ໄຟຟ້າຫົງສາ ສະໜັບສະໜູນໂຄງການພັດທະນາເສດຖະກິດ ແລະສັງຄົມ 3 ເມືອງ

ໄຟຟ້າຫົງສາ ໄດ້ລົງນາມບັນທຶກຂໍ້ຕົກລົງຄວາມເຂົ້າໃຈ (MOU) ແຜນການສະໜັບສະໜູນການດໍາເນີນໂຄງການພັດທະນາເສດຖະກິດ ແລະສັງຄົມຂອງເມືອງຫົງສາ, ເມືອງເງິນ ແລະເມືອງຊຽງຮ່ອນ ປີ 2025 ລວມເປັນເງິນມູນຄ່າ 9 ລ້ານບາດ.

ບໍລິສັດ ໄຟຟ້າ ຫົງສາ ຈໍາກັດ ຮ່ວມກັບ ຄະນະອໍານາດການປົກຄອງເມືອງຫົງສາ, ເມືອງເງິນ ແລະເມືອງຊຽງຮ່ອນ ແຂວງຈັດພິທີລົງນາມບັນທຶກຂໍ້ຕົກລົງຄວາມເຂົ້າໃຈ (MOU) ແຜນການສະໜັບສະໜູນການດໍາເນີນໂຄງການພັດທະນາເສດຖະກິດ ແລະ ສັງຄົມ ຂອງເມືອງຫົງສາ, ເມືອງເງິນ ແລະເມືອງຊຽງຮ່ອນ ປີ 2025 ລວມເປັນເງິນມູນຄ່າ 9 ລ້ານບາດ ບົດບັນທຶກດັ່ງກ່າວ ເປັນບັນທຶກຂໍ້ຕົກລົງຄວາມເຂົ້າໃຈ ລະຫວ່າງ ບໍລິສັດ ໄຟຟ້າ ຫົງສາ ຈໍາກັດ ແລະເມືອງຫົງສາ, ເມືອງເງີນ ແລະ ເມືອງຊຽງຮ່ອນ ໂດຍມີຈຸດປະສົງເພື່ອໃຫ້ ການສະໜັບສະໜູນງົບປະມານໃນການດໍາເນີນງານພັດທະນາເມືອງ, ພັດທະນາໂຄງສ້າງໃນດ້ານຕ່າງໆ ຕາມແຜນພັດທະນາຂອງແຕ່ລະເມືອງຕໍ່ໄປ.

ໃນວັນທີ 11 ກຸມພາ 2025 ພິທີຈັດຂຶ້ນທີ່ຫ້ອງວ່າການປົກຄອງເມືອງເງິນໂດຍການເປັນປະທານຮ່ວມຂອງທ່ານ ທະວີສັກ ໄຊຍະວົງ ເລຂາພັກເມືອງ ເຈົ້າເມືອງ ເມືອງເງິນ ແລະທ່ານ ຄະທາຍຸດ ຊູພູນ ຜູ້ອຳນວຍການໃຫ່ຍ ບໍລິສັດ ໄຟຟ້າ ຫົງສາ ຈຳກັດ ໂດຍເງິນສະໜັບສະໜູນຕາມແຜນພັດທະນາເມືອງທີ່ມອບໃຫ້ກັບເມືອງເງິນ ເປັນເງິນມູນຄ່າ 3 ລ້ານບາດ.

ໃນວັນທີ 13 ກຸມພາ 2025 ພິທີຈັດຂຶ້ນທີ່ຫ້ອງການປົກຄອງເມືອງຫົງສາ ໂດຍການເປັນປະທານຮ່ວມຂອງທ່ານ ພອນສະຫວັນ ໄຊສົມພັນ ເລຂາພັກເມືອງເຈົ້າເມືອງ ເມືອງຫົງສາ ແລະທ່ານ ຄະທາຍຸດ ຊູພູນ ຜູ້ອຳນວຍການໃຫ່ຍ ບໍລິສັດ ໄຟຟ້າ ຫົງສາ ຈຳກັດ ໃຫ້ເງິນສະໜັບສະໜູນຕາມແຜນພັດທະນາເມືອງທີ່ມອບໃຫ້ກັບເມືອງຫົງສາ ເປັນເງິນມູນຄ່າ 5 ລ້ານບາດ.

ໃນວັນທີ 14 ກຸມພາ 2025 ພິທີຈັດຂຶ້ນທີ່ຫ້ອງວ່າການປົກຄອງເມືອງຊຽງຮ່ອນໂດຍການເປັນປະທານຮ່ວມຂອງ ທ່ານ ແສງອາທິດ ລາວເບຼຍຢາທໍ່ ເລຊາພັກເມືອງ ເຈົ້າເມືອງ ເມືອງຊຽງຮ່ອນ ແລະທ່ານ ສຸລະວຸດ ໂກສິນຕະກູນໄຊ ຮອງຜູ້ອໍານວຍການໃຫຍ່ບໍລິສັດ ໄຟຟ້າຫົງສາ ຈໍາກັດ ສາຍງານໂຮງໄຟຟ້າໂດຍເງິນສະໜັບສະໜູນຕາມແຜນພັດທະນາເມືອງທີ່ມອບໃຫ້ກັບເມືອງຊຽງຮ່ອນເປັນເງິນມູນຄ່າ 1 ລ້ານບາດ.

แชร์