Lao Telecom Group ຮ່ວມກັບ ບໍລິສັດ Moonton ເຈົ້າຂອງລິຂະສິດ "Mobile,Legend Bang Bang"

ໃນວັນທີ 25 ກຸມພາ 2025 ທີ່ Shanghai ປະເທດຈີນ ກຸ່ມບໍລິສັດ ລາວໂທລະຄົມ ຜູ້ໃຫ້ບໍລິການເຄືອຂ່າຍມືຖືອັນດັບໜຶ່ງຂອງປະເທດລາວ ໄດ້ມີການລົງນາມຄວາມຮ່ວມມືເພີ່ມຕື່ມ ໃນລະດັບຍຸດທະສາດ, ການບໍລິການ ແລະ ການຕະຫຼາດ ຮ່ວມກັບ ບໍລິສັດ Moonton ຜູ້ເປັນເຈົ້າຂອງລິຂະສິດ Mobile Legend BangBang ຫຼື MLBB, ຕາງໜ້າໂດຍ ທ່ານ ນິວັດ ເຢັນກາຍ ຮອງຜູ້ອໍານວຍການໃຫຍ່ຂະແໜງການຕະຫຼາດ-ການຂາຍ ບໍລິສັດ ລາວໂທລະຄົມມະນາຄົມ ມະຫາຊົນ ແລະ ບໍລິສັດ ທີພລັດ ພ້ອມດ້ວຍ ທ່ານ ຈັນທະລາ ບຸນນະຜົນ ຮອງຜູ້ອໍານວຍການ ບໍລິສັດ ລາວໂມບາຍມັນນີ ແລະ ຫົວໜ້າ ພະແນກ ການຕະຫຼາດ ແລະ ການຂາຍ, ເພື່ອເປີດໂອກາດໃຫ້ລູກຄ້າຂອງ ກຸ່ມບໍລິສັດ ລາວ ໂທລະຄົມ ໄດ້ເຂົ້າເຖິງໂລກຂອງກິລາອີສະປອດຢ່າງເຕັມຮູບແບບ ໂດຍການນຳໃຊ້ຜະລິດຕະພັນ ແລະ ບໍລິການທີ່ຊ່ວຍເສີມສ້າງພັດທະນາການໃຫ້ກັບນັກກິລາອີສະປອດໃນອານາຄົດ.

ການຮ່ວມມືໃນຄັ້ງນີ້ເປັນບາດກ້າວທີ່ສຳຄັນໃນການສ້າງເວທີທີ່ສະໜັບສະໜູນກຸ່ມຊາວໜຸ່ມທີ່ມີຄວາມສົນໃຈໃນການເພີ່ມທັກສະກິລາ e-sports ໂດຍການແນະນໍາຜະລິດຕະພັນ Sim Card & Internet Package ຂອງບໍລິສັດ ລາວ ໂທລະຄົມມະນາຄົມ ມະຫາຊົນ ເຄືອຂ່າຍອັນດັບ 1 ຂອງຄົນລາວ ເເລະ Tplus ເພື່ອເສີມຂະຫຍາຍ ຍຸດທະສາດຮອບດ້ານ ຕາມແຜນການຮ່ວມກັບ ສະຫະພັນກິລາອີສະປອດແຫ່ງຊາດລາວ ແລະ ບັນດາຄູ່ຮ່ວມງານທາງກົງ ກໍ່ຄື Esport game publishers ໃນການປັບປຸງຄຸນະພາບການບໍລິການ, ເພີ່ມຜະລິດຕະພັນຕໍ່ຍອດ ສະໜັບສະໜູນວຽກງານອີສະປອດ ແລະ ໃຫ້ຜູ້ຫຼິ້ນໄດ້ສຳພັດກັບປະສົບການໃໝ່ໆທີ່ດີກວ່າເກົ່າ.

ຈຸດປະສົງຂອງສັນຍາດັ່ງກ່າວ ກໍ່ເພື່ອເພີ່ມປະສົບການທີ່ດີໃນການຫຼິ້ນ ແລະ ຝຶກຊ້ອມອີສະປອດປະເພດ MLBB ໃນສັນຍານທີ່ດີຂຶ້ນ, ເເບບບໍ່ສະດຸດ, ເພີ່ມຜະລິດຕະພັນການຊື້ In game Item, Diamonds ແລະ ອື່ນໆ ທີ່ລູກຄ້າສາມາດ ຊຳລະຈ່າຍຜ່ານຖັງ Balance ເບີຂອງ ລາວ ໂທລະຄົມ ເເລະ ກະເປົາເງິນເທິງມືຖື Money X ທີ່ຈະເປັນການອໍານວຍຄວາມສະດວກໃຫ້ແກ່ລູກຄ້າກຸ່ມບໍລິສັດ ລາວໂທລະຄົມ, ນອກນັ້ນ ຍັງມີແຜນຮ່ວມກັນ ດ້ານການຕະຫຼາດ, Event ຕ່າງໆ ແລະ ການສົ່ງເສີມ ກິດຈະກຳການຈັດການແຂ່ງຂັນອີສະປອດ ທັງພາຍໃນ ແລະ ຕ່າງປະເທດເປັນຕົ້ນ ລະດັບພາກພື້ນ ແມ່ນ້ຳຂອງ ຫຼື MCCM ເຊິ່ງຈະຊ່ວຍໃຫ້ຜູ້ໃຊ້ສາມາດເຂົ້າເຖິງອິນເຕີເນັດຄວາມໄວສູງສໍາລັບການແຂ່ງຂັນ ເເລະ ເພື່ອເປັນການນໍາໃຊ້ເຄື່ອງມືພັດທະນາທັກສະໃນການເປັນນັກກິລາ e-sports.

ກຸ່ມບໍລິສັດລາວໂທລະຄົມ ພວກເຮົາຮູ້ເປັນກຽດທີ່ຮ່ວມມືກັບ Moonton ເຈົ້າຂອງລິຂະສິດ Mobile Legend Bang Bang ເພື່ອນຳເອົາທັກສະການເປັນນັກກິລາ ອີສະປອດ ຂອງພວກເຂົາໃຫ້ກ້າວໄປອີກລະດັບຫນຶ່ງ ແລະ ໄດ້ຮ່ວມເປັນສ່ວນຫນຶ່ງຂອງຕົວແທນນັກກິລາລາວທີ່ຜັກດັນກິລາອີສະປອດສູ່ລະດັບສາກົນ.

#LaoTelecom
#LaoTelecom5G
#Wearefamily
#Laotelecomgroup
#ລາວໂທລະຄົມເຄືອຂ່າຍອັນດັບ1ຂອງຄົນລາວ
#LaoTelecomNo1inLaos

แชร์