ທຄຕລ ປະຊຸມສາມັນຜູ້ຖືຮຸ້ນ ປະຈຳປີ 2018

 ກອງປະຊຸມສາມັນຜູ້ຖືຮຸ້ນທະນາຄານການຄ້າຕ່າງປະເທດລາວມະຫາຊົນ (ທຄຕລ) ປະຈຳປີ 2018 ໄດ້ຈັດຂຶ້ນໃນວັນທີ 26 ເມສາ ຜ່ານມາທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງທ່ານ ບຸນເຫຼືອ ສິນໄຊວໍລະວົງ ປະທານສະພາບໍລິຫານ ທຄຕລ, ມີທ່ານ ສີລາ ວຽງແກ້ວ ຮອງລັດຖະມົນຕີກະຊວງກາ ນເງິນຕາງໜ້າຈາກກະຊວງການເງິນທີ່ຖືຮຸ້ນຂອງ ທຄຕລ 70%, ຕາງໜ້າທະນາຄານຄູ່ຮ່ວມຍຸດທະສາດ COFIBRED ທີ່ຖືຮຸ້ນ ທຄຕລ 10%, ມີບັນ ດາຕາງໜ້າຈາກຜູ້ຖືຮຸ້ນຈາກ ທຄຕລ ແລະມີຜູ້ຖືຮຸ້ນເຂົ້າຮ່ວມດ້ວຍຕົນເອງຈຳນວນ 87 ທ່ານ ຜູ້ມອບສິດຈຳນວນ 193 ທ່ານ, ຊຶ່ງມີຮຸ້ນລວມກັນທັງໝົດຈຳນວນ 1,79 ລ້ານຮຸ້ນ ເທົ່າກັບ 86,409% ຂອງຮຸ້ນ ທຄຕລ ທັງໝົດທີ່ກ່ຽວຂ້ອງເຂົ້າຮ່ວມ.

  ໃນກອງປະຊຸມຄັ້ງນີ້ຜູ້ຖືຮຸ້ນ ທຄຕລ ໄດ້ມີການຮັບຟັງລາຍງານຈາກທ່ານຜູ້ອຳນວຍການໃຫຍ່ ທຄຕລ ກ່ຽວກັບຄວາມຄືບໜ້າໃນການຈັດຕັ້ງປະຕິບັດມະ ຕິກອງປະຊຸມສາມັນຜູ້ຖືຮຸ້ນຄັ້ງຜ່ານມາ ແລະລາຍງານການເຄື່ອນໄຫວດຳເນີນງານຂອງ ທຄຕລ ປະຈໍາປີ 2018. ພ້ອມດຽວກັນນີ້ຜູ້ຖືຮຸ້ນ ທຄຕລ ກໍ່ຍັງໄດ້ ພິຈາລະນາຮັບຮອງເອົາບັນຫາສຳຄັນຕ່າງໆທີ່ນອນຢູ່ໃນວາລະຂອງກອງປະຊຸມ, ເປັນຕົ້ນແມ່ນຮັບຮອງເອົາຜົນການດຳເນີນງານ ແລະເງິນປັນຜົນປະຈຳປີ 2018, ຮັບຮອງເອົາບັນດາເປົ້າໝາຍສູ້ຊົນທີ່ກຳນົດໄວ້ໃນແຜນການປະຈຳປີ 2019 ຮັບຮອງການແຕ່ງຕັ້ງຜູ້ກວດສອບອິດສະຫຼະປະຈຳປີ 2019 ແລະ    ຮັບຮອງເອົາການຮ່ວມລົງທຶນເພື່ອສ້າງຕັ້ງບໍລິສັດໃໝ່ 1 ແຫ່ງ.

  ໄລຍະ 1 ປີ ຜ່ານມາ ທຄຕລ ສາມາດບັນລຸກໍາໄລກ່ອນອາກອນໄດ້ຈຳນວນ 459 ຕື້ກວ່າກີບ ລື່ນແຜນການປີ 2018 ເຖິງ 15%; ເງິນປັນຜົນໃຫ້ແກ່ຜູ່ຖືຮຸ້ນ ທຄຕລ ປະຈຳປີ 2018 ແມ່ນຮຸ້ນລະ 991 ກີບ ແລະ ສຳລັບແຜນການປະຈໍາປີ 2019 ກອງປະຊຸມໄດ້ຮັບຮອງເອົາບັນດາຕົວເລກຍອດຊັບສິນ, ຍອ ດເງິນຝາກ, ຍອດເງິນກູ້ ແລະກຳໄລກ່ອນອາກອນຕາມທີ່ ທຄຕລ ໄດ້ສະເໜີສະເພາະແຜນກໍາໄລກ່ອນອາກອນໄດ້ວາງແຜນໄວ້ຈຳນວນ 565 ຕື້ກີບ; ແຜນປະກອບພະນັກງານໃໝ່ຈຳນວນ 200 ຄົນ, ແຜນການຂະຫຍາຍຕາໜ່າງບໍລິການຈຳນວນ 10 ໜ່ວຍບໍລິການໃນຂອບເຂດທົ່ວປະເທດ ແລະໄດ້ຮັບຮອງເອົາແຜນງົບປະມານສຳລັບການປະກອບວັດຖຸເຕັກນິກ, ການກໍ່ສ້າງ ແລະການບຳລຸງຮັກສາປະຈຳປີ 2019.

ພາບຂ່າວ: ວົງມະນີ

แชร์