ເຍົາວະຊົນລາວ ຊະນະເລີດ ປະກວດແຕ້ມຮູບ ເຍົາວະຊົນສາກົນ

 
ສູນແລກປ່ຽນວັດທະນະທຳ ວິທະຍາສາດ ແລະ ເຕັກໂນໂລຊີເຍົາວະຊົນ ສົ້ງຊິ່ງຫລີງ ສປ ຈີນ ຮ່ວມກັບ ສູນວັດທະນະທຳຈີນ ປະຈຳຢູ່ແຕ່ລະປະເທດ ຈັດປະກວດແຕ້ມຮູບ ເຍົາວະຊົນສາກົນ ພາຍໃຕ້ຫົວຂໍ້ "ສະບາຍດີ! ເສັ້ນທາງສາຍໄໝ" ປະຈໍາປີ 2024, ເຊິ່ງຜູ້ຊະນະເລີດແມ່ນ ທ້າວ ເທບປັນຍາ ສີລິມຸກ ເຍົາວະຊົນລາວ ດ້ວຍຜົນງານມີຊື່ວ່າ “ຍິນດີຕ້ອນຮັບທ່ານ ສູ່ເສັ້ນທາງສາຍໄໝ” ການແຂ່ງຂັນດັ່ງກ່າວ, ມີຜູ້ສົ່ງຜົນງານຮູບແຕ້ມ ເຂົ້າປະກວດທັງໝົດ 2.216 ຜົນງານທີ່ມາຈາກ 7 ປະເທດ.
 
ກິດຈະກໍາດັ່ງກ່າວ, ສູນວັດທະນະທໍາຈີນ ປະຈໍາ ສປປ ລາວ ໄດ້ຄັດເລືອກເອົາ 15 ຜົນງານຈາກເຍົາວະຊົນລາວ ເຂົ້າຮ່ວມການປະກວດແຕ້ມຮູບເຍົາວະຊົນສາກົນ ໃນນີ້, ມີ 6 ຜົນງານໄດ້ຮັບລາງວັນລະດັບສາກົນ ແລະ ລາງວັນທີ 1 ແມ່ນທ້າວ ເທບປັນຍາ ສີລິມຸກ ອາຍຸ 11 ປີ ຮຽນຢູ່ໂຮງຮຽນປະຖົມຮາກແກ້ວ, ລາງວັນທີ 2 ມີສອງລາງວັນ ມີທ້າວ ວັດທະນາ ຄໍາພິລາວົງ ອາຍຸ 16 ປີ ແລະ ນາງ ສີດາລັດ ວົງຄໍາຈັນ ອາຍຸ 18 ປີ, ລາງວັນທີ 3 ທ້າວ ກ່າວເຈ່ຍຈຸນ ອາຍຸ 10 ປີ ແລະ ລາງວັນຊົມເຊີຍ ມີ ນາງ ມຸທິຕາ ພົມວຽງໄຊ ອາຍຸ 10 ປີ ແລະ ທ້າວ ທະນາດົນ ມະນີວົງ ອາຍຸ 8 ປີ.
ທີ່ມາ: ສູນວັດທະນະທຳຈີນ ປະຈຳລາວ

แชร์