ເມືອງງາ ຈັດງານປະກວດນັກຮ້ອງສຽງດີ

ງານແຂ່ງຂັນປະກວດນັກຮ້ອງສຽງດີປະຈໍາປີ 2019 ຂອງ ເມືອງງາ ແຂວງອຸດົມໄຊໄດ້ຈັດຂຶ້ນໃນລະຫວ່າງວັນທີ 23-24 ມສາຜ່ານມາ ຢູ່ທີ່ເດີ່ນພາຍໃນເທສະບານຂອງເມືອງດັ່ງກ່າວ ໂດຍ ການເຂົ້າຮ່ວມຂອງທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ, ທ່ານ ຄຳແສງຢາງຈະກີ ເຈົ້າ ເມືອງໆງາ, ມີການນໍາເມືອງ, ຕາງໜ້າບັນດາການນຳເມືອງອ້ອມຂ້າງ, ນັກທຸລະກິດ, ຜູ້ປະກອບການ, ຄະນະກຳມະການ, ນັກຮ້ອງຜູ້ເຂົ້າປະ ກວດ ແລະມ່ວນຊົນພາຍໃນເມືອງງາ.ການຈັດກິດຈະກຳໃນຄັ້ງນີ້ກໍເພື່ອເປັນການຄັດເລືອກ ແລະຊອກຫາຜູ້ທີ່ມີຄວາມສາມາດ ແລະທັກສະດ້ານການຮ້ອງເພງ, ຜູ້ທີມີນ້ຳສຽງດີມາເປັນຕົວແທນຂອງເມືອງໃນ ການສືບຕໍ່ສົ່ງເຂົ້າປະກວດໃນລາຍການຕ່າງໆຂອງບັນດາເມືອງ, ແຂວງໃນຄັ້ງຕໍ່ໄປ, ທັງເປັນການ ຊຸກຍູ້, ສົ່ງເສີມວຽກງານສິລະປະວັນນະຄະດີຂອງເມືອງງາຮັບການເຄື່ອນໄຫວຢ່າງຕໍ່ເນື່ອງແລະເປັນປົກກະຕິ,ເປີດໂອກາດໃຫ້ຊາວໜຸ່ມເຍົາວະຊົນຜູ້ທີ່ມີຄວາມມັກ, ຮັກໃນການຮ້ອງເພງໄດ້ສະ ແດງຄວາມສາມາດ ແລະຄວາມກ້າຫານຂອງຕົນ. ການປະກວດນັກ ຮ້ອງສຽງດີປະຈຳປີ 2019 ນີ້ເຫັນວ່າມີຜູ້ທີ່ສົນໃຈ ແລະເຂົ້າສະໝັກທັງໝົຈຳນວນ 21 ຄົນ ໃນນັ້ນການແຂ່ງຂັນຮອບທຳອິດໄດ້ຄັດໃຫ້ເຫຼືອພຽງ 12 ຄົນ, ຈາກນັ້ນ ໃນຕອນຄືນຂອງວັນທີ 24 ເມສາໄດ້ມີການແຂ່ງຂັນ ແລະຄັດເລືອກໃຫ້ເຫຼືອ 8 ຄົນ ໃນຮອບ 2 ແລະ ຄັດໃຫ້ເຫຼືອ 4 ຄົນໃນຮອບສຸດທ້າຍ.ຜ່ານການປະກວດ ໂດຍລວມ ແລ້ວເຫັນວ່າຜູ້ທີ່ສາມາດຍາດໄດ້ ຊະນະເລີດອັນດັບທີ່ 1 ໄດ້ແກ່ນາງ ອຳຄາສັນຍາເກດ, ທີ 2 ໄດ້ແກ່ນາງ ສົມດີ ວົງຖິ່ນແກ້ວ, ທີ 3 ໄດ້ແກ່ທ້າວ ສີແພງ ແກ້ວອຸດົມ ທັງໝົດນັ້ນໄດ້ຮັບໃບຊົມເຊີຍ ແລະເງິນສົດຈຳນວນໜຶ່ງ.ສ່ວນອັນດັບທີ4ໄດ້ຮັບພຽງແຕ່ເງິນສົດເທົ່ານັ້ນ, ໃຫ້ກຽດມອບລາງວັນ ໂດຍທ່ານ ສົມ ຈິດ ປັດຍາສັກຮອງເຈົ້າແຂວງອຸ ດົມໄຊ, ເຈົ້າເມືອງໆງາ, ປະທານຈັດ ງານປະກວດນັກຮ້ອງສຽງດີ ແລະ ຜູ້ໃຫ້ການອຸປະຖຳພັດປ່ຽນກັນ.

ນສພ ເສດຖະກິດ-ສັງຄົມ

แชร์