ເປີດໃຫ້ບໍລິການແລ້ວ ໂຊກທະວີ ສາຂາ ດອນໝູນ

ເພື່ອເປັນການຕອບສະໜອງຄວາມຮຽກຮ້ອງຕ້ອງການຂອງຕະຫຼາດ ຄືສັງຄົມປະຈຸບັນໃຫ້ມີການບໍລິການທົ່ວເຖິງ ໃນວັນທີ 31 ມັງກອນ 2025 ໂຊກທະວີ ເປີດໃຫ້ບໍລິການສາຂາ ທີ 13 ດອນໝູນ ໃຫ້ກຽດເປັນປະທານເປີດງານຂອງທ່ານ ໂຊກທະວີ ຫຼວງລາດ ປະທານບໍລິສັດ ໂຊກທະວີ ການຄ້າ ຂາອອກ-ຂາເຂົ້າ ຈຳກັດຜູ້ດຽວ, ທ່ານ ນາງ ຄຳຜົງ ຫຼວງລາດ ຮອງປະທານ ບໍລິສັດ ການຄ້າ, ທ່ານ ສິນທະນູ ຈັນທະສຸກ ຜູ້ອຳນວຍການໃຫຍ່ ບໍລິສັດ ໂຊກທະວີ ການຄ້າ, ທ່ານ ນາງ ກິດຕິຍາ ຫຼວງລາດ ຜູ້ອຳນວຍການຝ່າຍການຄ້າ ພ້ອມດ້ວຍພະນັກງານພາຍໃນ ບໍລິສັດ ໂຊກທະວີ ການຄ້າ ແລະ ພາກສ່ວນກ່ຽວຂ້ອງເຂົ້າຮ່ວມ.

ເນື່ອງຈາກວ່າ ທາງໂຊກທະວີ ການຄ້າ ຢາກນຳສະເໜີ ປະສົບການໃໝ່ ການຊື້ສີນຄ້າໃຫ້ມີຄວາມແຕກຕ່າງຈາກ Super market  ແລະ mini Super market ທົ່ວໄປ ເຊີ່ງຈັດຢູ່ໃນຄອນເຊັບຂອງໂຊກທະວີ ທີ່ເປັນຫຼາຍກວ່າຮ້ານຄ້າ ບໍ່ວ່າຈະເປັນພື້ນທີ່ດ້ານນອກ ທີ່ເນັ້ນໃຫ້ມີຄວາມກວ້າງ ແລະ ສະດວກສະບາຍ, ມີພື້ນທີ່ຈອດລົດຂອງລູກຄ້າ ແລະ ພື້ນທີ່ດ້ານໃນຈັດຕົບແຕ່ງໃຫ້ມີຄວາມທັນສະໄໝ, ເນັ້ນຄັດສັນສີນຄ້າທີ່ດີ ແລະ ມີຄຸນນະພາບ ພ້ອມທັງຕົບແຕ່ງໂຊນສີນຄ້າໃຫ້ມີຄວາມຫຼາກຫຼາຍ ເພື່ອໃຫ້ມີຄວາມໜ້າສົນໃຈ ບໍ່ວ່າຈະເປັນອາຫານສົດ, ອາຫານແຫ້ງ ແລະ ເຄື່ອງໃຊ້ພາຍໃນຄົວເຮືອນ ພ້ອມດ້ວຍອຸປະກອນເອເລັກໂທຣນິກ, ສີນຄ້າເພື່ອສຸຂະພາບ ແລະ ຄວາມງາມ ນອກນັ້ນຍັງມີ ບໍລິການເສີມຕ່າງໆອີກຫຼາກລາຍ ເຊັ່ນ: ຮ້ານກາເຟ kiss cafe, ຮ້ານຄໍາໂຊກທະວີ, ຮ້ານ Mala Hotpot,ຈຸດສາກລົດໄຟຟ້າ loca ແລະ ຮ້ານພາຍໃນ - ພາຍນອກຫຼາຍກວ່າ 10 ຮ້ານ ໂດຍຍັງຄົງຮັກສານິຍາມຂອງ ໂຊກທະວີ ຕາມສະໂລແກນທີ່ວ່າ : ຄົບ ຖືກ ດີ ມາທີ່ໂຊກທະວີເທົ່ານັ້ນ.

ຮ້ານ ໂຊກທະວີ ( ເຈ້ຜົງ ) ຕັ້ງຢູ່ບ້ານ ດອນໜູນ, ເມືອງໄຊທານີ, ນະຄອນຫຼວງວຽງຈັນ, ຖະໜົນໄກສອນພົມວິຫານ. ບໍລິສັດໂຊກທະວີ ( ເຈ້ຜົງ )ໄດ້ເປີດດຳເນີນທຸລະກິດ ຂາຍເຄື່ອງອຸປະໂພກ ບໍລິໂພກ ພ້ອມທັງຂາຍສົ່ງ-ຂາຍຍ່ອຍທົ່ວໄປ ຈົນນັບມື້ນັບຜັນຂະຫຍາຍຕົວຂື້ນເລື່ອຍໆ. ຈົນດຳເນີນທຸລະກິດມາຮອດປັດຈຸບັນນີ້ ກໍເປັນປີທີ 16 ຂອງບໍລິສັດ ໂຊກທະວີ ການຄ້າ ຂາອອກ-ຂາເຂົ້າ ຈຳກັດ ຜູ້ດຽວ

ບໍລິສັດ ໂຊກທະວີ ການຄ້າ ຂາອອກ-ຂາເຂົ້າ ຈຳກັດຜູ້ດຽວ ເປັນທຸລະກິດສະໜອງ ເຄື່ອງອຸປະໂພກບໍລິໂພກ ພ້ອມທັງຂາຍສົ່ງ ແລະ ຂາຍຍ່ອຍ ທັງໄດ້ເປີດເປັນ Super market ແຕ່ປີ 2018 ເປັນຕົ້ນມາ ເຊີ່ງປັດຈຸບັນ ບໍລິສັດ ໂຊກທະວີ ການຄ້າ ໄດ້ເປີດໃຫ້ບໍລິການທັງໝົດ 13 ສາຂາ ທົ່ວນະຄອນຫຼວງວຽງຈັນ ເຊີ່ງມີ: ສາຂາ ໜອງວຽງຄຳ, ສາຂາ ທົ່ງຂັນຄຳ, ສາຂາ  ໜອງປີງ, ສາຂາ  ທ່າງ່ອນ, ສາຂາ ໜອງບອນ, ສາຂາ ວັງຊາຍ, ສາຂາ ວຽງຈັນເຊັນເຕີ, ສາຂາ ຈອມມະນີ, ສາຂາ ດອນແດງ, ສາຂາ ຄຳສະຫວາດ, ສາຂາ ໜອງບົວທອງ ແລະ ສາຂາ ໃໝ່ດອນໜູນ.

แชร์