ມອບ-ຮັບໂຄງການປັບປຸງໂຄງລ່າງໂຮງຮຽນ ເຕັກນິກວິຊາຊີບ

ເພື່ອເປັນການຊຸກຍູ້ສົ່ງເສີມ ທັງເປັນການປັບປຸງຂະຫຍາຍໂຮງຮຽນເຕັກນິກວິຊາຊີບແຂວງບໍລິ ຄຳໄຊ, ໃນວັນທີ 26 ເມສານີ້ຢູ່ ໂຮງຮຽນດັ່ງກ່າວໄດ້ຈັດພິທີມອບຮັບໂຄງການການປັບປຸງພື້ນຖານໂຄງລ່າງຂອງໂຮງຮຽນ.ໃຫ້ກຽດ ເຂົ້າຮ່ວມໂດຍທ່ານ ກອງແກ້ວ ໄຊສົງຄາມເຈົ້າແຂວງບໍລິຄຳໄຊ, MrJens PeterLuetkenhem ເອກອັກຄະລັດຖະທູດແຫ່ງ ສສ ເຢຍລະມັນປະຈຳລາວ, ທ່ານ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະກີລາ, ມີບັນດາຜູ້ຊ່ຽວຊານຈາກໂຄງການຮ່ວມມືລາວເຢຍລະມັນ, ແຂກຖືກເຊີນຈາກສູນກາງ  ແລະທ້ອງຖິ່ນເຂົ້າ ຮ່ວມ.

ການປັບປຸງຂະຫຍາຍໂຮງຮຽນ ເຕັກນິກວິຊາຊີບແຂວງບໍລິຄຳໄຊ ແມ່ນໜຶ່ງໃນກິດຈະກຳຂອງໂຄງ ການຮ່ວມມືລາວເຢຍລະມັນພັດທະ ນາອາຊີວະສຶກສາ (VELA) ເປັນ ໂຄງການຊ່ວຍເຫຼືອລ້າຮ່ວມມືດ້ານ ການເງິນລະຫວ່າງລັດຖະບານລາວ ແລະລັດຖະບານເຢຍລະມັນ ໂດຍຜ່ານທະນາຄານພັດທະນາເຢຍລະ ມັນ (KfW) ຮ່ວມກັບກົມອາຊີວະ ສຶກສາກະຊວງສຶກສາທິການ ແລະກີລາ, ເລີ່ມຈັດຕັ້ງປະຕິບັດໂຄງການ ດັ່ງກ່າວມາແຕ່ປີ 2016 ເປັນຕົ້ນ ມາ ມູນຄ່າການກໍ່ສ້າງທັງໝົດ 7,2 ລ້ານເອີຢູໂຣ, ໃນນັ້ນລັດຖະບານ ສປປ ລາວ ມີພັນທະປະກອບສ່ວນ 1,2 ລ້ານເອີໂຣ ແລະເງິນຊ່ວຍ ເຫຼືອລ້າຈາກລັດຖະບານເຢຍລະມັນ 6 ລ້ານເອີໂຣ, ສຳລັບໂຄງການປັບ ປຸງຂະຫຍາຍໂຮງຮຽນປະກອບມີ 3 ໜ້າວຽກຈຸດສຸມຄື: ປັບປຸງຂະຫຍາຍໂຮງຮຽນເຕັກນິກວິຊາຊິບ ແຂວງບໍລິຄຳໄຊ, ປັບປຸງຂະຫຍາຍ ໂຮງຮຽນເຕັກນິກວິຊາຊິບແຂວງບໍ່ ແກ້ວ ແລະປັບປຸງຂະຫຍາຍສະ ຖາບັນພັດທະນາອາຊີວະສຶກສາສະ ເພາະ.ສຳລັບການປັບປຸງ ແລະຂະຫຍາຍໂຮງຮຽນເຕັກນິກວິຊາຊີບ ແຂວງບໍລິຄຳໄຊ ມີດັ່ງນີ້:ສ້ອມ ແປງໂຮງຝຶກງານຊ່າງລົດຍົນ, ຊ່າງ ກໍ່ສ້າງເຄຫະສະຖານ,ຊ່າງໄມ້ ແລະ ຫ້ອງທົດລອງປູກຝັງ-ລ້ຽງສັດ, ສ້ອມແປງໂຮງຝຶກງານຊ່າງໄຟຟ້າ, ຊ່າງຕັດຍິບ, ຫ້ອງຄົວ ແລະຫ້ອງອາ ຫານສຳລັບຝຶກອົບຮົມ, ຫໍພັກຊາຍ 1 ຫຼັງ, ຍິງ 1 ຫຼັງ, ຫ້ອງນ້ຳຍິງ-ຊາຍ 4 ຫຼັງ, ກໍ່ສ້າງສາງຫ້ອງການ 1 ຫຼັງ, ກໍ່ສ້າງສາງພາຍໃນ ແລະ ນ້ຳບາດານ, ປະກອບອຸປະກອນ ເຕັກນິກສຳລັບໂຮງຊ່າງ  ແລະຫ້ອງ ຄອມພິວເຕີລວມມູນຄ່າການກໍ່ສ້າງ ແລະອຸປະກອນເຕັກນິກທັງໝົດ 1,2 ລ້ານເອີໂຣ ແລະໃນນີ້ທາງແຂວງໄດ້ປະກອບສ່ວນຕິດຕັ້ງຕາຄ່ຍໄຟຟ້າ ແລະໝໍ້ແປງຕຶກອາຄານຮຽນ 250 KW, ສ້ອມແປງຮົ້ວ ແລະເຄື່ອງ ໃຊ້ເຟີນິເຈີ່ເຊັ່ນ: ໂຕະ, ຕັ່ງ, ຕູ້ຫ້ອງການ, ຫ້ອງຮຽນ ແລະຕຽງນອນນັກຮຽນລວມມູນຄ່າ 3,6 ແສນເອີໂຣ.

ໂດຍ: ວຽງສະຫວັນ

แชร์