ບໍລິສັດ ພູເບ້ຍ ມາຍນິງ ສະຫຼອງປີໃໝ່ຈີນດ້ວຍຄໍາອວຍພອນສໍາລັບປີແຫ່ງຄວາມຈະເລີນຮຸ່ງເຮືອງໃນຕໍ່ໜ້າ  

ບໍລິສັດ ພູເບ້ຍ ມາຍນິງ, ຊຶ່ງຖືກໍາມະສິດໂດຍກຸ່ມບໍລິສັດ ກວ່າງດົງ ຣາຍຊິງ ໂຮລດິງ ກຼຸບ (GDRH), ຍິນດີຮ່ວມສະເຫຼີມສະຫຼອງປີມະເສັງຂອງຈີນ, ເຊິ່ງເປັນປີທີ່ເຕັມໄປດ້ວຍການປ່ຽນແປງ, ເຕີບໂຕ ແລະ ໂອກາດໃໝ່ຕ່າງໆ. ປີມະເສັງນີ້, ແມ່ນເຫດການສໍາຄັນໃນວັດທະນາະທໍາຈີນ, ເປັນໄລຍະທີ່ເຕັມໄປດ້ວຍພະລັງແຫ່ງການສະທ້ອນຜົນງານ, ການເລີ້ມຕົ້ນໃໝ່ ແລະ ກໍານົດເຈດຈໍານົງທີ່ດີສໍາລັບອະນາຄົດ. 

ໃນປະເພນີຈີນ, ມະເສັງແມ່ນຕົວແທນຂອງສະຕິປັນຍາ, ແນວຄິດຍຸດທະສາດ ແລະ ຄວາມເຂັ້ມແຂງ. ຮູ້ຄວາມສາມາດໃນການປັບຕົວກັບການປ່ຽນແປງ ແລະ ເອົາຊະນະຄວາມທ້າທາຍຕ່າງໆ, ມະເສັງແມ່ນສັນຍາລັກຂອງຄວາມເຂັ້ມແຂງ, ມີການແກ້ໄຂບັນຫາໄດ້ດີ ແລະ ວາງແຜນຢ່າງຮັດກຸມ. ປີມະເສັງ ຊຸກຍູ້ໃຫ້ບຸກຄົນ ແລະ ການຈັດຕັ້ງຕ່າງໆ ສະທ້ອນປະສົບການຜ່ານມາ, ຮຽນຮູ້ຈາກປະສົບການດັ່ງກ່າວ, ແລະ ກໍາລັງກ້າວເຂົ້າສູປີນີ້ ໂດຍມີຈຸດປະສົງແຫ່ງການເລີ້ມຕົ້ນໃໝ່ ແະລະ ການກໍານົດໃນຕໍ່ໜ້າ.

ສໍາລັບບໍລິສັດ ພູເບ້ຍ ມາຍນິງ, ປີມະເສັງເປັນເວລາສະເຫຼີມສະຫຼອງການເຕີບໂຕ ແລະ ຈະເລີນກ້າວໜ້າຢ່າງຕໍ່ເນື່ອງຂອງໂຄງການພວກເຮົາຢູ່ລາວ, ຄຽງຄູ່ກັນນັ້ນກໍ່ເນັ້ນຢໍ້າຄວາມມຸ້ງໝັ້ນຂອງບໍລິສັດຕໍ່ຜູ້ຖືຮຸ້ນຂອງພວກເຮົາ, ຄຸນນະທໍາຂອງ GDRH: ການສຸມໃສ່, ການລົງມືປະຕິບັດ, ນະວັດຕະກໍາ, ເຕັກໂນໂລຊີ ແລະ ເອົາຄົນເປັນທີ່ຕັ້ງ. ຄຸນນະທໍາເຫຼົ່ານີ້ຊ່ວຍໃຫ້ບໍລິສັດ ພູເບ້ຍ ມາຍນິງ ສາມາດສືບຕໍ່ເຮັດວຽກຢ່າງຍືນຍົງ, ດ້ວຍນະວັດຕະກໍາໃໝ່ ແລະ ສືບຕໍ່ສຸມໃສ່ໂຄງການພັດທະນາຊຸມຊົນທີ່ຊະນະເລີດລາງວັນຂອງພວກເຮົາ. ນອກຈາກນັ້ນ, ປີມະເສັງກໍ່ເປັນໂອກາດໜຶ່ງທີ່ຈະຮັບຮູ້ສາຍພົວພັນອັນແໜ້ນແຟ້ນລະຫວ່າງລາວ-ຈີນ, ຊຶ່ງສ້າງຮາກຖານຄວາມສໍາເລັດຂອງບໍລິສັດ. ໃນຂະນະທີ່ພວກເຮົາກໍາລັງກ້າວເຂົ້າສູ່ປີໃໝ່ນີ້, ພວກເຮົາແນ່ໃສ່ໃຊ້ພະລັງຈາກປີມະເສັງ, ໂດຍນໍາໃຊ້ເປັນທິດຊີ້ນໍາໃຫ້ຄວາມພະຍາຍາມຂອງພວກເຮົາໃນການສ້າງຜົນດີທີ່ຍືນຍົງໃຫ້ປະຊາຊົນລາວ ແລະ ປະກອບສ່ວນເຂົ້າໃນການເຕີບໂຕດ້ານເສດຖະກິດຂອງປະເທດ.  

ສ່ວນໜຶ່ງໃນການສະເຫຼີມສະຫຼອງຂອງພວກເຮົາ, ບໍລິສັດ ພູເບ້ຍ ມາຍນິງ ຂໍສະແດງຄວາມຮູ້ບຸນຄຸນມາຍັງລັດຖະບານແຫ່ງ ສປປ ລາວ, ປະຊາຊົນລາວ ແລະ ພະນັກງານທີ່ມຸ້ງໝັ້ນຂອງພວກເຮົາທຸກຄົນ. ການສະໜັບສະໜູນຂອງທ່ານໄດ້ຊ່ວຍເຂົ້າໃນຄວາມສໍາເລັດຂອງພວກເຮົາ, ແລະ ພວກເຮົາຕ້ອງການສືບຕໍ່ເດີນທາງໄປພ້ອມກັນ, ສົມທົບແໜ້ນກັບຄວາມທ້າທາຍ ແລະ ໂອກາດຕ່າງໆທີ່ປີມະເສັງຈະນໍາມາໃຫ້.

ພວກເຮົາຂໍອວຍພອນໃຫ້ທຸກຄົນຈົ່ງມີແຕ່ຄວາມຈະເລີນຮຸ່ງເຮືອງ, ສຸຂະພາບແຂງແຮງ ແລະ ມີຄວາມສາມັກຄີປອງດອງກັນ. ຂໍໃຫ້ສະຕິປັນຍາ ແລະ ຄວາມເຂັ້ມແຂງຂອງປີມະເສັງ ນໍາພາພວກເຮົາໄປເຖິງອະນາຄົດທີ່ສົດໃສ, ເຕັມໄປດ້ວຍການເຕີບໂຕ, ຜົນສໍາເລັດ ແລະ ບັນລຸຜົນຮ່ວມກັນ. 

ກ່ຽວກັບບໍລິສັດ ພູເບ້ຍ ມາຍນິງ

ບໍລິສັດ ພູເບ້ຍ ມາຍນິງ ແມ່ນບໍລິສັດບໍ່ແຮ່ຊັ້ນນໍາຢູ່ລາວ, ຊຶ່ງຖືກໍາມະສິດໂດຍບໍລິສັດ ແພນອອສ໌, ເປັນບໍລິສັດທີ່ປະຈໍາຢູ່ປະເທດອົດສະຕຣາລີ ທີ່ຖືກໍາມະສິດໂດຍກຸ່ມບໍລິສັດ ກວ່າງດົງ ຣາຍຊິງ ໂຮລດິງ ກຼຸບ. ບໍລິສັດມຸ້ງໝັ້ນຕໍ່ວິທີການປະຕິບັດດ້ານການຂຸດຄົ້ນຍືນຍົງ ແລະ ການມີສ່ວນຮ່ວມຂອງຊຸມຊົນທີ່ດີ, ໂດຍສຸມໃສ່ປະກອບສ່ວນເຂົ້າໃນການພັດທະນາເສດຖະກິດ ແລະ ຄວາມຈະເລີນຮຸ່ງເຮືອງຂອງລາວ.

• 28/01/2025