ທ່ານ ນາງ ລ້ອງຄຳ ພອນມີໄຊ ໄດ້ເລົ່າປະຫວັດຄວາມເປັນມາວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງໂດຍຍົກໃຫ້ເຫັນຄວາມຮຸນແຮງຕໍ່ແມ່ຍິງ ທີ່ເກີດຂຶ້ນໄດ້ທຸກເວລາ, ໃນທຸກສະຖານທີ່ ໂດຍບໍ່ຈຳແນກຊັ້ນວັນນະ, ເຊື້ອຊາດ, ສາສະໜາ, ວັດທະນະທຳ, ຖານະໃນສັງຄົມ, ລະດັບການສຶກສາ ແລະ ຍັງສືບຕໍ່ແຜ່ລາມໃນຂອບເຂດທົ່ວໂລກ, ຄວາມຮຸນແຮງທາງດ້ານຮ່າງກາຍ: ການທຸບຕີ, ການກັກຂັງ, ການທໍລະມານໃນຮູບແບບຕ່າງໆ ແລະອື່ນໆ, ຄວາມຮຸນແຮງທາງດ້ານຈິດໃຈ, ຄວາມຮູ້ສຶກການດູໝິ່ນກຽດສັກສີ, ການປ້ອຍດ່າ, ການເມີນເສີຍ, ການປ່ອຍປະລະເລີຍ, ການນອກໃຈ, ການບໍ່ໃຫ້ກຽດ ແລະ ອື່ນໆ, ຄວາມຮຸນແຮງທາງເພດ, ການເອົາລັດເອົາປຽບ ແລະ ການຂູດຮີດທາງເສດຖະກິດ. ວັນທີ 25 ພະຈິກ ໄດ້ຖືກຍົກຂຶ້ນທຳອິດໃນອາເມລິກາລາຕິນ ແລະ ໄດ້ຄ່ອຍໆ ແຜ່ຂະຫຍາຍອອກໄປສູ່ປະເທດຕ່າງໆ ໃນທົ່ວໂລກ ໃຫ້ເປັນວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ໄດ້ຖືກປະກາດເປັນຄັ້ງທຳອິດ ໃນກອງປະຊຸມນັກເຄື່ອນໄຫວສົ່ງເສີມດ້ານສິດທິແມ່ຍິງ ໃນຂົງເຂດອາເມລິກາລາຕິນ ແລະຄາຣິບຽນ ວັນດັ່ງກ່າວໄດ້ຖືກກໍານົດເປັນວັນລະນຶກ ແລະ ໄຫວ້ອາໄລເຖິງສາມເອື້ອຍນ້ອງຕະກູນ ມີຣາບານ ເຊິ່ງທົ່ວໂລກໄດ້ຮັບຮູ້ວ່າ ເປັນວັນຕ້ານຄວາມຮຸນແຮງ ບົນພື້ນຖານທາງເພດ.

 

ພາຍໃນງານຍັງມີບໍລິການກວດຕາໃຫ້ພໍ່ແມ່ປະຊາຊົນໂດຍບໍ່ໄດ້ເສຍຄ່າ ແລະໃຫ້ຄວາມຮູ້ກ່ຽວກັບການຮັກສາສຸຂະພາບຕາຈາກແພດຊ່ຽວຊານຂັ້ນ 1 ລົງເລິກພະຍາດທາງຕາ ໂຮງໝໍແຂວງຫົວພັນຕື່ມອີກ.

ພາບຂ່າວ-: ສີອຳພອນ