂວງ ຮ່າຕິ້ງ ສາທາລະນະລັດສັງຄົມນິຍົມຫວຽດນາມ (ສສ ຫວຽດນາມ) ໃນລະຫວ່າງວັນທີ 23-25 ເມສາຜ່ານມາ, ມາຮອດວັນທີ 26 ເມສາ 2019 ນີ້ທ່ານໄດ້ສືບຕໍ່ເຄື່ອນໄຫວ ເຮັດວຽກຢູ່ມະຫາວິທະຍາໄລ ຫວຽດບັກ ແລະວິທະຍາໄລເສດຖະກິດທ້າຍຫວງຽນ ແຂວງທ້າຍຫວງຽນ ເພື່ອພົບປະຢ້ຽມຢາມຄະ ນະນໍາຂອງສອງສະຖາບັນການສຶກສາ ແລະຖືໂອກາດພົບປະນັກ ສຶກສາແຂວງຊຽງຂວາງ.

ໂອກາດນີ້ທ່ານ ບົວລີ ພັນນາ ວົງ ໄດ້ຖືໂອກາດພົບປະໂອ້ລົມຕໍ່ນັກ ສຶກສາແຂວງຊຽງຂວາງທີ່ມາສຶກ ສາຕໍ່ມະຫາວິທະຍາໄລຫວຽດບັກ ແລະວິທະຍາໄລເສດຖະກິດທ້າຍຫວງຽນ ແຂວງທ້າຍຫວງຽນຖາມຂ່າວເຖິງຄວາມທຸກສຸກຂອງ ນັກຮຽນການສຶກສາຮໍ່າຮຽນແລະການດໍາລົງຊີວິດຕະຫຼອດໄລຍະທີ່ຜ່ານມາມີຂໍ້ສະດວກ ແລະຂໍ້ຫຍຸ້ງຍາກຄືແນວໃດເພື່ອຊອກຫາວິ ທີທາງຊ່ວຍເຫຼືອເຂົາເຈົ້າໃຫ້ມີກໍາລັງໃຈໃນການສືບຕໍ່ສຶກສາຮ່ໍ່າຮຽນ ແລະຮຽນໃຫ້ຈົບ,ພະແນກສຶກສາ ທິການ ແລະກີລາແຂວງພ້ອມທີ່ຈະໃຫ້ຄວາມຮ່ວມມືໃນການປະສານຕໍ່ຄະນະນໍາຂອງສອງສະຖະບັນ ການສຶກສາເພື່ອແກ້ໄຂປັນຫາທີ່ຫຍຸ້ງຍາກຊຶ່ງເປັນອຸປະສັກຕໍ່ການ ຮຽນຂອງລູກຫຼານນັກຮຽນໃຫ້ລຸ ລ່ວງໄປດ້ວຍດີ, ທ່ານຍັງໄດ້ຮຽກຮ້ອງໃຫ້ນັກສຶກສາທຸກຄົນຈົ່ງໃຊ້ ຄວາມພະຍາຍາມໃຊ້ຄວາມອົດທົນຕໍ່ການຮໍ່າຮຽນຍາດແຍ່ງເອົາຄວາມຮູ້ນໍາຄູອາຈານສອນໃຫ້ເຕັມ ເມັດເຕັມໜ່ວຍ,ປະຕິບັດຕາມກົດ ລະບຽບຂອງໂຮງຮຽນວາງອອກໃຫ້ເຂັ້ມງວດ,ຝຶກຝົນຫຼໍ່ຫຼອມຕົນເອງໃຫ້ກາຍເປັນນັກຮຽນດີນັກຮຽນເກັ່ງເປັນແບບຢ່າງໃຫ້ແກ່ໝູ່ ເພື່ອນເປັນລູກສິດທີ່ດີຂອງຄູອາ ຈານ, ພ້ອມກັນອົດທົນຕັ້ງໃຈຮໍ່າຮຽນນໍາເອົາຄວາມຮູ້ໄປພັດທະນາຕົນເອງ ແລະປະເທດຊາດໃນອະນາຄົດໃຫ້ເກີດຜົນປະໂຫຍດສູງສຸດ.

 

แชร์