ພິທີລົງນາມໃນຄັ້ງນີ້ ໄດ້ຕີລາຄາສູງກັບຄຳໝັ້ນສັນຍາອັນແຂງ ແຮງຂອງສອງປະເທດພວກເຮົາໃນການຮ່ວມມືເພື່ອອະນາຄົດທີ່ສົດໃສ. ທັງໄດ້ສະແດງໃຫ້ເຫັນເຖິງສາຍພົວພັນມິດຕະພາບອັນເປັນມູນເຊື້ອອັນໝັ້ນຄົງລະຫວ່າງ ສປປ ລາວ ແລະ ສ.ເກົາຫຼີ. ພິທີເຊັນສັນຍາການຊ່ວຍເຫຼືອລ້າໃນຄັ້ງນີ້ມີ 2 ໂຄງການທີ່ສະແດງເຖິງວິໄສທັດຮ່ວມກັນເພື່ອພັດທະນາຂະແໜງກະສິກຳທີ່ທັນສະ ໄໝ, ມີປະສິດທິພາບ ແລະ ຍືນຍົງ ພິເສດ, ໂຄງການພັດທະນາຂໍ້ມູນຂ່າວສານກະສິກຳດີຈີຕອນບໍ່ພຽງແຕ່ຈະຊ່ວຍໃຫ້ພວກເຮົາຄຸ້ມຄອງຊັບພະຍາກອນທີ່ດິນໃຫ້ດີຂຶ້ນ, ຍົກສູງສະມັດຕະພາບດ້ານກະສິກຳ, ຮັບປະກັນຄວາມໝັ້ນຄົງດ້ານສະບຽງອາຫານໃຫ້ແກ່ປະຊາຊົນຂອງພວກເຮົາ, ແຕ່ຍັງມີບົດບາດສຳຄັນໃນການຈັດ ຕັ້ງປະຕິບັດວິໄສທັດ 2040 ແລະ ຍຸດທະສາດອີກດ້ວຍ. ກ່ຽວກັບການຄຸ້ມຄອງແລະການພັດທະນາທີ່ດິນກະສິກຳ 2030, ເຊິ່ງໄດ້ຮັບການຮັບຮອງຈາກສະພາແຫ່ງຊາດ. ອັນນີ້ສະແດງໃຫ້ເຫັນວ່າໂຄງການດັ່ງກ່າວມີຄຸນຄ່າຫຼາຍປານໃດໃນການບັນລຸເປົ້າ ໝາຍການພັດທະນາປະເທດຊາດ.

ສຳລັບໂຄງການພັດທະນາຂໍ້ມູນຂ່າວສານກະສິກຳ-ດິນ ເພື່ອສ້າງຄວາມໝັ້ນຄົງດ້ານສະບຽງອາຫານໃນ ສປປ ລາວ ຝ່າຍກະຊວງກະສິກຳ ແລະ ປ່າໄມ້ ໃຫ້ກຽດເຊັນໂດຍທ່ານ ປອ ນິວົງ ສີປະເສີດ ຫົວໜ້າກົມຄຸ້ມຄອງ ແລະ ພັດທະນາທີ່ດິນກະສິກຳ ຝ່າຍອົງການ KOICA ປະຈຳລາວ ໃຫ້ກຽດເຊັນໂດຍທ່ານ Mrs.Myung Jin Kim ຕາງໜ້າຈາກອົງການ KOICA ແລະ ໂຄງການປັບປຸງລະບົບການຄຸ້ມຄອງຄວາມປອດໄພດ້ານການລ້ຽງສັດໃນ ສປປ ລາວ ຝ່າຍກະຊວງກະສິກຳ ແລະ ປ່າໄມ້ ໃຫ້ກຽດເຊັນໂດຍທ່ານ ປອ ກາວິພອນ ພຸດທະວົງ ຫົວໜ້າກົມລ້ຽງສັດ ແລະ ການປະມົງ, ຝ່າຍອົງການ KOICA ປະຈຳລາວ ຝ່າຍອົງການ KOICA ປະຈຳລາວ ໃຫ້ກຽດເຊັນໂດຍທ່ານ Mrs. Myung Jin Kim ຕາງໜ້າຈາກອົງການ KOICA

ຂ່າວ: ຂ່າວກະຊວງກະສິກຳ