ປະກວດ "ສາວງາມຜູ້ໄທຄືນຖິ່ນ" ທີ່ເມືອງວິລະບູລີ

ໃນຄືນວັນທີ 11 ທັນວາ 2024 ທີ່ເດີ່ນກິລາເມືອງວິລະບູລີ ໄດ້ຈັດງານປະກວດສາວງາມຜູ້ໄທຄືນຖິ່ນຂື້ນ. ຊຶ່ງມີສາວງາມສົ່ງເຂົ້າປະກວດທັງໝົດ 20 ນ້ອງນາງສາວ; ໃນນັ້ນມີເມືອງວິລະບູ 17 ນ້ອງ, ເມືອງເຊໂປນ 2 ນ້ອງ ແລະເມືອງອາດສະພອນ 1 ນ້ອງ.
ການປະກວດຮອບທຳອິດແມ່ນຄັດອອກ 10 ນ້ອງ, ຮອບສອງໄດ້ຄັດອອກ 5 ນ້ອງ ຊຶ່ງ 5 ນ້ອງສຸດທ້າຍທີ່ໄດ້ຮັບຕຳແໜ່ງມີດັງນີ້:
1. ຊະນະເລີດ ແມ່ນ ເບີ 13 ນາງ ທິບທິດາ ອີນທະສອນ ຈາກເມືອງວິລະບູລີ.
2. ຮອງອັນດັບ 1 ເບີ 17 ນາງ ຈີ່ມມີ ອ້ວນທຸມພອນ ເມືອງວິລະບູລີ.
3. ຮອງອັນດັບ 2 ເບີ 20 ນາງ ທິບເກສອນ ເພຍໄຊຍະສານ ຕົວແທນຈາກເມືອງ ອາດສະພອນ.
4. ຮອງອັນດັບ 3 ເບີ 1 ນາງ ເລັນທາຍ ບຸດຕະວົງ ເມືອງວິລະບູລີ.
5. ຮອງອັນດັບ 4 ເບີ 12 ນາງ ສຸນິດາ ວົງອຸດສະລາດ ເມືອງວິລະບູລີ.
ທັງ 5 ນ້ອງນາງສາວນີ້ ຈະໄດ້ເປັນຕົວແທນຊົນເຜົ່າຜູ້ໄທ ໃນການເຜີຍແຜ່ສົ່ງເສີມ​ ແລະ​ ປົກປັກຮັກສາ ຮີດຄອງປະເພນີ ແລະ ວັດທະນະທຳເຜົ່າຜູ້ໄທ ໃຫ້ຄົງຢູ່​ສືບໄປ.
ສຳລັບງານມະຫາກຳເຜົ່າຢູ່ໄທຄືນຖິ່ນຄັ້ງນີ້ ຈະໄດ້ດຳເດີນໄປຮອດວັນທີ 13 ທັນວາ 2024. ພາຍໃນງານຈະມີການວາງສະ ແດງສິນຄ້າຫັດຖະກຳແຜ່ແພເຜົ່າຜູ້ໄທ, ເຜີຍແຜ່ວິຖີການດຳລົງຊິວິດ, ການນຸ່ງຖື, ຮອດຄອງປະເພນີ, ການສະແດງຂັບລຳຕ່າງ, ພາສາປາກເວົ້າ ແລະອື່ນໆ.
ທີ່ມາ: ຫ້ອງການ ຖວທ ເມືອງອາດສະພອນ

แชร์