ວຽງສະຫວັນ 2 ຊະນະເລີດ ຕີກອງດຸລິຍາງ ຂັ້ນນະຄອນຫຼວງ

ການແຂ່ງຂັນດັ່ງກ່າວແມ່ນ ຊາວໜຸ່ມນະຄອນຫຼວງຈັດແຂ່ງຂັນຕີກອງດຸລິຍາງ ທົ່ວນະຄອນ ຫຼວງວຽງຈັນ. ເພື່ອເປັນການສະເຫຼີມສະຫຼອງຂໍ່ານັບຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ, ວັນສ້າງຕັ້ງຄະ ນະຊາວໜຸ່ມປະຊາຊົນປະຕິວັດລາວຄົບຮອບ 64 ປີ ຕິດພັນກັບກອງ ປະຊຸມໃຫຍ່ 3 ຂັ້ນ ຂອງຊາວໜຸ່ມ ລາວ ບັນດາເຜົ່າຢ່າງເປັນຂະບວນ ຟົດຟຶ້ນ.

ການແຂ່ງຂັ້ນທີ່ເປັນຕົວແທນມາຈາກ 8  ຕົວເມືອງ ແລະ1 ໂຮງ ຮຽນເອກລາດລວມທັງໝົດ 11 ທີມ ມີຜູ້ເຂົ້າຮ່ວມແຂ່ງຂັນທັງໝົດ 165 ນ້ອງ ຜ່ານການແຂ່ງຂັນປະກົດວ່າ: ທິມຊະນະເລີດອັນດັບທີ 1 ໄດ້ແກ່ ທີມຈາກເມືອງຫາດຊາຍຟອງ ຊຶ່ງມາຈາກໂຮງຮຽນ ມສ ວຽງສະ ຫວັນ  2  ໄດ້ຮັບຂັນລາງວັນ 1  ໜ່ວຍພ້ອມເງິນສົດ 600.000 ກີບ, ອັນດັບທີ 2 ທີມ ຈາກເມືອງສີສັດຕະ ນາກ ໂຮງຮຽນ ມຕ  ນິລະດາ ຈອມເພັດ ໄດ້ຮັບຂັນລາງວັນ 1 ໜ່ວຍ ພ້ອມເງິນສົດ 500.000 ກີບ ອັນດັບ 3 ທີມ ຈາກເມືອງຈັນທະບູ ລີ ໂຮງຮຽນ ມຕ ສິນໄຊ ໄດ້ຮັບ ຂັນລາງວັນ 1 ໜ່ວຍ ພ້ອມເງິນສົດ 4 ແສນກີບ ແລະສໍາລັບພາກສ່ວນທີ່ເຂົ້າຮ່ວມແຂ່ງຂັນໃນຄັ້ງນີ້ແຕ່ລະທິມຍັງໄດ້ຮັບລາງວັນຊົມເຊີຍທີມລະ 2 ແສນກີບ.

ການແຂ່ງຂັນຈັດຂຶ້ນວັນທີ 27 ເມສາຜ່ານມາ ໂດຍຄະນະຊາວໜຸ່ມ ປປລ ນະຄອນຫຼວງວຽງຈັນ ໄດ້ຈັດກິດຈະກໍາແຂ່ງຂັນຕີກອງດຸລິຍາງ ປະຈຳປີ 2019 ທີ່ໂຮງຮຽນ ທິດສະດີການເມືອງ-ການປົກຄອງ ນະຄອນຫຼວງວຽງຈັນ ໂດຍການເປັນປະທານຂອງທ່ານ ນາງ  ສຸມາລີ  ທໍາມະວົງ ເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງ ວຽງຈັນ ມີທ່ານ ບຸນທ່ຽງ ຂຸນສີ ປະທານອົງການແນວລາວສ້າງ ຊາດນະຄອນຫຼວງວຽງຈັນ ທ່ານ ນາງ ແກ້ວອຸດອນ ແສງມະນີວົງ ຫົວໜ້າກົມເຍົາວະຊົນສູນກາງຊາວ ໜຸ່ມ  ປປລ  ມີບັນດາຄະນະຊາວໜຸ່ມ ເມືອງຄູ-ອາຈານ ແລະສະມາຊິກ ຊາວໜຸ່ມ-ເຍົາວະຊົນ 600 ກວ່າ ນ້ອງເຂົ້າຮ່ວມ.

ໂດຍ: ບຸນນິກ

แชร์