ຫາລືໂຄງການພັດທະນາຊີວະນາໆພັນ ໃຫ້ກາຍເປັນສິນຄ້າແບບຍືນຍົງ

  ກອງປະຊຸມໂຄງການພັດທະນາຊີວະນາໆພັນໃຫ້ກາຍເປັນສິນຄ້າແບບຍືນຍົງໄດ້ອັດລົງຢ່າງເປັນທາງການໃນວັນທີ 26 ເມສາຜ່ານມາ ຢູ່ທີ່ຫ້ອງປະຊຸມໂຮງ ຮຽນການເມືອງການປົກຄອງແຂວງຫຼວງນໍ້າທາ ສປປ ລາວ ໂດຍການເປັນປະທານຂອງທ່ານ ຄຳໄຫຼ ສີປະເສີດ ຫົວໜ້າພະແນກກະສິກຳ ແລະ ປ່າໄມ້ແຂວງ, ມີ ທ່ານ ສາຍສະໝອນ ໂພທິສັດ ຮອງຫົວໜ້າກົມປ່າໄມ້ກະຊວງກະສິກຳ ແລະ ປ່າໄມ້, ທ່ານ ນາງ ຊີລາ ເວີກາຣາ ຕາງໜ້າສູນຊີວະນາໆ ພັນອາຊຽນ, ຫົວ ໜ້າ-ຮອງຫົວໜ້າ ຂະແໜງການທີ່ກ່ຽວຂ້ອງ ແລະ ປະຊາຊົນບ້ານເປົ້າໝາຍເຂົ້າຮ່ວມ.

  ທ່ານ ສຸວັນເພັງ ພົມມະສານ ຜູ້ປະສານງານໂຄງການລະດັບຊາດໃຫ້ຮູ້ວ່າ: ໂຄງການພັດທະນາຊີວະນາໆພັນໃຫ້ກາຍເປັນສິນຄ້າແບບຍືນຍົງ ( BBP ) ເປັນໂຄງການຮ່ວມມືຂອງອາຊຽນທາງດ້ານການສົ່ງເສີມສ້າງລາຍຮັບທີ່ຕິດພັນກັບການອະນຸລັກຊີວະນາໆພັນແບບຍືນຍົງຊຶ່ງໂຄງການດັ່ງກ່າວໄດ້ທົດລອງຈັດຕັ້ງປະຕິບັດຢູ່ໃນ 3 ປະເທດຄື: ລາວ, ຫວຽດນາມ ແລະກຳປູເຈຍ, ປະເທດລາວໄດ້ຂັດເລືອກເອົາ 4 ບ້ານເປົ້າໝາຍທີ່ນອນຢູ່ໃນ 2 ເມືອງຄື: ເມືອງ ຫຼວງນໍ້າທາ ແລະ ເມືອງນາແລ.ເພື່ອທົດລອງຈັດຕັ້ງປະຕິບັດກິດຈະກຳສົ່ງເສີມການສ້າງມູນຄ່າເພີ່ມໄມ້ປ່ອງ ແລະໂຄງການນີ້ເປັນໂຄງການລະດັບອາຊຽນ, ໄດ້ຮັບການສະໜັບສະໜຸນທືນຈາກກະຊວງຮ່ວມມືທາງດ້ານເສດຖະກິດຂອງປະເທດເຢຍລະມັນໂດຍຜ່ານອົງການພັດທະນາລະຫວ່າງ GIZ ຈຸດປະສົງຕົ້ນຕໍຂອງໂຄງການແມ່ນແນໃສ່ສົ່ງເສີມໃຫ້ແກ່ປະຊາຊົນດຳລົງຊີວິດຢູ່ໃນເຂດກັນຊົນຂອງປ່າສະຫງວນມໍລະດົກອາຊຽນຂອງແຕ່ລະປະເທດຮູ້ຈັກນຳເອົາຊັບພະຍາ ກອນທຳມະຊາດທີ່ມີທ່າແຮງມາຜະລິດເປັນສິນຄ້າແບບຍືນຍົງ ແລະຮູ້ຈັກການປົກປັກຮັກສາຊັບພະຍາກອນທຳມະຊາດທີ່ມີຢູ່ຢ່າງຈຳກັດໃຫ້ນຳໃຊ້ໄດ້ຢ່າງຍາວນານ,  ໂຄງການ ( BBP )ໄດ້ຈັດຕັ້ງປະຕິບັດກິດຈະກຳຢູ່ປະເທດລາວໂດຍໄດ້ເນັ້ນໜັກໃສ່ພັດທະນາຕ່ອງໂສ້ງມູນຄ່າເພີ່ມໄມ້ປ່ອງຮ່ວມກັບຊຸມຊົນທີ່ຢູ່ອ້ອມຂ້າງປ່າສະຫງວນແຫ່ງຊາດນໍ້າຫ້າມໍລະດົກອາຊຽນເຊີ່ງໄດ້ຊ່ວຍໃນການສ້າງຄວາມເຂັ້ມແຂງທາງດ້ານເສດຖະກິດ ແລະອະນຸລັກປົກປັກຮັກສາຊີວະນາໆພັນໄປພ້ອມ.

  ໂຄງການນີ້ໄດ້ລິເລີມຈັດຕັ້ງປະຕິບັດມາແຕ່ເດືອນກຸມພາ 2017 ຈົນຮອດປະຈຸບັນໂຄງການໃຫ້ການສະໜັບສະໜຸນ 4 ບ້ານເປົ້າໝາຍພາຍໃນ 2 ເມືອງຄື: ເມືອງຫຼວງນໍ້າທາ ແລະເມືອງນາແລ, ປະກອບມີ 8 ກຸ່ມຜູ້ຜະລິດ ມີສາມະຊິກ 96 ຄົນ, ມີເນື້ອທີ່ດີນ 7 ພັນກວ່າເຮັກຕາ, ເນື້ອທີ່ປ່າໄມ້ປ່ອງ 180 ແຮັກຕາ ແລະສ້າງລາຍຮັບໃຫ້ບ້ານຈາກການຂາຍຜະລິດຕະພັນຫັດຖະກຳ-ເຟີນີເຈີແຕ່ປີ 2017 -2019 ໄດ້ 93 ລ້ານກວ່າກີບ, ທັງນີ້ກໍ່ເພື່ອເປັນການປະກອບສ່ວນເຂົ້າໃນການຫຼຸດຜ່ອນຄວາມທຸກຍາກ ແລະສົ່ງເສີມພັດທະນາໄມ້ປ່ອງທຳມະຊາດແບບຍືນຍົງ, ວາງແຜນເກັບກູ້ໄມ້ປ່ອງທຳມະຊາດທີ່ຢູ່ກັນຊົນຂອງປ່າສະຫງວນນໍ້າຫ້າມໍລະດົກອາຊຽນໂດຍເນັ້ນໜັກໃສ່ການພັດທະນາວີທີການເພີ່ມມູນ ຄ່າຕາມກົນໄກການຕະຫຼາດ, ເຮັດໃຫ້ປະຊາຊົນເກັບກູ້ໄມ້ປ່ອງແບບຍືນຍົງ ແລະ ເປັນມິດກັບສີ່ງແວດລ້ອມທີ່ຕິດພັນກັບການປັບປຸງຊີວີດການເປັນຢູ່ຂອງປະຊາຊົນ, ໄລຍະຜ່ານທາງໂຄງການກໍ່ໄດ້ຊ່ວຍປະຊາຊົນຜູ້ທີ່ທຸກຫຍາກໃນດ້ານການຮັບປະກັນທາງດ້ານສະບຽງອາຫານ ແລະການສ້າງລາຍຮັບແບບຍືນຍົງ, ເພື່ອຫຼຸດຜ່ອນການເຂົ້າໄປບຸກລຸກ ແລະຖາງປ່າປູກພືດກະສິກຳ ແລະ ອື່ນໆ.

ໂດຍ: ກິ່ນນາລົມ

แชร์