ປີ 2024 ດ່ານພາສີສາກົນ ນາເພົ້າຈັດເກັບລາຍຮັບເຂົ້າງົບປະມານໄດ້ລື່ນແຜນການປີ 17.10 %

ທ່ານ ສຸພັດ  ສຸແສງໄທ ຫົວໜ້າດ່ານພາສີສາກົນນາເພົ້າໄດ້ລາຍງານໃຫ້ຮູ້ກ່ຽວກັບການເຄື່ອນໄຫວ ແລະ ການຈັດຕັ້ງປະຕິບັດວຽກງານວິຊາສະເພາະໃນການເກັບລາຍຮັບເຂົ້າງົບປະມານໃນ 2024 ວ່າ : ດ່ານພາສີສາກົນນາເພົ້າ ປະກອບມີ 03 ກຸ່ມວຽກຄື : ກຸ່ມວຽກ ບໍລິຫານ ແລະ ຄຸ້ມຄອງການແຈ້ງພາສີ,ກຸ່ມວຽກ ຄຸ້ມຄອງສາງ ແລະ ກວດກາສິນຄ້າ,ກຸ່ມວຽກຄຸ້ມຄອງພາຫະນະ ແລະ ຜູ້ໂດຍສານ (ຈຸດຊາຍແດນ).

     ດ່ານພາສີສາກົນນາເພົ້າມີພະນັກງານທັງໝົດ 29 ທ່ານ,ຍິງ 05 ທ່ານ,ໃນນັ້ນປະກອບມີຄະນະດ່ານ 4 ທ່ານ, ແລະ ມີຄະນະດ່ານທ້ອງຖິ່ນ-ດ່ານປະເພນີ ມາຊ່ວຍວຽກ ຈໍານວນ 4 ທ່ານ, ມີພະນັກງານວິຊາການ 12 ທ່ານ,ຍິງ 3 ທ່ານ,ພະນັກງານຕາມສັນຍາຊ່ວຍວຽກ 5 ທ່ານ,ຍິງ 1 ທ່ານ ແລະ ນັກສຶກສາຝຶກງານຊ່ວຍວຽກ 4 ທ່ານຍິງ 01 ທ່ານ, ສະມາຊິກພັກທັງໝົດ 16 ສະຫາຍ,ຍິງ 03 ສະຫາຍ, ສໍາຮອງ 01 ສະຫາຍ,ຍິງ 01 ສະຫາຍ,ເປັນໜ່ວຍພັກໜຶ່ງທີ່ຂື້ນກັບຮາກຖານພັກດ່ານສາກົນນາເພົ້າ.

      ນອກຈາກການຈັດຕັ້ງປະຕິບັດວຽກງານວິຊາສະເພາະແລ້ວຍັງໄດ້ເອົາໃຈໃສ່ເຜີຍແຜ່ເຊື່ອມຊຶມຄຳສັ່ງລະບຽບການຕ່າງໆ ທີ່ພັກ-ລັດວາງອອກໃນແຕ່ລະໄລຍະຢ່າງເປັນປົກະຕິ ຈື່ງເຮັດໃຫ້ພະນັກງານລັດຖະກອນ ເຈົ້າໜ້າທີ່ພາສີ ແຕ່ລະສະຫາຍ ມີແນວຄິດອຸ່ນອ່ຽນທຸ່ນທ່ຽງ ເຊື່ອໝັ້ນຕໍ່ການນຳພາ,ນັບຖືລະບຽບວິໄນ,ມີຄວາມສາມັກຄີເປັກເອກະພາບກັນໃນທຸກດ່ານ,ມີຄວາມຫ້າວຫັນ,ມີຈັນຍາບັນ ຈັນຍາທຳ ໃນການຮັບໃຊ້ບໍລິການ , ເຮັດສຳເລັດໜ້າທີ່ວຽກງານທີ່ຂັ້ນເທີງມອບໝາຍໃຫ້ຢ່າງມີປະສິດທິຜົນຕາມລະດັບຄາດໝາຍ.ນຳພາລົງເລິກໃກ້ສິດຕິດແທດກັບພະນັກງານຢ່າງຕໍ່ເນື່ອງເພື່ອເຮັດໃຫ້ພາຍໃນມີຄວາມໜັກແໜ້ນເຂັ້ມແຂງທາງດ້ານການ  ເມືອງ-ແນວຄິດ ແລະ ການຈັດຕັ້ງ ມີແບບແຜນວິທີການນຳພາ ແລະ ວິທີ ເຮັດວຽກປະຕິບັດ ຕາມຫຼັກການ ລວມສູນປະຊາທິປະໄຕ ໂດຍມີການ ແບ່ງຄວາມຮັບຜິດຊອບ ໃຫ້ບຸກຄົນ, ສະນັ້ນໃນໄລຍະຜ່ານມາຈິ່ງເຫັນວ່າ ສະພາບການເມືອງ-ແນວຄິດ ຂອງພະນັກງານພາສີໃນດ່ານພາສີສາກົນນາເພົ້າເຫັນວ່າມີຄວາມສະຫົງບໂດຍລວມສາມາດຕີຖອຍໄດ້ປະກົດການຫຍໍ້ທໍ້ຕ່າງໆໃຫ້ໝົດໄປ.

    ທ່ານ ສຸພັດ  ສຸແສງໄທໄດ້ກ່າວຕື່ມວ່າ : ກ່ຽວກັບການເຄື່ອນໄຫວ ແລະ ການຈັດຕັ້ງປະຕິບັດວຽກງານວິຊາສະເພາະໃນການເກັບລາຍຮັບເຂົ້າງົບປະມານໃນປີ 2024 ຂອງດ່ານພາສີສາກົນນາເພົ້າ ໂດຍສະເພາະໃນປີ 2024 ດ່ານພາສີສາກົນນາເພົ້າໄດ້ຮັບຕົວເລກມອບໝາຍຈາກກະຊວງການເງິນ, ກົມພາສີຈໍານວນ 305,000,000,000 ກີບ,ສົມທຽບໃສ່ໄລຍະດຽວຂອງປີຜ່ານມາຈໍານວນ 162,400,000,000 ກີບ, ເພີ່ມຂຶ້ນ 87.81  % ຫຼື ເທົ່າກັບ 142,600,000,000 ກີບ.

ຜ່ານການຈັດຕັ້ງປະຕິບັດລາຍຮັບໃນປີ 2024 ສາມາດປະຕິບັດໄດ້ 357,161,589,720 ກີບ, ເທົ່າກັບ 117.10 % ຂອງແຜນການປີ, ເພີ່ມຂຶ້ນ 17.10 % ຫຼື ເທົ່າກັບ 52,161,589,720 ກີບ; ສົມທຽບໃສ່ໄລຍະດຽວກັນຂອງປີຜ່ານມາ ( 160,872,161,280 ກີບ ), ເທົ່າກັບ 222.02% ເພີ່ມຂຶ້ນ 122.02% ຫຼື ເທົ່າກັບ 196,289,428,420 ກີບ;

       ລາຍຮັບສ່ວນຫຼາຍແມ່ນໄດ້ຈາກສິນຄ້າປະເພດ ນໍ້າມັນເຊື້ອໄຟ ປະຕິບັດໄດ້ ( 112,037,677,500 ກີບ ), ເທົ່າກັບ 829.91% ຂອງແຜນການ,ເຊິ່ງກວມເອົາ 31.37 % ຂອງລາຍຮັບທັງໝົດ, ສົມທຽບໄລຍະດຽວກັນຂອງປີຜ່ານມາປະຕິບັດໄດ້ ( 12,235,308,100 ກີບ ), ເທົ່າກັບ 915.69 % ເພີ່ມຂຶ້ນ 815.69 % ຫລື ເທົ່າກັບ                   ( 99,802,369,400 ກີບ ).

      ສໍາລັບລາຍຮັບຈາກໝວດສິນຄ້າຕົ້ນຕໍທີ່ໄດ້ລື່ນແຜນປະກອບມີປະເພດ ນໍ້າມັນເຊື້ອໄຟ ປະຕິບັດໄດ້ ( 112.03 ຕື້ກີບ ),ເທົ່າກັບ 829.91% ຂອງແຜນການ,ທຽບໄລຍະດຽວ ປະຕິບັດໄດ້ 12.23 ຕື້ກີບ,ເທົ່າກັບ 915.69% ເພີ່ມຂຶ້ນ 815.69% ຫລື ເທົ່າກັບ 99.80 ຕື້ກີບ ; ປະເພດສິ້ນສ່ວນ-ອາໄລ່ ປະຕິບັດໄດ້ ( 4 ຕື້ກີບ ), ເທົ່າກັບ 190.81% ຂອງແຜນການ,ທຽບໃສ່ໄລຍະດຽວປະຕິບັດໄດ້ ( 2.92 ຕື້ກີບ ), ເທົ່າກັບ 137.05% ເພີ່ມຂຶ້ນ 37.05% ຫລື ເທົ່າກັບ ( 1.08 ຕື້ກີບ ); ເຄື່ອງກໍ່ສ້າງ ປະຕິບັດໄດ້ ( 4.37 ຕື້ກີບ ), ເທົ່າກັບ 125.06% ຂອງແຜນການ,ທຽບໃສ່ໄລຍະດຽວປະຕິບັດໄດ້ ( 6.30 ຕື້ກີບ ), ເທົ່າກັບ 69.39 % ຫຼຸດລົງ 30.61% ຫລື ເທົ່າກັບ ( - 1.93 ຕື້ກີບ ); ປະເພດເຄື່ອງໃຊ້ດ້ວຍໄຟຟ້າ ປະຕິບັດໄດ້ ( 6.29 ຕື້ກີບ ), ເທົ່າກັບ 114.39% ຂອງແຜນການ,ທຽບໃສ່ໄລຍະດຽວປະຕິບັດໄດ້ ( 8.13 ຕື້ກີບ ), ເທົ່າກັບ 77.33 % ຫຼຸດລົງ 22.67% ຫລື ເທົ່າກັບ ( - 1.84 ຕື້ກີບ ); ປະເພດສິນຄ້າຕາມສັນຍາອາຊຽນ 42 FORM-D ປະຕິບັດໄດ້ ( 62.82 ຕື້ກີບ ), ເທົ່າກັບ 171.64% ຂອງແຜນການ, ທຽບໃສ່ໄລຍະດຽວປະຕິບັດໄດ້ ( 10.37 ຕື້ກີບ),ເທົ່າກັບ 605.46% ເພີ່ມຂຶ້ນ 505.46 % ຫລື ເທົ່າກັບ ( 52.44 ຕື້ກີບ ); ປະເພດສິນຄ້າຕາມສັນຍາສອງຝ່າຍ 43 FORM-S ປະຕິບັດໄດ້ ( 7.86 ຕື້ກີບ ), ເທົ່າກັບ 245,72% ຂອງແຜນການ, ສົມທຽບໃສ່ໄລຍະດຽວປະຕິບັດໄດ້ ( 45.09 ຕື້ກີບ ), ເທົ່າກັບ 17.44% ຫຼຸດລົງ 82.56 % ຫລື ເທົ່າກັບ ( - 37.236 ຕື້ກີບ ); ຄ່າປັບໄໝ ແລະ ຂາຍເຄື່ອງຮິບປະຕິບັດໄດ້ ( 483 ລ້ານກີບ ), ເທົ່າກັບ 322.15% ຂອງແຜນການ,ສົມທຽບໃສ່ໄລຍະດຽວປະຕິບັດໄດ້ ( 65 ລ້ານກີບ ), ເທົ່າກັບ 746.29% ເພີ່ມຂຶ້ນ 646.29 % ຫລື  ເທົ່າກັບ  ( 418 ລ້ານກີບ ); ຄ່າທໍານຽມຕ່າງໆປະຕິບັດໄດ້ ( 90.28 ຕື້ກີບ ), ເທົ່າກັບ 177.73 % ຂອງແຜນການ,ທຽບໃສ່ໄລຍະດຽວປະຕິບັດໄດ້ ( 43.21 ຕື້ກີບ),ເທົ່າກັບ 208.94% ເພີ່ມຂຶ້ນ 108.94 % ຫລື ເທົ່າກັບ ( 47.07 ຕື້ກີບ );

       ສ່ວນວ່າລາຍຮັບຈາກໝວດສິນຄ້າຕົ້ນຕໍທີ່ໄດ້ຫຼຸດແຜນປະກອບມີຄ່າຊັກພິເສດ ຂາອອກ ປະຕິບັດໄດ້ ( 54.14 ຕື້ກີບ ), ເທົ່າກັບ 30.70% ຂອງແຜນການ,ທຽບໃສ່ໄລຍະດຽວປະຕິບັດໄດ້ ( 16.83 ຕື້ກີບ ), ເທົ່າກັບ 321.66 % ເພີ່ມຂຶ້ນ 221.66 % ຫລື ເທົ່າກັບ 37.31 ຕື້ກີບ; ອຸປະໂພກ-ບໍລິໂພກ ປະຕິບັດໄດ້ ( 4.14 ຕື້ກີບ ), ເທົ່າກັບ 42.78% ຂອງແຜນການ,ທຽບໃສ່ໄລຍະດຽວປະຕິບັດໄດ້ ( 10.72 ຕື້ກີບ ), ເທົ່າກັບ 38.70% ຫຼຸດລົງ 61.30 % ຫລື ເທົ່າກັບ ( - 6.57 ຕື້ກີບ ).

       ທ່ານ ສຸພັດ  ສຸແສງໄທ ຫົວໜ້າດ່ານພາສີສາກົນນາເພົ້າໄດ້ກ່າວຕື່ມອີກວ່າ : ສາຍເຫດທີ່ພາໃຫ້ການຈັດເກັບລາຍຮັບໃນປີ 2024 ໄດ້ຫຼື່ນແຜນຍ້ອນການນໍາເຂົ້າ ແລະ ສົ່ງອອກບາງປະເພດສິນຄ້າມີລັກສະນະເພີ່ມຂຶ້ນເຊັ່ນ: ມີການນໍາເຂົ້ານໍ້າມັນເຊື້ອໄຟໃນກອບສັນຍາຂອງ AEO ຫຼາຍຂຶ້ນ, ການນໍາເຂົ້າສິນຄ້າຕາມສັນຍາອາຊ່ຽນເພີ່ມຂຶ້ນ ສ່ວນການສົ່ງອອກສິນຄ້າປະເພດແຮ່ທາດກໍ່ເພີ່ມຂຶ້ນເຊັ່ນດຽວກັນ. ຄຽງຄູ່ກັບການເພີ່ມຂຶ້ນສະຖິຕິການນໍາເຂົ້າສິນຄ້າ ບາງໝວດ ຫຼຸດລົງຫຼາຍປະເພດສິນຄ້າ ເຊັ່ນ: ເຄື່ອງອາໄຫຼ່,ເຄື່ອງກໍ່ສ້າງ,ເຄື່ອງໃຊ້ໄຟຟ້າ ແລະ ເຄື່ອງອຸປະໂພກບໍລິໂພກ ຍ້ອນສະພາບເສດຖະກິດພາຍໃນປະເທດ ແລະ ຂອງໂລກ,ອັດຕາເງິນເຟີ້ ເພີ້ມທະວີສູງຂຶ້ນເລື້ອຍໆ. ການປະຕິບັດມູນຄ່າແຈ້ງຕາມລາຄາຊື້-ຂາຍຕົວຈິງ ຍັງບໍ່ທັນຄຸ້ມຄອງໄດ້ຢ່າງມີປະສິດທິພາບ,ສ່ວນຫຼາຍແມ່ນໄດ້ເຍືອງເບິ່ງຂໍ້ມູນຂອງດ່ານອື່ນມາສົມທຽບ.

ຄຽງຄູ່ກັບດ້ານຕັ້ງໜ້າກໍ່ຍັງມີບາງດ້ານທີ່ຈະຕ້ອງເອົາໃຈໃສ່ເປັນຕົ້ນການນໍາພາ - ຊີ້ນໍາດ້ານການເມືອງແນວຄິດຕໍ່ພະນັກງານຂອງຕົນຍັງເຮັດບໍ່ທັນຕໍ່ເນື່ອງ ແລະ ບໍ່ທັນເປັນປົກກະຕິເຮັດໃຫ້ພະນັກງານຢູ່ໃນຄວາມຮັບຜິດຊອບບໍ່ມີຄວາມກະຕືລືລົ້ນໃນການປະຕິບັດໜ້າທີ່ວຽກງານບາງສະຫາຍຍັງມີແນວຄິດປຽບທຽບຊັ້ງຊາ  , ການຈັດຕັ້ງປະຕິບັດວຽກຍັງບໍ່ທັນມີປະສິດທິຜົນ , ການກຳນົດແບບແຜນວິທີເຮັດວຽກຍັງບໍ່ທັນຊັດເຈນ, ພະນັກງານສະມາຊິກພັກຈໍານວນໜຶ່ງຍັງຢຶດຖືຄອງເດີມ ມີລັກສະນະບໍ່ພັດທະນາຕົນເອງ ບໍ່ທັນມີຄວາມຕັ້ງໃຈໃນການຫັນປ່ຽນໃໝ່ເພື່ອຮອງຮັບກົນໄກຫັນເປັນທັນສະໄໝ, ຄວາມຮູ້-ຄວາມສາມາດ, ປະສົບການຍັງມີຈໍາກັດ, ຄວາມເປັນແບບຢ່າງນຳພາຍັງເຮັດບໍ່ທັນໄດ້ດີເທົ່າທີ່ຄວນ,ການປະຕິບັດມູນຄ່າແຈ້ງພາສີຕາມລາຄາຊື້-ຂາຍຕົວຈິງຍັງບໍ່ສາມາດຄຸ້ມຄອງໄດ້ຢ່າງມີປະສິດທິພາບ,ສ່ວນຫຼາຍແມ່ນໄດ້ເຍືອງເບິ່ງລາຄາຂອງສອງດ່ານ, ດ່ານນໍ້າພາວ ແລະ ດ່ານແດນສະຫວັນ.

       ພ້ອມກັນນັ້ນທ່ານກໍ່ໄດ້ສະເໜີມາຍັງພາກສ່ວນທີ່ກ່ຽວຂ້ອງໃຫ້ສ້ອມແປງເສັ້ນທາງແຕ່ຈຸດສູມລັງຄັງຂື້ນຫາຊາຍແດນລາວວຽດນາມປະມານ 18 ລັກ ບາງບ່ອນທາງເພຫຼາຍເຮັດໃຫ້ການສັນຈອນລົດບັນທຸກສີນຄ້າອອກເຂົ້າດ່ານພົບຄວາມຫຍຸ້ງຍາກບາງຄັ້ງຄາວ,ລະບົບໄຟຟ້າ ແລະ ສັນຍານທາງດ້ານເອເລັກໂຕນິກບໍ່ຄ່ອຍປົກກະຕິເຮັດໃຫ້ການບໍລິການບາງຄັ້ງຊັກຊ້າແກ່ຍາວເວລາ. ເນື່ອງຈາກທີ່ພວກເຮົາໃຊ້ລະບົບເຄື່ອງມືທີ່ທັນສະໄໜເຂົ້າໃນການບໍລິການ ຖ້າລະບົບສັນຍານອິນເຕີເນັດຂັດຂ້ອງແມ່ນໄດ້ພົບຄວາມຫຍຸ້ງຍາກຫຼາຍ ແລະ ລະບົບເຄືອຂ່າຍສາຍໄຍແກ້ວທາງດ່ານພວກເຮົາກໍ່ມີພຽງເຄືອຂ່າຍດຽວຂອງບໍລິສັດ ລາວໂທລະຄົມ.

ໂດຍ: ແດງສະຫວັດ ແສນພານິດ.

แชร์