2 ອົງການປົກຄອງ ນະຄອນຫຼວງວຽງຈັນ-ມົດສະກູ ລົງນາມແຜນງານການຮ່ວມມື

ພິທີລົງນາມແຜນງານການຮ່ວມມືລະຫວ່າງ ອົງການປົກຄອງນະຄອນຫຼວງວຽງຈັນ ສປປ ລາວ ແລະ ອົງການປົກຄອງນະຄອນຫຼວງມົດສະກູ ສ ຣັດເຊຍ ຈັດຂຶ້ນວັນທີ 27 ກຸມພາ 2025 ທີ່ນະຄອນຫຼວງມົດສະກູ ໃນໂອກາດທີ່ຄະນະຜູ້ແທນຂັ້ນສູງ ນວ ຢ້ຽມຢາມ ແລະ ເຮັດວຽກຢູ່ນະຄອນຫຼວງມົດສະກູ ແລະ ນະຄອນເຊັນປີເຕີສະເບີກ ໃນວັນທີ 25 ກຸມພາ ຫາວັນທີ 6 ມີນາ 2025 ຮ່ວມລົງນາມລະຫວ່າງ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ແລະ ທ່ານ Sergey Cheremin ລັດຖະມົນຕີປະຈຳອົງການປົກຄອງນະຄອນຫຼວງມົດສະກູ ຜູ້ຊີ້ນຳວຽກພົວພັນສາກົນ ແລະ ເສດຖະກິດກັບພາຍນອກ ມີ ທ່ານ ສີພັນດອນ ອ້ວຍບົວບຸດດີ ເອກອັກຄະລັດຖະທູດລາວ ປະຈຳຣັດເຊຍ ທ່ານ Alexey Shaposhnikov ປະທານສະພາດູມານະຄອນຫຼວງມົດສະກູ ແລະ ການນໍາຂັ້ນສູງສອງນະຄອນຫຼວງເຂົ້າຮ່ວມ.

ເພື່ອພັດທະນາການພົວພັນສອງຝ່າຍທີ່ຕ່າງຝ່າຍຕ່າງມີຜົນປະໂຫຍດຮ່ວມກັນ ລະຫວ່າງຣັດເຊຍ ແລະ ລາວ ໂດຍຖືເອົາຄວາມສົນໃຈຮ່ວມກັນໃນການລົງເລິກ ແລະ ຂະຫຍາຍການພົວພັນຮ່ວມມືທີ່ໄດ້ມີການລົງນາມໃນແຜນງານການຮ່ວມມືຂອງສອງນະຄອນຫຼວງ ປີ 2025-2028 ຈຸດປະສົງຂອງແຜນງານນີ້ເພື່ອຜັນຂະຫຍາຍ ແລະ ເພີ່ມທະວີການຮ່ວມມືລະຫວ່າງສອງຝ່າຍໃນຂົງເຂດມໍລະດົກທາງວັດທະນະທຳວັດທະນະທຳ ການວາງແຜນຕົວເມືອງ ການປົກປັກຮັກສາສິ່ງແວດລ້ອມ ການທ່ອງທ່ຽວ ແລະ ກິລາ ການພັດທະນາອຸດສາຫະກຳ ແລະ ນະວັດຕະກຳ ການຄ້າ ເສດຖະກິດ ແລະ ການລົງທຶນ ລວມທັງການຈັດງານວາງສະແດງ ແລະ ກອງປະຊຸມໃຫ້ສອດຄ່ອງຕາມກົດໝາຍຂອງສອງຝ່າຍ ແລະ ສົນທິສັນຍາທີ່ສອງຝ່າຍເປັນພາຄີສອງຝ່າຍຈະຕັ້ງໜ້າປະຕິບັດການປະສານງານກິດຈະກຳການເຄື່ອນຂອງຕົນ ພາຍໃຕ້ແຜນງານການຮ່ວມມືນີ້ໃຫ້ຖືກຕ້ອງສອດຄ່ອງຕາມຂອບເຂດຂອງແຜນງານ ເພື່ອຮັບປະກັນການປະຕິບັດຖືກຕາມກົດໝາຍແລະມີປະສິດທິຜົນ ສອງຝ່າຍຈະຮ່ວມມືກັນໃນຂົງເຂດຄວາມສາມາດຂອງຕົນເປັນຕົ້ນດ້ານວັດທະນະທໍາ ແລະ ມໍລະດົກທາງວັດທະນະທໍາດ້ານການຊ່ວຍເຫຼືອພັດທະນາຕົວເມືອງດ້ານການປົກປັກຮັກສາສິ່ງແວດລ້ອມຕົວເມືອງດ້ານການທ່ອງທ່ຽວດ້ານການພັດທະນາອຸດສາຫະກໍາ ແລະ ນະວັດຕະກໍາ ດ້ານການພັດທະນາການພົວພັນການຄ້າ ແລະ ທຸລະກິດ ແລະດ້ານການພັດທະນາການຂົນສົ່ງສາທາລະນະ ແລະ ໂຄງສ້າງພື້ນຖານການຂົນສົ່ງທາງບົກ.
ທີ່ມາ: ວຽງຈັນໃໝ່

แชร์